Roma 9:4 - Bible en Guidar

⁴ Ndəɗaŋ mə Israyelɗe, məs əkkpaŋ kirtin Maŋgəlva, gagdaka, wənmiynaɗe, mahenziŋ, əpala gəm iynama assoŋ ka neti,

Nouveau Testament en Guidar

⁴ Net kpak əlfa net Israyelɗeŋ, ɗii məs Maŋgəlva aweləŋ. Maŋgəlva akpaŋgetik ka kirtini, arban sitik gakdak nani. Aynanək wənnan dənɗaŋ, apsitik ma henziŋ də wəsban Maŋgəlva an də goŋga, də mogon məs anah napsit diiɗa,

Bible en Guidar

⁴ Ndəɗaŋ mə Israyelɗe, məs əkkpaŋ kirtin Maŋgəlva, gagdaka, wənmiynaɗe, mahenziŋ, əpala gəm iynama assoŋ ka neti,

Roma 9:4 ပူးပေါင်းရင်းမြစ်များ

Va'Atəŋ 15:18

Pay nan dəpaska, Yawe aɗiyik wənmiyna də Abram vaŋka: «Sən mazlalwõki nədapsən dəlvəŋka, təŋ sə məlpa na Eziptə hã gap Efrat, məlpa metiŋgini

Va'Atəŋ 17:10

Wənmiyna naw an kədarmaŋ aka walaŋgəm yaŋka, va wənəh na kirtuk dərɓogoko: zel nokum pak dəskəlaŋgən awra:

Va'Atəŋ 17:2

Wənmiyna naw də is na, wanənzlərguk dərwadərwa.»

Va'Atəŋ 17:7

Wənmiyna naw də isi, gəm sayit ɗiy dədazzoŋ dərɓogoko; wənmiyna faɗəs waɗiyu ka Maŋgəlva noko, gəm ka net kirtuk dədazzoŋ dərɓogoko.

Va'Atəŋ 32:28

Aɓsən na: «Mbari iya nok di?» Amna: «Yakob.»

1Milyeŋge 8:11

məza məsdəlveŋge dəɓap əziweŋ naɗɗa wəza net ɓa sən slaybuna, vi gagdak na Yawe aknəhək Gəla na Yawe.

Nehemi 13:29

«Aɗɗumeti Maŋgəlva nawa, vi araygənənək matuya, wənmiyna na matuya gəm mə leviɗe.»

Gəlyaɗe 147:19

Tay əboton wən nan sən Yakob, wən net əsərəkɗe nan dit ətawwənɗe nan sən Israyel.

Gəlyaɗe 63:2

Maŋgəlva, Maŋgəlva naw kənani, in tat əkayoko, maw təpa' təpa'ə. Megenegenew hoɗhoɗi yi ammboko, aka dələv mukuro, məklakan ŋgbãyŋgbãy məza iŋkile ɓa.

Gəlyaɗe 73:1

Gəlyanalva na Asafə. Maŋgəlva moggoni azet mə Israyelɗe, azet ɗiy en məs mekret bar pakə.

Gəlyaɗe 78:61

Appanək gbogboŋ nan gagdak nan ammba vet məzuzelɗe nani.

Gəlyaɗe 89:3

Vi nənahək na: «Moggon nok ampak suwerin faɗə; kəziwginik əssa ɓəlɓəl nok a disiŋ.»

Gəlyaɗe 89:34

ya nəzargən na moggon naw səkan ɓa, may maw kpaŋgən səka an niynə ɓa.

Gəlyaɗe 90:16

Kəta gewleɗ nok dulanən wəza noko, kirtit tam dulanəngən gagdak noko!

Əgilye 12:25

Pay kədawtoŋgoŋ aka dələv məs Yawe adapsukum va anahə, vasna kərmanəngən wəzaŋka.

Əgilye 34:27

Yawe aɓsən Moyis na: «Nok aver əpeləŋka, vi də əpeləŋki nəgəɗ wənmiyna də isi gəm də Israyel.»

Əgilye 4:22

Kənah səngən Farawən na: Vaŋki Yawe anahə: Israyel iyi wətu uwa maddaabəŋ nawa;

Əgilye 40:34

Slaybuwən agulunək gizlirke nalma də Maŋgəlva, gagdak na Yawe aknəhək təki nassa.

Isaya 41:8

Ya isi Israyel, məgəɗ wəza nawa, Yakob məs nəweli, mahəlfa na baynaw Abraham;

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Isaya 5:2

Abakanək guli vanə, akdehik gərmeŋge səmmbani; ampək wəlaŋga na megezlembirke, arkək gəla nawga addakən gəm aso'ək təki nawɗot uwa neti. Tay əɗɗum akan na wagəɗ kirtin moggeti, yaŋ awə kirtin məreyti.

Isaya 60:19

Pay dədawsan suk ka əkeɗeɗe na kapay əmpa ɓa, dəfəɗa, təla yi nawiɗ suk ɓa, Yawe yi nawsan suk əkeɗeɗe pay pakə Maŋgəlva nok dədawsan gagdak noko.

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 31:9

Də əhəm adazzoŋgu, addəv əɓuh met nədawketi. Wanəke emet iŋkile a məlpa dəka tive an sarara, askotoŋ na akan ɓa vi intə afən Israyel Efrayim yi Tizi nawa.

Ezekiyel 1:28

Agilik va məzəɗɗa addəv slaybuwən pay na buwən maŋgalaw: vaski təki kerker atərwəsla. Əgilye nan vit va gagdak na Yawe. Nula na, in kup afuŋ; yaŋ nəprəm wəla ɗəf əpele.

Hose'a 11:1

Gala Israyel asan gawla na, nəŋgluwəka, sə Eziptə nəya wətuwa.

