Sefanya 2:3 - Bible en Guidar

³ Məkayan Yawe, mənokum məzurayɗe naka dəlvafuŋ, məzəɗɗaŋ wəza də an agəɗə; məkayan təstəsə, məkayan əɓe'gən kiya, kuzuŋ wakəɗamaŋ aka pay nawda gədəv na Yawe soko.

Sefanya 2:3 ပူးပေါင်းရင်းမြစ်များ

2Samiyel 12:22

Yaŋ amna: «Ya pay muzliya asan madaran nədaɗɗa meme gəm nədahəm na: “Əɗɗum naw na kuzuŋ Yawe wawla sasãhũ, muzliya wambələ.”

Gəlyaɗe 105:4

Məkayan Yawe də gbogboŋ nani, məkayan ula haran pay pakə.

Gəlyaɗe 149:4

Vi Yawe tay ənnek dit ɗiy nani; tay əɗi kiyit ɗiy məddekit də wəkõhgiti.

Gəlyaɗe 22:26

Əɗi kiya naw səzok ade! Addəv əkkal metiŋgini, in tat əknahan an maw aynə abet məgeslne'eŋ sənəni.

Gəlyaɗe 31:20

Moggon nok diyɗa yi məs kəɗi ta' ammbet məzugeslne'eŋ sukuni! Kəpsitik ɗiy dədaddoŋ əɗam azoko, abet ɗiy gboŋgu.

Gəlyaɗe 45:4

Aynan masalam nok agzeko, məs makrani, memetiŋ də gagdak noki yi.

Gəlyaɗe 57:1

Səza daya net məyaŋgəlya. Məyan də wəla məs adawyaŋ na: «Kəraygən ɓa.» Gəlyanalva səddəv gəlya na Davit. Gala adanzan səba Sawlu a bətəŋ.

Gəlyaɗe 76:9

Sə disiŋ kədaprəman ətawwən noko; dəlvafuŋ tay əgeslne'e, asanək ɓatə,

Gəlyaɗe 91:1

Ɗəf dəsan a təki an Məsəɗəɗə aɗamə, wavoŋ ara zeŋgile na Maŋgəlva Məzuɓappak.

Əgilye 12:27

Kənahaŋgən na: Əzaɓ-Maŋgəlva na Pak sən Yawe məs dətoŋ dəka kigəla net mə Israyelɗe a Eziptə, gala abey ɗiy na Eziptə, akõhgit gəleɗe nam yi.» Yaŋ ɗiy aɓe'en appu'oŋgu.

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Isaya 1:17

Məyagan əɗɗa moggoni, məkayan təstəsə, mətak ma məppət ɗiyi, məgəɗ təstəs sən mitiwe, mətərət gagəbaya.

Isaya 11:4

Watawwən aket məssehẽŋɗe təstəsə, gəm wasan təstəs azet məzurayɗe naka dəlva. Əpel na mani, ndəni zleŋge məs adawvər dəlva, də səmyã na man adawbay məsdaraw zamə.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Yeremiya 39:18

Vi əkõh nədawkohguko, kəmtə na ama masalam ɓa, zəga nawrəh nama əgay nok na zeŋgiloki yi, vi kəppanək zuk suwa Yawe aɗiymani.

Yeremiya 45:5

Ya nok na, is tat əkeyet zəgeɗ gugriɗ ammba kizuko, Kədawkeyet ɓa, vi in tat əki əray aka zəga madaran pakə, Yawe aɗiymani. Ya in tat əpsuk zeŋgilok ka zəga nawrəh na ma əgay nok təki kəmbat adak pakə.

Ezekiyel 13:5

Kəpeŋgeŋ əsuk təki miɓliwin naza zlava ɓa, kərkanən zlava aka gəla na Israyel vi dəɓapgən iziw a təki nalpa pay na Yawe ɓa.

Hose'a 10:12

Məzlək təstəsə, wakəkkalaŋ zəga na mabardaw moggoni; Məkkpãy guli meleketeni; kakaŋki kan pay nawkayan Yawe, hã gap adazzan wərban sukum təstəsə.

Hose'a 7:10

Əkaɓ na Israyel tay əpel akan tusso ama harani, ya dəmil aza Yawe Maŋgəlva nan ɓa; də as pak dəkayan ɓa.

Yonas 3:9

Nawa dəsən di kuzuŋ Maŋgəlva wakkpaŋgan mani, makran waffeti, wakkpaŋ səka ədagədəv nani, məzəna ɓa soko.»

Zakarya 8:19

Vaŋ an Yawe Məzuɓappak anahə, amna: Wəɗɗa meme na təla mapoɗoni, na təla masle'eni, na təla mabuhuloni gəm na təla makəlawan wassoŋ ka pay na hĩyã hĩyã də nanneke gəm wəzləra nannek viyit ɗiy na Yuda. Məŋglu gegesiŋ də zazaya.

Matiye 5:5

Əzaɓ aket məs mekret zayə, vi Maŋgəlva wapsit dələv va anahə.

1Tesaloniki 4:1

An dəpəl kan na, milmiŋgiɗwa, mənam tat əkkamokum gəm əsɓokum addəv Daya Yesu, va an məs kəprəmaŋ səmam va mbar kədawdawaŋ va an Maŋgəlva aŋgələ di, vas van kədawdawaŋgə, məsok zukum əmbat abe abe.

1Tesaloniki 4:10

Gesiŋ munokum tat əɗɗanən vas azet milmiŋgiɗkum na Makedoniya pakə, ya mənam tat əsɓokum milmiŋgiɗwa kəddoŋgən abe abe də wən nani.

1Piyer 1:22

Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.

1Piyer 3:4

ya dəsan də makrokum, lelew məs awray ɓa maɗɗula na zazaya, məs də sləma diyɗa aba Maŋgəlva.

2Piyer 3:18

Məɓay addəv mbəlembəle də əsən Daya nam məkõhgəmə, ndəni Yesu Kristu. Gagdak nani təŋ kakaŋka hã faɗə. Amen.