Huram amna: soko sən Yawe, Maŋgəlva na Israyel, məs dəzəməɗ disiŋ də dəlvafuŋ, vi apsənək wiyən də maɗɗula, məsən gabba zəga, məs əsən akan sən Davit. Məs dədarka gəla sən Yawe gəm gəla na məlĩ nani.
Istə Yawe, is takərguko! Istə kəɗɗa disiŋ, disiŋ naka disiŋ də dula nalpa naddivit pakə, dəlvafuŋ də an dəsan akan pakə, iŋkile də an dəsan addivit pakə. Istə kəpsən əmpəs sən zəga pakə. Dula nalpa na disiŋ tay əgduk aboko.
Məslan horokum a disiŋ, mula, naway dəzəmiɗ zəgeɗ vet di? Ndən dədawgilgin dula net gədakə, dədawyet pak də iya neti, vi tay də əɓap diyɗa, gbəgboŋ nan nanəhi ɓa, taka tay dəzə ɓa.
Is əzgət ki Yawe məs dəɗɗuko, məs dəpak disiŋ məs dəziwgin dəlvafuŋ. Pay pak is tat əkker sən geslne aba ədagədəv na məsər ma ɗəfa, va kəɓəs na azaɓanək zən nawzoko. Ya ŋgay ədagədəv na məsər ma ɗəf van di?
Pay nan dəpaska, Yesu agəmək əpele, yaŋ amna: Intat əgagdokoko Əbba, Daya na disiŋ də dəlvafuŋ, vi kəɗemetik zəgeɗis səma heret məs maɗɗulet dit məs əsəna, kərbet sit kirin muzliyeɗi.
Ya nam na, Maŋgəlva taka kaka məsənə, Afən məs dəɗɗa zəga pakə, azani mədaddamə. Daya taka yi ndəni Yesu Kristu. Dəndəni zəga pak asani, dəndəni məsamə.
Yaŋ anah su na: Agəɗək səkay grakə. Intə an daabəŋ wətəŋ nani, də an dirɓe pakə wəgrak nani. Ɗəf məs meme adaŋ pak wanəpsən iŋkile miyma na zeŋgile na mekeleŋ.
Aver sən maslay na gəla na Maŋgəlva na Lawdikiya: Aŋki an Amen adawpele, ndən Miziwe an təstəsə gəm an gərrakə, ndəni slalwãy zəga məs Maŋgəlva azəməɗə:
