Sefanya 3:1 - Bible en Guidar

¹ Əray aka walaŋgəla-metiŋ məɓoŋni, mərnokən gəm məsər met ɗiyi!

Sefanya 3:1 ပူးပေါင်းရင်းမြစ်များ

Isaya 30:12

Aŋki an məs Salala na Israyel anahə: Adan kəzeleninik əpeləŋka, kəppanən maɗɗulokum sən ɗarɗar gəm əraya gəm kəmpanən təlkum akani.

Isaya 5:7

Vi guli net megezlembirkeɗ na Yawe Məzuɓappak na, ɗiy na Israyel əŋgə. Megezlembirke dədanneken zən vani, ndəni Yuda. Aɗiyək əɗɗum nan na wadawaŋ sarara, awla na əggbo mbeli yi, wadawaŋ təstəsə, awla na əhəm də əɓuhma yi.

Isaya 59:13

Məɓoŋko, məwək wən aka Yawe, məppanək əzban Maŋgəlva namə. An mədawpele, nattapan ənziya yi gəm əɓoŋgo. An mədaɗɗum a makramə, əpel na uwawəni yi.

Isaya 59:6

Gabagaɗe nokum vet akkpaŋgaŋ na lukut ɓa kəzziɗnin na akokum ɓa, vi wəzeɗe nokum wəzeɗe mbəraytiŋ gagayi ammba vokum.

Yeremiya 22:17

Ya nok horok də mokrok pak aka ərəh noki, gəm aka əggbo' mbel net ɗiy en də mazlibezlibe na meti, aka əsər met ɗiyi gəm aka əɗɗa darawi yi.

Yeremiya 5:23

Ya kiyit ɗiyəŋ ɓəli, məɓoŋtiŋ. Aktuhunək dəɓeti, addoŋko,

Yeremiya 6:6

Vi vaŋ Yawe Məzuɓappak anahə: Mibil wəleŋɗe, məkkpot dələv ki Yerusalem tərwəslə, ndən walaŋgəla-metiŋgin məs məzga' səni. Əsərma tay addəvni.

Yeremiya 6:7

Va vov net iŋkile adaziwgit iŋkile nani, vas adarma daraw nani. An ɗəf adaprəm na ndəni gagay gəm ərma mama. Tatwãh də ərga tahəŋ a maharaw pay pakə.

Ezekiyel 22:29

Ɗiy na dələv tay əsərnən met ɗiyi, əhãl adawhãlaŋgə, əsərnən met məssehẽŋɗe dit məzəmaŋ sahã; tay əsərnən ma molhõyõ məza aka təstəs ɓa.

Ezekiyel 22:7

Tay əzeletin may efit dət met anokda; tay əsərnən ma molhõyõ anokda, tay əsərnən met may mitiwe dət gagəbay anokda.

Ezekiyel 23:30

Kawgəɗ suki vaska, vi kəgəɗək polkoyo əzbet ɗiy-ɗarə, kərnokonək zuk dit tuyeŋge neti.

Məsdəlveŋge 1:16

Dəboŋgən gogoɓyokən aket dəɓekeɗi, dəzgangən amaŋgava təki nawzaɓ Maŋgəlva dəmmba pay nampum, aka təki nawfik moŋglo məs səlhã almisi;

Amos 3:9

Mətəl ma azet gəleɗe mogget na Asdod gəm naka dələv na Eziptə, mənah na: «Mekkal aket mossorgeɗe gugriɗ na Samari, mula ɗarɗar naddəvən diyɗaŋka, gəm əzəmsahã an dədaɗɗa addəvən.»

Amos 4:1

Məprəm əpeləŋka, met wasliɗe na Basan dəssoŋ aka mossorgo metiŋ na Samari. Mənokum məzimgitin sahã net ɗiy məddekti, məsərən met məzurayɗe may məzunah sitin deyeɗe nokum na: «Akiya, məsegənəŋki!»

Mika 2:2

An asimeŋgik gulyo, ndəɗaŋ əmõhuni; ya an gəlay yi, ndəɗaŋ əmõhuni; ndəɗaŋ əzəmgənən sãhã na ɗəf də gəla nani, əmõh arya na ɗəf vani.

Zakarya 7:10

Kədawsərnən met may gagəbaya, mitiwe molhõyõ gəm məssahã ɓa; kədaɗɗumoŋ naɗɗa mbərayən a mokrokum aka məlmukum ɓa.»

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.