Sefanya 3:7 - Bible en Guidar

⁷ Nənah na: «Ageslne' su kaka'ə, kətafgən iyaka! Təki nassa nan azəna ɓa.» Va pay nəsil akan pakə, agəmənək zit əraygən zəga naɗɗa neti.

Sefanya 3:7 ပူးပေါင်းရင်းမြစ်များ

Hose'a 9:9

Akkpumoŋguk addəv əray va aka pay na Gibeya. Waɗɗumonən mambray neti, wanəmpəlkiya na mambray neti.

Yeremiya 36:3

Kuzuŋ ɗiy na Yuda waprəmən tatwãh nədaɗɗum nawgəɗ sitiŋ pakə, vi dəmulyoŋgən ɗəf pak səka tive mbərayən nani; asna wanəppan sit heslepe net də mambray neti.» Ka dəmilyoŋgən ɗəf pak səka tive mbərayən nani; asna wanəvvuyon əzlzlaɓ neti gəm mambray neti.

Sefanya 3:2

Dəprəm iya ɓa, dətaf iyak ɓa, dəppan zən sən Yawe ɓa, dəzar go'o aza Maŋgəlva nan ɓa.

Yeremiya 25:5

Anahaŋ sukumənək na, kamə ɗəf pak dəmil səka tive mbərayən nani gəm səka wəza nokum mbərayən, kəssoŋgən faɗ aka dələv məs Yawe apsukum gəm sit efiŋgiɗkum farfar hã faɗə.

Yeremiya 7:7

Asna wanəppokum kəssoŋgən a təkiyəŋka, dələv məs nəpsit efiŋgiɗkum na sete hã faɗəŋka.

2Piyer 3:9

Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.

Yeremiya 38:17

Yeremiya aɓsən sən Sedekiya na: «An Yawe Maŋgəlva Məzuɓappakə, Maŋgəlva na Israyel anah yaŋka: An əgil kəgil kəmbat azet deyeɗe na məlĩ na Babilon na, asna wakəsok modoroko, kawzlani walaŋgəla-metiŋginiŋ də offo ɓa, wakəsok modorok də gəla noko.

Yeremiya 8:6

Nəzlgək sləma əprəmti təstəs tay addəv an apeleŋ ɓa. Ɗəf tay dədawɗi marava aka mambray nan dawnəh na: «Mi nəgəɗəŋ di ɓa?» Naway pak əzban ənza nan va pələs məgəm zən əmbat a ma əgaya.

Isaya 63:8

Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

Isaya 5:4

Miy əmpa nawgəɗ sən guli net megezlembirkeɗ məs nəɗɗa ɓa di? Nəɗiyək əɗɗum naw akan na wawə moggoni, yaŋ awə uwa daryawə, vimi di?

2Alabaraɗe Də Mabərkiziti 33:11

Yas Yawe appet deyeɗe net məzəlpaŋ na məlĩ na Asiri əzzoŋ aketi: armanən Manase dit makalawɗe, aynanən dit ŋgiyamɗe na təbəz pepreŋ heret sula, akanən a Babilon.

Əmsak aka Mahenziŋ 4:16

Kədawraygənən zukum də wəzaɓ zəgakamaŋgəlva ɓa, zəga dəgil va zeŋgile ɗəf mizilin awaniɓa guluk ɓa,

Va'Atəŋ 6:12

Yaŋ Maŋgəlva awla dəlvafuŋ arayka, vi ɗəf naka dələv pak araygənək tive nani.

1Timote 1:5

Wəray na wən məɗinəs na: Ndəni əŋgla məs də makra ɗəf barə, əɗɗum moggoni gəm ətaf məza matakataka ɓa.

Ɗerewel na Yob 36:10

Tay əkol sləmet vi dəprəməngən əzga nani, anah sitik dəmilyoŋgən səka mambraya.

Gəlyaɗe 32:8

Wanəyogoko, wanərban suk tive məs kədazba, wanəpsuk pepete, wanəzi haraw akoko.

Wənməkkpaŋga 19:20

Aprəm əsəɓa, ataf əzban an mərbə suko, vi abe na, kəkkpaŋgən məsmaɗɗula tamə.

Yeremiya 6:8

Ataf əzga'a Yerusalem, vas ɓa na wamuɗakə vi nədakkpoŋgok va ki kapta, dələv məs ɗiy tahəŋ akan ɓa ɓa.

Yeremiya 17:23

Net dəprəmaŋ ɓa, dəpakən sləmet ɓa, aɓɓəlanənək kiyti, vi adaprəmnən ɓa, ka adawrahaŋ əzga' ɓa.