Va'Atəŋ 11:31 - Bible en Guidar

³¹ Terah agəmək Abram wətəni, Lot, wətən Haran, wətən wətəni, dət Saray atəni, ga Abram wətəni, agilyoŋ dənɗaŋ sə Ur net mə Kaldiyeɗi, kawmbat aka dələv na Kana'an. Agapaŋgək a Haran, assoŋ adaka.

Va'Atəŋ 11:31 ပူးပေါင်းရင်းမြစ်များ

Nehemi 9:7

Is Yawe Maŋgəlva tə kəwel Abram. Kəgilgin sə Ur net mə Kaldiyeɗi, yaŋ kəɗi iya nan na Abraham.

Va'Atəŋ 24:10

Gawla nak agəm zlogomeɗ kəlaw səret na daya nani, ndən mbatə. Arəmək zəga moggon nana daya nan da pak avani, yaŋ asil ambat a Weleŋgit-Məlpeŋge, a walaŋgəla-metiŋ na Nahor.

Va'Atəŋ 12:4

Abram ambatək va Yawe anah səni, Lot ambatək dəndəni. Wəzva na Abram agəɗək kaklaw buhul kiyən sle', gala asil sə Haran.

Va'Atəŋ 15:7

Anah sən na: «Intə Yawe, məs dəgilguk sə Ur net mə Kaldiyeɗi, vi kapsuk dəlvəŋ ka noko.»

Va'Atəŋ 11:32

Terah azəvək səkat sula də sle'i, amtə a Haran.

Va'Atəŋ 10:19

Slosloprok na dələv net mə Kana'anɗe atəŋgək sə Sidon, kəlaza Gerar hã gap a Gaza, kəlaza sodom də Gomorra, Adma də Seboyim hã gap a Lesa.

Ibriɗe 11:8

Də ətafi Abraham azlan ama iya, aprəm ma Maŋgəlva, yaŋ ammbat aka dələv an adawrəh nawzəmgəla, ndən mbat məza də əsən na aŋga adaddan di ɓa.

Va'Atəŋ 27:43

Kakaŋ kan na wətuwa, aprəm suwa; Asili! Anzok ana məlmu Laban da, a Haran.

Va'Atəŋ 24:15

Yaŋ dəbayma wəpel nan ɓa ləŋ, Rebeka wətən Betuwel, wətət Milka, ga Nahor, məlmən Abraham təgil də hinziw nat akkiy vata.

Va'Atəŋ 12:5

Abram agəmtək Saray ɗak nani, Lot wətən məlməni, arya an arah pak dit belemɗe en albah sə Haran. Addoŋguk aka dələv na Kana'an. Agapaŋgək aka dələv na Kana'an.

2Milyeŋge 19:12

Meŋgilveɗ net ɗiy akohgitinik aka efiŋgiɗu araygənən Gozan, Haran, Resef dit mə Edenɗe dəssoŋ a Telasar iŋ na, meŋgilveɗ net akõhgitinik sa?

Ɗerewel na Yob 1:17

Dəɓəl əgrak əpel ɓa, ɗəf mbərən agap amna: «Əsap net mə Kaldiya temtem hoku azzoŋguk aket zlogomeɗi, aketinke, abeyinik məɗɗaŋ wəza noko. In takərgu kakatə nəkohu, nəki suk wən nani.»

Isaya 37:12

Gala efiŋgiɗu azanən Gozan, Haran, Resef gəm kirtin Eden na Telasar na, meŋgilveɗ net akõhgitinik sa?

Va'Atəŋ 14:12

Armanənək Lot, wətən məlmən Abram də arya nani, mah wəkanəni. A Sodom Lot asan də gəla.

Va'Atəŋ 28:10

Yakob agilik sə Ber-seba, ambat a Haran.