Roma 7:7 - Bible en Guidar

⁷ Mbar mədawnah kandi? Mahenziŋ na mambrayi sa? Tay vas ɓa! Ya nəsən mambray na də mahenziŋgi. Vasna nəsən na əsim zəga kəta va mahenziŋ dənah na: Kədawsim zəga ɓa ɓa.

Nouveau Testament en Guidar

⁷ Mbar mədawnah kan di? Ma henziŋ na mbərayni sa? Tay vas ɓa! Amma va ma henziŋ dənah na kədaw sim zəga ɓana, əsim zəga azəm gəm na saha ɓa.

Bible en Guidar

⁷ Mbar mədawnah kandi? Mahenziŋ na mambrayi sa? Tay vas ɓa! Ya nəsən mambray na də mahenziŋgi. Vasna nəsən na əsim zəga kəta va mahenziŋ dənah na: Kədawsim zəga ɓa ɓa.

Roma 7:7 ပူးပေါင်းရင်းမြစ်များ

Va'Atəŋ 3:6

Yaŋ guluk tula na, uwa na wəlaŋga nak moggoni nawzəma, tay lewi, nawsimi, nawsən gabba wən kpekpe'i. Ndət wətən nak ɓuh namnamə, ndət tah sən zələt a maŋgavata, ndən namnamə.

2Samiyel 11:2

Də moskoyo, Davit asilik səka zəga nawvoŋ nani, tay əbbal aka təgbalka na məlyã. Ndən təm guluk səka gəla tat əslslaya. Guluk vat Lalawəktə diyɗa.

Gəlyaɗe 119:96

Nəsənək na zəga moggon awandi pak tay də əgrak nani, ya əzga' nok meŋge nan tay ɓa.

Əgilye 20:17

Kədawsim gəla na meggok ɓa. Kədawsimit ga meggok ɓa, may balam nan dət balamək nan ɓa, may wasli nan də koro nan ɓa, zəga awandi na meggok pakə.

Mika 2:2

An asimeŋgik gulyo, ndəɗaŋ əmõhuni; ya an gəlay yi, ndəɗaŋ əmõhuni; ndəɗaŋ əzəmgənən sãhã na ɗəf də gəla nani, əmõh arya na ɗəf vani.

Matiye 5:28

Ya naw in tat ənah sukum: Ɗəf pak dulət gulku də əsimta, agəɗək əku a gizbe a makran dəndən səkay.

Luka 12:15

Yaŋ anah sit ɗiy pakə: Məgəɗ maɗula, məsla zukum səza mãy na əŋgla na arya diyɗa, vi addəv diyɗa na arya dayday zeŋgile ɗəf asan viyit aryeɗ nan ɓa.

Luka 20:16

Wade, wabey məɗɗaŋ wəza addivit megezlembirkeɗ vetiski, wappan guli net megezlembirkeɗ van avet ɗiy meɓɓeti. Səza ɗiy aprəmən vaska, aɓɗaŋ na agəɗ na ɗah ɓa.

Wəza net Masləŋɗe 20:33

Nəsim təbəz babara, meleŋge, awaniɓa lukut na ɗəf ɓa.

Roma 13:9

Vi mahenziŋɗe: Kədakuh a gizbe ɓa, kədawbay gəbay ɓa, kədaw hãl ɓa, kədawsim zəga ɓa. Mahenziŋɗe meɓɓet pak tay əsapaŋ addəv əpeliŋka: Aŋglu meggok va kəŋglu kiyko.

Roma 3:20

Vi ɗəf tay nawsan təstəs aban də əzban wəza na mahenziŋ ɓa. Vi mahenziŋ əsən mambray arban kaka'ə.

Roma 3:5

Ya an mambray nam tay ərban təstəs na Maŋgəlva, mbar mədawnah di? Maŋgəlva təstəsi ɓa an appanək ədagədəv nan akam sa? Ɗəf ɗəf nədawpele.

Roma 4:1

Mbar mədawnah kan aka an dəhəm Abraham arah dəwəl sən gəɓa zə ɗəf di?

Roma 4:15

Vi mahenziŋ ədagədəv adawkiya, a təki mahenziŋ tay ɓa, əggar ki mahenziŋ tay ɓa'a.

Roma 5:20

Mahenziŋ ade na, vi mambray dəzlərgəni. Ya a təki mambray anzlərə mbəlembəle na Maŋgəlva awanək zəni.

Roma 6:15

Mi kandi? Waməzban əɗɗa mambray vi mənam tat ammba gagdak na mahenziŋ ɓa məsam ammba mbəlembəle sa? Agəɗ na ɓa!

Roma 7:11

Yaŋ mambray andəreh ammbet mahenziŋɗe naka, arakawa, abayu dənɗaŋ.

Roma 7:13

Zəga moggon naki kan dəkkpaŋ su əmta sa? Tay vas ɓa! Vas na mambray vi dərbəgən mambray na, awək əmta də zəga moggon naka, vaski kan mambray akkpaŋ dit mahenziŋɗe mambray an mbərrayən.

Roma 7:5

Vi aka məsam addəv gagdak na gəɓa zəmə, əsim na mambray tay əɗɗa wəza addəv gəɓa zəm də mahenziŋ, tay əɗɗa ka məgəɗgən an nawtər sən əmta.

Roma 7:8

Ndəni mambray andəreh dəmmbet mahenziŋɗe asilgən əsim zəga temtem azawa. Vi məza mahenziŋ ɓa na, mambray amtəka.

1Korintus 15:56

Gbogboŋ na əmta mambray yi, əɓap na mambray tam mahenziŋgi.

Efesus 5:3

Polkoyo gəm ɗarɗar zev awandi pakə awaniɓa mamayã net koɓeɗi, wən nan dayday adawsan a waloŋkam ɓa, aski dəslə azet ɗiy en salala.

Əmsak aka Mahenziŋ 5:21

«Kədawsimit ga meggok ɓa. Kəlsim gəla na meggok ɓa, guli nan ɓa, may balam nan dət balamək nan ɓa, may wasli nan də koro nan ɓa, zəga awandi na meggok pakə.»

Kolosi 3:5

Məbay zəgeɗ negge naddəv gəɓa zukum, polkoyo, mbərayən, mãy na zəga diyɗa diyɗa, əŋgla mbərayən gəm mamayã net deleɗi (mamayã net deleɗ van məstaka yi də əzban zəgakamaŋgəlva.)

1Tesaloniki 4:5

məza əppan zən addəv əsim an dərwadərwa va net ɗiy məs dəsənən Maŋgəlva ɓa adaɗɗaŋ ɓa.

Ibriɗe 7:19

Vi tay an mahenziŋ aknahan ɓa, ya an məs mədawga day adeke, məs mədawzar aza Maŋgəlva ndəndəni.

Yosuwa 7:21

Səddəv zəga an mərah səma wəgay na, nəwələk lukut metiŋgin na sləma, naka dələv na Sine'ar, gəm deleɗ na təbez babar səkat sula, də meleŋge hirzliŋ naɗɗa wəɗak na kilo. Nəsimik sawɓa, yaŋ nəgime. Tahəŋ məndikit addak gizlirke nawa, deleɗ kəlammbet afuŋ.»