Sefanya 2:9 - Bible en Guidar

⁹ Yawe Məzuɓappak na disiŋ, Maŋgəlva na Israyel, aɗiyman na, va nəsaw madarawa! Mo'ab wakkpaŋ va Sodom gəm mə Ammonɗe va Gomorra: təki net dewregeɗe, təki nawso' bətuwa, dəlvafuŋ məraygən hã faɗə. Ɗiy naw en dəppaŋ wamohẽtini, ɗiy na mahəlfa naw dəppaŋ wagəmnən ka neti.

Sefanya 2:9 ပူးပေါင်းရင်းမြစ်များ

Isaya 11:14

Wazlahaŋ a ma wəlet mə Filistiɗe nammba pay na moskoyo wappohetin ɗiy nammba pay nampum matakə. Edom gəm Mo'ab wassoŋ zəga nammba veti, mə Ammonɗe wassoŋ belemɗe neti.

Isaya 25:10

Va Yawe tay əga mossorgo metiŋ vanəska! Ya Mo'ab wasan məndapan a gəlan agəlani, va kpew na marbaza məndapan aka dagərgiya.

Isaya 49:18

Aslan horoko, awəl kiyuk tərwəslə, ndəɗaŋ pak akkalaŋka tahəŋ əzzoŋ azoko. Yawe aɗiyman na: Va nəsaw madarawa, ndəɗaŋ pak wakugil azok va zəga na gawla, wakiynet addakuk va waŋ məpsənət zəlta.

Yeremiya 46:18

Madaraw nani, məlĩ aɗiymani iya nan na Yawe Məzuɓappak: Va mossorgo Tabor aweleŋgit mossorgoɗe, gəm va mossorgo Karmel aka pehe, tay əzzani.

Yeremiya 48:1

Vaŋ Yawe Məzuɓappak Maŋgəlva na Israyel apel aka wən na Mo'ab: Əray aka Nebo: Vi arayka! Wil ara Kiryatayim məgulni! Wil ara walaŋgəla na korgu, addəv geslne yi.

Yeremiya 49:1

Aka wən net mə Ammonɗe na, vaŋ Yawe anahə: Zeŋvin Israyel tay ɓa sa? Məzəm gəla nan tay ɓa sa? Vimi məlĩ net mə Ammon amõh Gad may ɗiy nan assoŋ də gəla a walaŋgəleɗe gugriɗ nan di?

Yeremiya 49:18

Va Sodom, Gomorra gəm walaŋgəleɗe meggegiɗin arayaŋgə, ɗəf tay nassan adak də gəla ɓa, ɗəf titir asan na akan ɓa Yawe anahə.

Yeremiya 49:33

Hasor wakkpaŋ təki nawɗam net wawayɗe, təki məraygən faɗə. Ɗəf tay nassan adak ɓa ɗəf titir tay nassan də gəla akan ɓa.

Yeremiya 50:40

Va Maŋgəlva araygən Sodom, Gomorra gəm walaŋgəleɗe meggegiɗin ɗəf tay nassan adak də gəla akan ɓa Yawe aɗiymani.

Amos 1:13

An Yawe apel yaŋka: «Aka əɓoŋ an ɗiy na Ammon aɓoŋgoŋ təl hoku gəm aka əɓoŋ poɗo, nəppan na wən an nəziwgin ɓa, vi abekinik gil na Galad də daway vi kazlzleten dələv neti.

Amos 2:1

An Yawe apel yaŋka: «Aka əɓoŋ an na Mo'ab aɓoŋ təl hoku gəm aka əɓoŋ poɗo, nəppan na wən an nəziwgin ɓa, Vi azlek sleŋsleŋɗe na məlĩ na Edom ka ɗama.

Sefanya 2:14

addəvni zəgeɗ memeyẽɗ adawvoŋgoŋgu, zenvit zəgeɗ memeyẽɗ temtemi: aŋkarguzlo, tovvo dayday wavoŋ addəvit daŋgbargeɗ nani, kaprəmi əhəm na gbuzlu ama təkifoŋgo naza gəla. Təŋ sə maddamba ɗəf adawla əraya, kaptiwti gbuŋgburit muguguleɗ na Liban.

Sefanya 2:7

Wasan ka kiyva net madembirgit ɗiy na Yuda; wataɗaŋ akani, wavoŋgoŋ addəvit gəleɗe na Askelon də moskoyo, vi Yawe Maŋgəlva net wazgə sləma aketi, wazaɓan wən neti.

Sefanya 3:13

Madambirgit mə Israyelɗe aɗɗaŋ na ɗarɗar ɓa; awaŋ na wən əmpa ɓa, akolnən na met nawwa wən ɓa; waɓap əzəmaŋgə, waffeteŋ məza ɗəf əgeslne'git ɓa.

Zakarya 2:13

Vi in yakəŋ əslan vaw aketi, wakkpaŋgaŋ ka ərəh na mawgay net belemɗe neti. Wakəsənnən na, Yawe Məzuɓappak dəslənwa.

Əŋɗa 14:21

Ya hara kan na, Suway va nəsaw madarawa, suway va gagdak na Yawe atəsl mammba dəlva,

Roma 14:11

Vi məverni na: Də zeŋgilewa Daya anahə, ɗiy pak wakdukun takperet abawa, ma pak wagagdakan Maŋgəlva.

Əmsak aka Mahenziŋ 29:22

«Dələv nan mondorom də meleme gəm busuk azlanənka, kazlgay akan ɓa, zəga tay nawgilyan akan ɓa, kevile tay dədawɓay dayday ɓa, səɗek va wəray dəde aka Sodom, Gomorra, Adma gəm Seboyim, məs Yawe aɓzliw addəv wədagədəv nan gəm herɗe na makrani.»

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»