Əŋɗa 7:89

Aka Moyis atoŋ a gizlirke nalma də Maŋgəlva vi kawpel də Daya na, aprəmək wəla ɗəf əpel sən sə disiŋ ki təki nawrəh zazaya, sə weleŋgit kerubaɗe sula. Təki nawrəh zəzay van aka ma akoti na ɗerewel nawsleri. Yaŋ adawpel səni.

Matiye 21:33

Ya məprəm wənməkkpaŋga maɓɓani: Ɗəf afən gəla ampək guli net megezlembirke, abas kiyən də mambara, akkpihik katafay nawɗot uwa net addəvni, arkak gəla məɓayən nawga guli van addəvən. Appan guli van avet məɗɗaŋ wəza ka nawfaɗ sən akani, ndən mbat malaka.

Yohanna 1:17

Vi də va Moyis mahenziŋ ade, mbəlembəle də gegesiŋ tam azzoŋ dəza Yesu Kristu.

Yohanna 1:47

Adan Yesu awla Natanayel dazzan azani, apelik akani, amna aŋki mə Israyel an gesiŋ məs tay də muluvuluvu azan ɓa.

Wəza net Masləŋɗe 2:39

Vi an miynan van sukumi, sit kirtukum gəm sit ɗiy en faraɗa pakə, gba va Daya Maŋgəlva adawyet pakə.

Roma 3:2

Dahadaha pay diyɗa yi. Vi daabəŋ nani, aveti məppan əpel na Maŋgəlva.

Roma 8:15

Vi əmpəs məs nakkpaŋgokum belemɗe əmpa kərahaŋ ka kawgeslne' ɓa, ya əmpəs nakkpaŋgokum kirtin Maŋgəlva kərahaŋgə, məs dəpsəm tive mədawyan na Abba, Afəni.

Roma 9:6

Vasna, əpel na Maŋgəlva tay də ətərwəray ɓayi ɓa. Vi zeŋvit mə Israyelɗe pak mə Israyelɗe əŋgə ɓa.

2Korintus 11:22

Mə Ibriɗeŋ sa? Naw pakə! Mə Israyelɗeŋ sa? Naw pakə! Zev Abraham sa? Naw pakə!

Galatiyen 3:16

Ya iynama vanəs sən Abraham gəm sən uwa nani, mənahi na sit kirtini ɓa va kəɓəs na sit ɗiy diyɗa ɓa, ya sən ɗəf taka kaka'i; sən uwa noko, ndəni Kristu.

Efesus 2:12

Pay dəpas na, mənokum tat məza Kristu ɓa, faraɗa də tive nassa aret mə Israyelɗe, melekeɗ aza wənmiyna na iynama, məza əɗɗum nawrəh zəga ɓa gəm məza Maŋgəlva nokum egge ɓa.

Əmsak aka Mahenziŋ 14:1

Kirtin Yawe Maŋgəlva nokum kənanaŋgə. Kədantarnən zukum ɓa, kədawfaɗnən ɗugul aka kiykum ammba gəlabay ɓa.

Əmsak aka Mahenziŋ 29:1

Moyis ayek mə Israyelɗe pakə, aɓsit na: Mənokum sən kiykum kulanənək an Yawe agəɗ ama horokum, aka dələv na Eziptə sən Farawən, sit məɗɗaŋ wəza nani gəm sən dələv nan pakə:

Əmsak aka Mahenziŋ 29:14

dit ɗiy en ziwziw dəpaŋ də mənam aba Yawe Maŋgəlva namə, dit en tahəŋ də mənam aŋ dəpaŋ ɓa.

Əmsak aka Mahenziŋ 31:16

Yawe aɓsən Moyis na: «Nok yaŋ wakəsbet efiŋgiɗuk avovu, ɗiyiŋ waɗɗaŋ polkoyo də wəzbet meŋgilveɗ meɓɓet məs dəssoŋ aka dələv məs adawtoŋgoŋ adakəŋka. Wazgawəni, waŋzluwən wənmiyna nawa məs niynə dənɗaŋ.

Əmsak aka Mahenziŋ 4:13

Aprəman sukumək wənmiyna nani, mahenziŋ kəlaw məs aɗi sukum wən nan naɗɗa wəza dənɗaŋ, yaŋ aver aket kalaɓɗe sula.

Əmsak aka Mahenziŋ 7:6

Vi ɗiy salala na va Yawe Maŋgəlva nokum kənanaŋgə; istə Yawe Maŋgəlva nok awel kəsokgən kanan sə weleŋgit ɗiy nammba dəlvafuŋ pakə.

Ibriɗe 9:1

Wənmiyna an daabəŋ tay də wən məɗiyən aka əɗi ki Maŋgəlva gəm gəla na Maŋgəlva aka dəlvafuŋgu.

Ibriɗe 9:10

Aziweŋgik aka wən na zəga nawzəma də zəga na əsa gəm əɗɗa ubburɗe temtemi, es əsərək net ɗiyi dəzəmən təki hã gap aza pay na wənmiyna meleketeni.

Ibriɗe 9:3

Dəɓɓa məzlzlara masula'əni, gizlirke məs adawyaŋ na təki an salala dədayi,

Ibriɗe 9:5

Aka akoti vani, kerubaɗe dədarbanən gagdak na Maŋgəlva ateŋginik persleket aka man məs adaksu'oŋ mbel adak vi kavvuyon mambray net ɗiyi. Ya wəray tay nawpel akan kakaŋ taka taka ɓa.

Ibriɗe 9:6

Adan zəga pak azaɓək gərak vaska, məsdəlveŋge tahəŋ wətoŋgoŋ addəv gizlirke an daabəŋ pay pakə, vi kaɗɗa wəza neti.