Va'Atəŋ 15:1 - Bible en Guidar

¹ Dərɓaga wənəska, Yawe apel sənək Abram addəv ula. Amna: «Kəgeslne' ɓa Abram, intə baray noko, wərəh ammba an kəgəɗ wasan diyɗa ndoɗoɗ-ndoɗoɗu.»

Va'Atəŋ 15:1 ပူးပေါင်းရင်းမြစ်များ

Va'Atəŋ 15:2

Abram azlan səni: «Yawe Maŋgəlva, miy kədawvay di? In tat əmbat məza uwa naw ɓa, məzəmgəla naw na, Eli'ezer na Damas iyi.»

Va'Atəŋ 15:4

Əpel na Yawe yaŋ azan dawnəh na: «Ndəni nawzəmgəla nok ɓa, ɗəf an dəgil səddəvuk tusso dədawzəm gəla noko.»

Va'Atəŋ 21:17

Maŋgəlva aprəmək wəla wiyna, maslay na Maŋgəlva ayət Hagar sə disiŋ. Apsət na: «Miy dərəhuk di Hagar? Kəgeslne' ɓa, vi Maŋgəlva aprəmək wəla wiyin sə təki asani.

Va'Atəŋ 22:1

Dərɓeget wənɗəski, Maŋgəlva awlak naza Abraham dawnah sən na: «Abraham»; yaŋ amna: «In yakəŋkə.»

Va'Atəŋ 22:20

Dərɓeget wənɗeski, mənah sən Abraham na: «Milka yakəŋ nat pak tuwə sənək kirin sən məlmuk Nahor:

Va'Atəŋ 26:24

Yawe arbanək zən azan dəfəɗ nani, aɓsən na: «Intə Maŋgəlva na afuk Abraham; kəgeslne' ɓa, vi in tat də isi. Wanəzaɓoko, wanuwan zeŋvuk diyɗa ammba məgəɗ wəza naw Abraham.»

Va'Atəŋ 31:7

Afukum asmayãwka, addəɗanək əfaɗ naw gap təl kəlawə, də as pak, Maŋgəlva dəpəl sən tive nawgəɗ su mbərayən ɓa.

2Samiyel 22:3

Maŋgəlva milɓe nawɗam naw adaki, baray nawi, gulom naska wəla nawi yi. Təki nawɗam nawa, ndəni məkõhgu səvet məsgagayɗe.

2Milyeŋge 1:15

Maslay na Yawe aɓsən Eliya na: «Aprik dəndəni kəgeslne' viyən ɓa.» Ndən le' pirik dəndən aza məlyã,

1Alabaraɗe Də Mabərkiziti 28:20

Yaŋ Davit anah sən Salomoŋ wətən na: «Ampa təlko, asok zuko, aɗɗa kəgeslne' ɓa, mokrok adawzlah ɓa, vi Yawe Maŋgəlva, Maŋgəlva naw tay də isi. Appok na ɓa, azgok na firik ɓa, hã gap əgrak wəza naddəv Gəla na Yawe.

Gəlyaɗe 115:10

Gəla na Aron, məppan zukum aka Yawe. Ndəni məzəbbah nokum, baray nokum!

Gəlyaɗe 119:114

Təki nawɗam naw də baray naw na istə! Əga naw aka əpel noki yi.

Gəlyaɗe 142:5

Azi horok dəka dəzəŋ awle: ɗəf tay dəsənu əmpa ɓa! Təki nawɗam naw tay ɓa, ɗəf tay dədaɗɗum aka zeŋgilew ɓa!

Gəlyaɗe 18:2

Yaŋ amna: Nəŋglukuko Yawe, gbogboŋ naw kənani.

Gəlyaɗe 27:1

Səza Davit. Yawe yi əkeɗeɗe nawa gəm əkõh nawa, sən nawa nədawgeslne' sən di? Yawe korgu na zeŋgilewi yi, geslne sən nawa adarmu di?

Gəlyaɗe 3:3

diyɗaŋ məzupeleŋ akaw na: «Wəkõh nan tay aba Maŋgəlva ɓa!».

Gəlyaɗe 3:4

Nok baray naw kənan hara Yawe; gagdak naw kənani, is kədawsilgin kiywa.

