Sefanya 1:3 - Bible en Guidar

³ Wanəzet ɗiy dit zəgeɗ memeyẽɗi, wanəzet biŋgeɗ na disiŋ dit kilfeŋge na pehe, wanəzet zəgeɗ dədazbərgit ɗiyi gəm məsdarawɗe, wanəzan ɗəf titir səka dəlvafuŋ, Yawe aɗiymani.

Sefanya 1:3 ပူးပေါင်းရင်းမြစ်များ

Va'Atəŋ 6:7

Yawe amna: «Wanəvvuyet ɗiy nəzəməɗ aka dəlvəŋki, ɗəf titire hã gap azet zəgeɗ memeyẽɗ gugriɗe, gap azet vẽvẽɗe dit biŋgeɗ na disiŋ pakə, nəsawək maw nzok vi nəzəmiɗe.»

Isaya 27:9

Vi vaski mambray na Yakob arah əvvuyo, pay məvvuyon sən mambray nani: kawpuhti gərmeŋɗe na matuya pak va gərmeŋɗe na ɗama, kakrapni Astera gəm təki nawzla tursan.

Isaya 6:11

Ndəni nəttokku: Hã dewe di Daya? Azlanək na: Gap walaŋgəleɗe gugriɗe mbo'oŋgu, ɗiy assoŋ na addəvən ɓa, ɗəf taka asan na addəvit gəleɗe ɓa, dəlvafuŋ wasan va kapta.

Isaya 6:12

Daya wazargit ɗiy naka dəlva. Dələv wasan də mani.

Yeremiya 12:4

Pay gbəŋgbar dələv adawsan addəv əhəm na gəlabaya di? Pay gbəŋgbar geslembet sura adassoŋ akawɓət di? Zəgeɗ memeyẽɗ dit biŋgeɗ pak tahəŋ əmtaŋ vi mambray net ɗiy məs dəssoŋ aka dəlvəŋka, tay ənahaŋ na: Awla na ənziya nam nabe ɓa.

Yeremiya 50:3

Vi Vanday net ɗiy tay əzzan akan hã sə kəla disiŋ, nan wabar'ãt dələv nani ɗəf tay nassan akan ɓa. Təŋ səza ɗəf titir hã azet zəgeɗ mamayẽɗ pak anzoŋko, addoŋko.

Yeremiya 7:20

Vini kana, vaŋ Yawe Maŋgəlva anahə: Ədagədəv naw dit herɗe naw yeŋ əgbo'oŋ aka təkiyəŋka, aket ɗiyi, zəgeɗ memeyẽɗi, wəleŋɗe nawra gəm uwa na zəga na mabardaw. Wazlə, amtə na ɓa.

Yeremiya 9:10

Wanəkkpaŋgan Yerusalem ka korguɗe, ka təki nawɗam net kirɗemuyã, wanəkkpeŋget walaŋgəleɗe gugriɗ na Yuda muyã məs dəf tay adak ɓa.

Ezekiyel 44:12

Vi aɗɗaŋ sitin wəza abet zəgeɗmeŋgilveɗ neti gəm akkpaŋgaŋ ka zəga nazbərgit ɗiy na Israyel addəv heslepe, vini nəslan vaw aketi, Daya Yawe aɗiymani, waslanən heslepe neti.

Ezekiyel 7:19

Wazganən təbəz babar net aket tiveɗi, meleŋge net wakkpaŋ mərnokni. Təbəz babar də meleŋge net awɓap əbitit pay na ədagədəv na Yawe ɓa. Giyorgiyor wəlet abə na ɓa, godomblokit aknah na ɓa; vi ndəni zəga nawtaŋgbay dəki sit heslepe.

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Hose'a 14:8

En dəssoŋ də gəla ara zeŋgilen wamndoŋgu, wenseŋ haykəmari, waffiyoŋ va megezlembirke, sləmet wagil va mbazla na Liban.

Hose'a 4:3

Vini yi, dələv van adawhəm na gəlabaya, ɗiy nakan waddakaŋ pak sap dit zəgeɗ nawra, dit biŋgeɗ na disiŋ; may kilfeŋge na pehe dayday wahhiyaŋgə.

Zakarya 13:2

«Yawe Məzuɓappak aɗiyman na, wanəzan iya net zəgeɗmeŋgilveɗ səka dəlva; kaɗɗumeti əmpa ɓa. Wanəzet məskəleŋɗe pak də maɗɗulet mərnokənəŋ səka dəlva.

Matiye 13:41

Wətən Ɗəf waslən maslayɗe nani, wagilgitin məskotgitin ɗiy addəv mambraya dit məs mambrayɗe pak səddəv məlĩ nani,

Matiye 23:39

In tat ənah sukum: Sessel, kuləwən na ɗah ɓa təŋ kakaŋka, hã gap mənokum ənahaŋ na: Əzaɓ aka ɗəf an dədazzan də iya na Daya.

Hənhən 2:14

Ya in tat də an nədawzelen azok siɗikke, is tat dit ɗiy anokda məs dədazbanən wən məs Balam adawsəɓ sən Balak dəŋsləngən bizwil sit mə Israyelɗe vi kawreɗit dəzəmaŋgən slu nawzaɓ-Maŋgəlva sit zəgeɗkamaŋgəlva gəm dəɗɗaŋgən polkoyo də zə ɗəfa.