Roma 8:3 - Bible en Guidar

³ Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

Nouveau Testament en Guidar

³ Maŋgəlva sən kiyən aɓapək wəɗɗa an ma henziŋ dəɓap wəɗɗan ɓa, vi mədakəm mənani. Aslənək Wətən də gəba zən va ɗəffa, məs dənan wərak na mambray vanet ɗii pakə. Adəv gəɓa zə ɗəffi ataw kita aka mambraya. Də vaski kan adayki mambraya.

Bible en Guidar

³ Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

Roma 8:3 ပူးပေါင်းရင်းမြစ်များ

Əŋɗa 21:9

Moyis azaɓ dohõ na təbəz pepreŋge, aynan aza wəlaŋga a disiŋ. An dohõ abələk ɗəfa, ndən ula aza dohõ na təbəz pepreŋ naka, asna amta ɓa.

Əŋɗa 28:22

Gəm əmpa porsok nawzaɓ-Maŋgəlva na mambraya, kaɗɗa mahenziŋ navvuyon mambray ambokum.

Markus 15:27

Akkpa'inik məvoŋgoŋ tive sula a maŋgavani, taka aka van dəzəŋ, taka aka van zlaɓay. [

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 9:24

Farisaɗe ayanənək daŋgar təl ma sula'ən, aɓsənən na, agagdakan Maŋgəlva. Nam məsənka, ɗəfəŋka məs mambrayi.

Wəza net Masləŋɗe 13:39

ɗəf dətaf pak akkpaŋgək təstəsə.

Roma 3:20

Vi ɗəf tay nawsan təstəs aban də əzban wəza na mahenziŋ ɓa. Vi mahenziŋ əsən mambray arban kaka'ə.

Roma 6:6

Məsənək na, ɗəf nam məzvan na məkkpa'ni dəndəni, ka gəba zəm na mambray dəkkpaŋgən ɗarə gəm mədawsam belemɗe na mambray ɓa.

Roma 7:18

Nəsənka, zəga moggon tay azaw ɓa, va ənəh na, addəv gəɓa zu ɓa. Vi əŋgla na moggon tay azawa, ya nawɓap əɗɗan ɓa.

Roma 8:32

Ndən məs dərma van aka Wətən ɓa, yaŋ appan əmta ammbam pakə, an vaski na, apsəm na zəga pak dəndəne'e də mbəlembəle ɓa sa?

Roma 9:3

Wanətaf mahanay na Maŋgəlva kəta gəm uɗak də Kristu vi wən net milmiŋgiɗwa, həlfiŋgiɗu net mbeli.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Galatiyen 3:21

Vasna mahenziŋ tay əgay də iynama na Maŋgəlva sa? Tay vas ɓa! Vi an məɗini mahenziŋ məs nawɓap əpsən zeŋgile sən ɗəfa, asna gesiŋ səza mahenziŋ təstəs adazzani.

Filipi 2:7

Ya aggbukuk an asan dəndəni, agəmək əssa na balam, ndən kpaŋ va ɗiyi. Yaŋ arban zən va ɗəfa.

Ibriɗe 10:12

Kristu, nan dərəŋ na, səza azaɓ-Maŋgəlva navvuyon mambray təl taka, asanək ka faɗ aka dəzəŋ na Maŋgəlva

Ibriɗe 10:14

Vi də əzaɓ-Maŋgəlva təl taka kaka'i abbur ɗiy pakə, akkpaŋget təstəs hã faɗə.

Ibriɗe 2:14

Kirin net tahəŋ də gəɓa ziti dit mbeli, ndəni kan Yesu asan va ndəɗaŋ, agəmək gəɓa zə ɗəf va neti, aɗɗa vasna, vi də əmta nani adawzan ɗəf an də gbogboŋ aka əmta, ndəni Satan.

Ibriɗe 2:17

Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Ibriɗe 4:15

Daya net məsdəlveŋge nam waɓap ulasahã akam addəv əddak namə, vi nak pak mərakani va nam addəv zəga pakə, ya nan dəgəɗ mambray ɓa.

1Piyer 2:24

Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.