Gəlyaɗe 5:12

Məs dəɗamaŋ azok pak wannekenin zit hã faɗə, waŋzlaŋ vaŋvəl nanneke; wakəzaɓ sit təki nawɗam aketi, en dəŋgluwnən iya nok waɗɗəlaŋ sən ənneke.

Gəlyaɗe 58:11

Ɗəf təstəs wannek də ula əmpəlkiya na Maŋgəlva, wayop tələn aret mbel na məsdarawə.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Gəlyaɗe 84:9

Yawe Maŋgəlva Məzuɓappak, aprəm əkkam nawa; apak sləmoko, Maŋgəlva na Yakob. Əziwe

Gəlyaɗe 91:4

Də deɗeken adawzaɓ təki nawɗam noko, wakəɗam ammba perslekeni. Gegesiŋ nan baray yi gəm lukut-na-təbzi.

Əgilye 14:13

Moyis aɓsit ɗiy na: «Kəgeslne'eŋ ɓa! Məmpa təlkum! Mula əkõh va Yawe adaɗɗa vikum dəpaŋka. Vi mə Eziptiɗ kulaŋ dəpaŋka, kulenin na ɗah əmpa ɓa.

Wənməkkpaŋga 11:18

Məsdaraw na, wəza na uwawən adaɗɗa; ɗəf məgəɗ təstəsə, zəga an gesiŋgesiŋ adawrəh na hanza nani.

Wənməkkpaŋga 30:5

Əpel na Maŋgəlva pak təsi. Baray net ɗiy en dəɗamaŋ azani yi.

Isaya 35:4

Mənah sit ɗiy en mekret dəɓoh na: Məsok zukum, kəgeslne'eŋ ɓa, Maŋgəlva nokum yaŋka. Əmpəlkiya wagapə Maŋgəlva wamndan harat huloŋguk sit məzuzelɗe nokum, wade wəkõhgukum.

Isaya 40:10

Yawe Maŋgəlva yaŋka Tay əzzan də gbəgboŋgo, gbogboŋ nan dədawrəh sən məlyã. Əfaɗ na iya na wəza tay avani, zəga nawfet aka ɗəf tay abani.

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 41:14

Kəgeslne ɓa is Yakob tentiwilge, Israyel, dəsan kakaŋ zəga məmtəni naw nədek əbbah suko Yawe aɗiymani, məs dədawkõhguk na Salala na Israyeli yi.

Isaya 43:1

Ya kakaŋ na, Yawe məs dəzəməɗko Yakob, məs dəɗɗuko Israyel amna: Kəgeslne ɓa, vi nəbitkuko, nəyukuk də iya noko, naw kənani.

Isaya 43:5

Kəgeslne ɓa, vi in tat də isi, wanəmilgit kirtuk hã səmmba pay nampum, wanəkkelet ɗiy nok hã səmmba pay na moskoyo.

Isaya 44:2

Aŋki an Yawe anahə, intə nəɗɗuko, gəm nəzəməɗuk tak uwa noko intat əbbah suko: Geslne aduk ɓa məgəɗ wəza naw Yakob, gəm Yesurun məs nəweli.

Isaya 44:8

Kədakkerəŋ ɓa, kəgeslne'eŋ ɓa, nəprəman sukum far, gəm nəboton sukum mənokum miziweɗe naw ɓa sa? Dabərkiyu na, Maŋgəlva tay sa? Milɓe tay məza nəsən ɓa ɓa.

Isaya 51:12

Intə, intə nədaffeten sukum mokrokum, naw kənanaŋgə, vimi kədawgeslne sənən ɗəf titir namta sən ɗəf titir məs dəsan va kevile di?

Yeremiya 39:17

Pay nani wanəkõhguko Yawe aɗiymani, kappoki avet ɗiy məs kədawgeslne sit ɓa.

Əɓuhma 3:24

Naw nəmna Yawe yi hara ərəh nawa, vini nədawgan səvani.

Ezekiyel 1:1

Aka əzva makaklaw hoku, təla mapoɗon də wəvoŋ nan sle'i, in tat aret ɗiy mərmeti, go'o də məlpa Kebar; disiŋ akolko, yaŋ Maŋgəlva arbə su ula.

