Sefanya 1:7 - Bible en Guidar

⁷ Məssoŋ sləɓək aba Yawe Maŋgəlva! Vi pay na Yawe go'o yi. Yawe azaɓanək əzaɓ-Maŋgəlva, abburik en ayə.

Sefanya 1:7 ပူးပေါင်းရင်းမြစ်များ

Habakuk 2:20

Ya Yawe tay addəv gəla nan salala! Ɗiy naka dəlvafuŋ pak dəɓətaŋ sləɓək abani.»

Zakarya 2:13

Vi in yakəŋ əslan vaw aketi, wakkpaŋgaŋ ka ərəh na mawgay net belemɗe neti. Wakəsənnən na, Yawe Məzuɓappak dəslənwa.

Sefanya 1:14

Pay metiŋ na Yawe go'o yi, tay əzzan də kakara. Vaŋvəl wasan diyɗa aka pay na Yawe, məs makran dayday waŋgəl əsək səni.

Yeremiya 46:10

Payiski pay na Maŋgəlva Yawe Məzuɓappak, pay nampəlkiya aket məzuzelɗe nani. Masalam wazime wabə kpe' dit mbel net hã kiyən viwwe vi əzaɓ-Maŋgəlva mədan sən Daya Yawe Məzuɓappak aka dələv na kəla disiŋ ama Efrat.

Isaya 34:6

Mbel tahəŋ yototo aza masalam na Yawe, səlhã tay azan slərkətənəh-slərkətənəh va mbel net kirit timeŋgiɗ dit en net murgoŋge, va səlhã naka kiriɗ dəɓet ndargeyẽɗi. Vi əzaɓ-Maŋgəlva mədan sən Yawe a Bosra, əza metiŋgini aka dələv na Edom.

Isaya 13:6

Məɓuh mokum, vi pay na Yawe go'oy yi, tay əzzan va əza metiŋgin an səza Maŋgəlva Məzuɓappakə.

Matiye 22:4

Yaŋ aslən belemɗe meɓɓet dawnəh na: Mənah sit ɗiy məyet na: Mətawi wəlet medgeɗgeɗe dit zəgeɗ memeyẽɗ məkərti zəga nawzəm pak mədani. Zəga pak məzaɓani, məde a wəzləra.

Isaya 2:12

Vi pay tay Yawe Məzuɓappak adawɓegin məɓaygən kiyzən gəm məzula zəni. Wasil sən məslan kiyən vi kawɓegəni.

1Samiyel 16:5

Yaŋ azlan na: «Zay yi. Əzaɓ-Maŋgəlva nəde wədə sən Yawe. Məbbur zukum, Kəzzoŋgən də in a matuya.» Abburik Yesse dit kirtini, aye a matuya.

Amos 6:10

Asna mahəlfa na gugo net ɗiy en dəmtaŋ dədawgilgin gəbay net səŋgil kawndikit, wanah sən ɗəf məɗamən naddəv gəla na: «Ɗəf tay azok sa?» Ɗəf van wazlan sən na: «Awwo, ɗəf tay ɓa.» Wamsak ənah səni: «Amsan mok kpuɓu! Ɗəf adawya sləma Yawe ɓa.»

Yo'el 2:11

yaŋ Yawe adawgəŋgəm wəlan abet məzəlpaŋ nani. Vi məzəlpaŋ nan aŋɗaŋ ɓa: məzəɗɗa an aɗi gboŋgboŋgi. Vi pay na Yawe metiŋgini, adahək nawgeslne' sən diyɗa: naway nawɓəsən di?

Ezekiyel 7:10

Pay yaŋka, tay əzzani, əza agilke. Gagay awanək zəni, əku apokko.

Ezekiyel 7:7

Pay na əza nokum tay əzzani mənokum ɗiy naka dəlva; tay əzzani əvoŋ nan go'oy; horokum wagəɗ kululu, məza əɗɗəla aket mossorgoɗe gugriɗ ɓa.

Isaya 6:5

Yaŋ nənah na, əray akawa! Nəzəka vi ɗəf məs man məpel daryaw nani, in tat aweleŋgit ɗiy məs met adawpel daryawə. Vi haraw awlak Yawe Məzuɓappakə.

Kolosi 1:12

məgəɗ sən soko sən Afəni, məs dəkkpaŋgokum də əɓap nawrəh haran nokum səza an məzaɓan sit ɗiy salala addəv əkeɗeɗe'e.

Filipi 4:5

Kəta ɗiy pak dəsənnən moggon nokum. Daya go'oy əzzani.

Roma 9:20

Ya is ɗəfa, nawa kənan kawbay ma də Maŋgəlva di? Ya zəga məzaɓən wanah sən ɗəf məs dəzaɓ na: Vimi kəɗɗu vaŋ di sa?

Roma 3:19

Məsənək na, an mahenziŋ adawpel pak, sit ɗiy en nammba mahenziŋ adawpel siti, vi ma ɗəf pak dəsangən kpuɓu, mammba dələv pak dəsəngən na məs mambrayə aba Maŋgəlva.

Gəlyaɗe 46:10

Aziwginik əgay səmmba dələv gboŋgu, aŋzluwək bəle nalpa, akployə̃k tulhõ, aɗi sitik offo sit mawteɗ nawgaya.

1Samiyel 20:26

Tay an Sawlu apel dəpas ɓa; nan azan na zawzawi ɓa. Bartatay ɓa.

Ɗerewel na Yob 24:1

Vimi Məzuɓappak aɗi pay zaɓ, ɗiy en dəsənən dulanəngən pay van ɓa di?

Isaya 13:3

In vattə nəɗi wən nan sit ɗiy en duwelin kiyit suwa, gəm nəye gammbereɗ naw məzəlpaŋ vi karban ədagədəv nawa, məzənnekeŋ sən gagdak nawa.

Isaya 29:2

Wanəsər ma Ariyel. Ənɗəs də əhəm dədawsan addəvən, wasan su va Ariyel, va ənah na gazway napsa slu aka təki nawzaɓ-Maŋgəlva.

Isaya 34:5

Vi masalam na Daya asək mbel a disiŋ. Yaŋ tay əbətan aka Edom aka vanday net ɗiy məs nətawwən akan də əziwgin nawzani.

Yo'el 1:15

Aw! Pay miy aŋ di! Vi pay na Yawe agapka; tay əzzan va əray adazzan səza Məzuɓappakə.

Amos 8:3

Pay dəpas na, gəlyeŋge neŋgil ana məlĩ da wakkpaŋgaŋ wəhəm na gəlabaya, Yawe Maŋgəlva aɗiymani. Kigəbayɗe waŋɗaŋ ɓa, kazgeti a təki pakə. Təki pak wassan sləɓɓəkə!»

Zakarya 14:1

Pay na Yawe tay əgap yaŋka, kawɗakni wərəh nok addəvko Yerusalem.