Va'Atəŋ 1:21 - Bible en Guidar

²¹ Maŋgəlva azəməɗik eŋzleɗ gugriɗ na pehe, zəgeɗ mederet məzəɓlaŋ də zeŋvit məgusiŋgusiŋ temtem məs dəknihtin iŋkile, dit biŋgeɗ pak va zeŋvit asani. Maŋgəlva awlak na, moggoni.

Va'Atəŋ 1:21 ပူးပေါင်းရင်းမြစ်များ

Va'Atəŋ 1:18

kawdawgit may kapay də dəfɗa, kawɗakan əkeɗeɗe'e gəm guzliyo. Maŋgəlva awlak na, moggoni.

Va'Atəŋ 1:20

Maŋgəlva anah na: «Zəgeɗ memeyẽɗ mederet duwaŋ hõslõ' hõslõ' aret iŋkile, biŋgeɗ dəveŋgeŋ a təki keŋreŋge na disiŋ aka dəlvafuŋ.»

Va'Atəŋ 1:22

Maŋgəlva aɗɗak əzaɓ aketi, amna: «muwə, mənzlərə, məknih iŋkile na pehe, biŋgeɗ duwanən kiyit aka dəlvafuŋ!»

Va'Atəŋ 1:25

Maŋgəlva aɗɗek zəgeɗ nawra va zeŋvit asan, zəgeɗ memeyẽɗ neŋgil va zeŋvit asani, dit vẽvẽɗe temtem naka dələv va zeŋvit asani. Maŋgəlva awlak na, moggoni.

Va'Atəŋ 1:31

Maŋgəlva awla an agəɗ pak moggoni sawɓa. Pay atirke, təki addaŋka: pay masləre'eni.

Va'Atəŋ 2:19

Yawe Maŋgəlva də dələv azəmiɗ zev zəgeɗ nawra, zev bəŋga na disiŋgi, akiy aza ɗəf titire, kawlan va mbar adalvet di. Va ɗəf adalvan «zəga madaranəŋ» pak, vaski iya nan adawsani.

Va'Atəŋ 6:20

Zev bəŋga pakə, zev zəga mamayãn pakə, vẽvẽɗe naka dəlvafuŋ pakə, mizilin də muguluŋgun dəzzoŋgən azok ka dəsoŋgən medereti.

Va'Atəŋ 7:14

Ndəɗaŋ də zeŋvit zəgeɗ memeyẽɗ temtemi, wasliɗe dit gilewi məzudawaŋ aka dəlvafuŋ, vẽvẽɗe, zeŋvit biŋgeɗ na disiŋ temtemi, wãwyẽkeɗ dit zəgeɗ mukroket dəwən neti.

Va'Atəŋ 8:17

Zəga mamayãn məs də isi, zəga də slu zəni, bəŋga, sə walaŋgit zəgeɗ memeyẽɗ gugriɗ dit vẽvẽɗe, zəgeɗ məzəɓlaŋ naka dələv pakə, agilgit də isi, duwanəngən kiyit, dənzləraŋgən kuɗiskuɗis aka dəlvafuŋ.»

Va'Atəŋ 8:19

Zəgeɗ memeyẽɗ gugriɗ dit vẽvẽɗe pakə, biŋgeɗi, gəm zəgeɗ məzəɓlaŋ naka dəlvafuŋ pakə, agilyoŋguk də kiyit səddəv bəlay.

Va'Atəŋ 9:2

Zəgeɗ memeyẽɗ naka dəlvafuŋ dit biŋgeɗ na disiŋ pakə, zəgeɗ məzəɓlaŋ naka dəlvafuŋ dit kilfeŋge na pehe pak wageslne'eŋgi, wakkereŋ sukuməni, nipsukumik ammba vokum.

Va'Atəŋ 9:7

Nokum na, mənzlərə, məknəh dəlvafuŋ kuɗiskuɗisi, muwan kiykum akani.»

Ɗerewel na Yob 12:7

Ya kamə attoket zəgeɗ memeyẽɗi, wayagan sukuni, biŋgeɗ na disiŋ waboton sukuni.

Ɗerewel na Yob 26:5

Misvefɗe tahəŋ əɓlaŋ ammbet iŋkile dit zəgeɗ nereti.

Ɗerewel na Yob 7:12

Pehe nənan awaniɓa zəga darawən na pehe ka kəɗigən ɗəf nawguwa sa?

Gəlyaɗe 148:7

Məɗi ki Yawe səka dəlvafuŋ: zəgeɗ darewit na pehe dit delŋgeɗekɗe pakə,

Əgilye 1:7

Mə Israyelɗe awaŋka, awanənək kiyit hõyo' hõyo'u, akkpaŋgaŋgək gboŋgboŋ diyɗa: dələv aknahək dəndəɗaŋgə.

Əgilye 8:3

Yaŋ məs teteleɗ na Eziptə aɗɗaŋ tetele va neti: agilgitinin eŋgeleŋɗe aka dələv na Eziptə.

Ezekiyel 32:2

Wətən ɗəfa, agəm wəla gəlya na gəbay aka Farawən məlĩ na Eziptə, kənah səngən na: Məsluki va gawla ɓoolu naret ɗiy-ɗarə, kəsokuk va eŋzle addivit peheɗi, is tat əpislkiw məlpeŋge noko, is tat ətovoret iŋkile də tulko, is tat ədduɓet məlpeŋge.

Yonas 2:10

Ya naw na, wanəfet akok dəlvok də gəlya, wanəzaɓ suk Maŋgəlva, Wanəɗɗa an maw aynə nagəɗ suko. Əkõh ava Yawe yi.

Matiye 12:40

Va Yonas agəɗ pay hoku dəfəɗ hoku addəv kilfi, vaski Wətən Ɗəf tam adaɗɗa, pay hoku dəfəɗ hoku ammba dəlvafuŋ.