Ezekiyel 11:24

Yaŋ Əmpəs aslawa, aku a Kaldiya azet ɗiy misimgiti. Mbaraka as van agəɗ na addəv ula məs Əmpəs na Maŋgəlva arbəsuwi, ula nak həhi səkaw a disiŋ.

Ezekiyel 3:4

Yaŋ aɓsu na: «Wətən ɗəfa, doko; agap azet ɗiy na Israyel, apel sit əpel nawa.

Əŋɗa 12:6

Amna: «Məprəm əpel nawa: An məskəleŋ tay arokum na, addəv ula in Yawe nədarban zu azani, də issine nədawpel səni.

Əŋɗa 18:20

Yawe aɓsən Aron na: «Kərah na zəga nawzəmgəla azani may hara dələv nok a weleŋgit aka dələv net van ɓa. Intə nassaw hara dələv noko də zəga nok nawzəmgəla azan a weleŋgit kirtin Israyel.»

Əŋɗa 24:4

əɗiyma na məzəprəm ma Maŋgəlva, məzula an Məzuɓappak adarbəsəni, an tay əppu' na, haran əkolo.

Matiye 28:5

Yaŋ maslay anah sit gil neki: Nokum kədawgeslne'eŋ ɓa, nəsənək pakə Yesu məs məkkpa'ən kədawkayanəni.

Matiye 8:26

Yaŋ aɓsit na: Vimi kədawgeslne'eŋ di? Munokum məs ətaf nokum siɗikke. Yaŋ asili, ahayẽt barkataŋɗe də pehe, təki agəɗ sləɓəkə.

Luka 1:13

Yaŋ maslay aɓsən na: Kəgeslne ɓa, Zakari, vi əkkam nok aprəmka. Guluk nok Elizabet watəwəsuk wiyna, kəlvan gən na Yohanna.

Luka 1:30

Maslay aɓsət na: Kəgeslne ɓa Miryam, vi kərahək mbəlembəle səza Maŋgəlva.

Luka 12:32

Kədawgeslne'eŋ ɓa, gebet muzliya, vi Afukum awlak lew napsukum məlĩ nani.

Wəza net Masləŋɗe 10:22

Net aɓɗaŋ na: Korneliyus yi daya net məzəlpaŋ səkat, ɗəf təstəs, məgeslne' sən Maŋgəlva, məs mə Yudeɗ dəwən net pak adawpeleŋ akan moggoni, maslay salala dənah sən na dəsləngən əkoyok kəlgən ananda kaprəm əpel səmoko.

1Korintus 3:22

Dəsan Pol, dəsan Apollos, dəsan Kefas, dəsan ənziya egge, dəsan zeŋgile, dəsan əmta, dəssoŋ zəgeɗ kakaŋka dəssoŋ zəgeɗ en dədazzoŋgu, zəgeɗ pak nokuməŋ,

Əmsak aka Mahenziŋ 18:2

Dələv net mə levi tay awaleŋgit milmiŋgiɗit ɓa: Yawe yi haran neti, va apel siti.

Əmsak aka Mahenziŋ 31:6

Məssoŋ tokproku, mərma mokrokum, kəgeslne'eŋ ɓa, kədakkereŋ sən geslne abet ɓa, vi Yawe Maŋgəlva nokum məzudaw də mənokum: appokum na firik ɓa, azgokum na ɓa.»

Ibriɗe 1:1

Far lahəŋka, Maŋgəlva apel sitik migilim təl ɓaɓay də tive temtem diyɗa də met məskəleŋɗe,

Hənhən 1:17

Səza nula vaska, nəzbərək ammba tələn afuŋ va məmtuwa. Yaŋ aɗi van dəzəŋ akawa amna: Kəgeslne' ɓa. Intə wətəŋ na zəga, Intə əgrak nani.

Ɗerewel nat Rut 2:12

Kəta Yawe dəfaɗsuk an kəgəɗə, Yawe, Maŋgəlva na Israyel məs kəde əɗam ammba təlnən dəfaɗsuk hanza nok tutu'u.»

1Samiyel 15:10

Yawe apel sənək Samiyel, amna:

1Samiyel 9:9

A Israyel lahəŋ na, an ɗəf man aka əssõhon Maŋgəlva na, ənahaŋ na: «Məde məlgən aza məzula, vi an adawyaŋ məskəleŋ dəpaŋ na, məzula adawyanən lahəŋka.»