Məslan horokum a disiŋ, mula, naway dəzəmiɗ zəgeɗ vet di? Ndən dədawgilgin dula net gədakə, dədawyet pak də iya neti, vi tay də əɓap diyɗa, gbəgboŋ nan nanəhi ɓa, taka tay dəzə ɓa.
An Yawe anah yaŋka: Kədayaganən əzban tive net ɗiy-ɗar ɓa; kədawgəslne'en sitin zəgeɗ en dədarbaŋ a disiŋ ɓa vi ɗiy-ɗarə vet tay əppanən zit zəgeɗ vet əgeslnegiti.
An Yawe anah yaŋka: Ndən dəɗi pay ka dəkasakgən kapaya, dəɗi mahenziŋ sən təla dit ŋgərzleɗe dəkasakaŋgən də dəfəɗa, ndən dədaɓlan pehe, vovulumɗe nan adawbayaŋ gəgayə, iya nan na Yawe Məzuɓappak.
Vaŋki Yawe anahə: An wakəɓapənən əŋzləw wənmiyna naw an nəɗi sən kapaya, gəm wənmiyna naw an nəɗi sən dəfəɗa, ka kapay də dəfəɗ adaɗɗaŋ aka pay net ɓa,
Vaŋ Daya Yawe anahə: maddamba na daŋgla, məs haran dəmmba pay nampum, kampani gap əvoŋ sləre na wəza; kawkolni pay naffete; kawkolni pay na wəzləra na təlaper.
Vi Kədawslan horok a disiŋ, kawla paya, təla, ŋgərzleɗi, dit məzəlpaŋ na disiŋ pakə, kappan zukum tiɓiɓ əppu' abet may kawgəɗ sit wəza ɓa. Eskiski, Yawe Maŋgəlva nok appan sitik ɗiy-ɗar naka dələv pak dəɗɗeningini.
Maslay mapoɗo'it affonək gozloro nani: Taka səddəv əprasl hoku na paya, taka səddəv əprasl hoku na təla gəm taka səddəv əprasl hoku net ngərzleɗ mərgeti. Attireŋgik taka səddəv əprasl hoku neti: əsɓəta azanək əkeɗeɗe nan taka səddəv əprasl hoku, dəfəɗ pak vaska'e.