Va'Atəŋ 12:3 - Bible en Guidar

³ Wanəɗɗa əzaɓ aket ɗiy en dədawzaɓokuni, wanəreygit en dədawraygukuni; ɗiy nammba dələv pak, warahaŋ əzaɓ ammboko.»

Va'Atəŋ 12:3 ပူးပေါင်းရင်းမြစ်များ

Va'Atəŋ 18:18

Abraham wakkpaŋ vanday metiŋgin gboŋgboŋgu, vanday naka dələv pak warahaŋ əzaɓ ammbani,

Va'Atəŋ 18:19

Vi nəsənka, waɗi wən nan sit kirtin də gəla nan dərɓagan dəzbanəngən tive na Yawe, də wədaw təstəs məza əmzlah ɓa; vasna Yawe waknahan an anah far sən Abraham.»

Va'Atəŋ 22:18

də mazlalwõk nədaɗɗa əzaɓ aket ɗiy naka dələv gboŋgu, vi kəprəmək mawa.»

Va'Atəŋ 24:35

Yawe aɗɗak əzaɓ aka daya naw diyɗa, akkpaŋgək ɗəf metiŋgini. Apsənək gilew dit wasliɗe, təbəz babar də meleŋge, belemɗe mezeŋgleket dit muguluŋgiti, zlogomeɗ dit korɗe.

Va'Atəŋ 25:11

Dərɓaga əmta na Abraham, Maŋgəlva azaɓanək Isak, wətəni. Amaŋgava vov net iŋkile na Lahay-Ro'yi asan də gəla.

Va'Atəŋ 26:29

Asway səm na kəgəɗ səm na mbərayən ɓa, nam pak mərəŋguk na ɓa, adan moggon kaka' məgəɗ suko, məppok əmbat məzəzayko, is məs kakaŋ Yawe azaɓokəŋka.»

Va'Atəŋ 26:4

Wanuwan zeŋvuk va gərzleɗ na disiŋ, wanəpsin dəlveŋgəŋ pakə, səzani ɗiy naka dələv pak adawrahaŋ əzaɓa,

Va'Atəŋ 27:29

Ɗiy meɓɓet dəɗɗaŋ sukun wəza, vandayɗe net ɗiy dəppu'oŋ aboko! Asok məlĩ aket milmiŋgiɗko, kirtət mok dəppu'oŋ aboko! Wəray dəsan aka məzurayguko, əzaɓ dəsan aka məzuzoɓoko!»

Va'Atəŋ 28:14

Mazlalwõk wasan va burɗuk na dəlvafuŋ. Wakəzləɗan zuk ammba pay na moskoyo, gəm ammba pay nampum, də gazga də dohoŋ; ɗiy na dələv pak, warahaŋ əzaɓ ammboko, gəm ammbet kirtuko.

Va'Atəŋ 30:27

Laban aɓsən na: «Kəɗɗak moggon nok viwa, kəleŋ naw anah suwənək na, vikuy Yawe azaɓawa.»

Va'Atəŋ 30:30

Vi səza nəɓəl əzzaw ɓa na, arya nok siɗikke yi, awan zən diyɗa abawa, Yawe azaɓokko. Kakaŋ naw dewe nədaɗɗa wəza sən gəla naw tam kandi?»

Va'Atəŋ 39:5

Səza aɗi Yosef aka gəla nan ləŋgə, yas Yawe aki əzaɓ nan aka gəla na mə Eziptə naka; əzaɓ na Yawe asanək aket aryeɗ nan pakə, eŋgili, va awra.

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Əgilye 23:22

An is tat əprəm mani, is tat əɗɗa an nənah pakə, asna wanəzel məzuzelkuni, wanəsaw məzuseɓ net mərmaŋ mama azoko.

Əŋɗa 24:9

Tay əsan pipiɗikke, tay əvoŋ va ɓoolu, kəsənək ɓoolu məgolun; naway nokrok sən əsilgin di? Əzaɓ dəsan aka ɗəf nawzoɓoko, mefɗeke dəssoŋ aka ɗəf nawrayguko.

Matiye 25:40

Məlĩ wazlan wanah sit na: Gesiŋ nədawnah sukum, an məs kəɗɗaŋ sən taka nammbet milmiŋgiɗu en muzliyeɗiŋki, su kəɗɗanəni.

Matiye 25:45

Asna wazlan dawnah sit na: Gesiŋ nədawnah sukum, va kəɗɗaŋ ɗah sən taka nammbet muzliyeɗiŋ ɓaŋka, kəɗɗaŋ suwən ɓa'a.

Luka 24:27

Yaŋ aboton sit zəgeɗ en naɗɗa akan səddivit ɗerewelɗe pakə, təŋ səza Moyis hã gap azet məskəleŋɗe pakə.

Roma 4:11

Dərɓagani arah əskəlawra ka zəga narban təstəs na ətafa, aka asan dəɓəl əskəl awra ɓa. Ndəni efit ɗiy en dətafaŋ pakə, məs dəskəlaŋ awra ɓa vi kaŋɗan sit ka təstəs tamə.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

Galatiyen 3:16

Ya iynama vanəs sən Abraham gəm sən uwa nani, mənahi na sit kirtini ɓa va kəɓəs na sit ɗiy diyɗa ɓa, ya sən ɗəf taka kaka'i; sən uwa noko, ndəni Kristu.

Galatiyen 3:28

Tay əmpa na, aŋ mə Yudayi aŋ mə Gəreki ɓa, aŋ balami aŋ ɗəf na kini ɓa, aŋ ɗəf mizilni aŋkəŋ gulku ɓa, vi mənokum pak taka kənanaŋ addəv Yesu Kristu.

Galatiyen 3:8

An məverin awlak far na, Maŋgəlva wakkpaŋget ɗiy-ɗar təstəs də ətafa. Anah sənək Alabara Nenek vanəs far sən Abraham na: Ɗiy pak warahaŋ əzaɓ ammboko.

Efesus 1:3

Soko sən Maŋgəlva Afən Daya nam Yesu Kristu. Ndəni dəzaɓam də əzaɓ na əmpəs tutu' sə disiŋ addəv Kristu.

Kolosi 3:11

Eskiŋ na zəga tay duɗakan gərek də mə Yuda ɓa, məs dəskəlawra də gayã ɓa, məs dukol haran ɓa də məs dukol harani, balam də ɗəf an na kiyən ɓa, Kristu wi zəga pak addəv zəga pakə.

Hənhən 7:9

Ɗərɓaga aska, nəwəl na: Ɗiy diyɗa məza ɗəf aɓap na əŋɗet ɓaŋ, ɗiy net səret ɗiy naka dələv pakəŋ, səzet mahəlfaɗe gəm səddəvit maɗe awetdi pakəŋ. Tahəŋ ziwziw aba mazaŋga na məlyã gəm abat ndargayãk dit lukutɗe məsilip babarɗe azeti gəm va gugozlo aveti.