Roma 7:6 - Bible en Guidar

⁶ Ya kakaŋ na məbitmi səza mahenziŋ, vi məmtəm mənan səza an dədarməm ka belemɗe, vi məgəɗ wəza də tive meleketen na Zeŋgile Salala məza də mahenziŋ məzvan məverin ɓa.

Nouveau Testament en Guidar

⁶ Amma kakaŋ na mərəhək kiyəm səza ma henziŋ, məmtəm mənan aza ma henziŋ məs dinamə. Vini kana, məsbana Maŋgəlva də tive an məsvan lahəŋ ɓa, də wənna ma henziŋ məvernəŋ ɓa. Mənam tatəsban Maŋgəlva kakaŋ kan də tive meleketeni ndəni də əmpəs nani.

Bible en Guidar

⁶ Ya kakaŋ na məbitmi səza mahenziŋ, vi məmtəm mənan səza an dədarməm ka belemɗe, vi məgəɗ wəza də tive meleketen na Zeŋgile Salala məza də mahenziŋ məzvan məverin ɓa.

Roma 7:6 ပူးပေါင်းရင်းမြစ်များ

Ezekiyel 11:19

Wanəpsit mekret an təstəsə, əmpəs meleketen nədapsit addivti, wanəgdəh mekret na gərəm səzeti, wanəpsit mekret na sluwa,

Ezekiyel 36:26

Wanəpsukum mokrokum meleketeni gəm əmpəs meleketen nədawɗi addəvkum; wanəkdəh makra na gərəm səzokum, wanəpsukum makra na sluwa.

Roma 1:9

Vi Maŋgəlva yi miziwe nawa, məs nadawɗi kiyən addəv əɗɗum naw də əpel alabara nenek na Wətəni, in tat əɗɗum akokum pay pakə.

Roma 12:2

Kədappanən zukum əkkpaŋ ammba ənziya eggeŋ ɓa, məppan Maŋgəlva əkkpaŋgokum dəpsukum əsən meleketeni, vi kawsən əŋgla nani, an moggoni, an nannek zəni gəm an moggon gərakə.

Roma 6:11

Vaski yi'e nokum, mula zukum va məmtukum sə kəlaza mambray gəm modorokum sən Maŋgəlva addəv əsap nokum də Yesu Kristu.

Roma 6:19

Va ɗəf nadawpele, vi əddak na gəɓa zukum. Va kəppetin zəgeɗ na gəɓa zukum ka belemɗe na ərnoko gəm na mbərayən, ka sən mbərayni, vaski, kakaŋ na, məɗi zəgeɗ na gəɓa zukum ka belemɗe na təstəs ka nawɓay addəv salala.

Roma 6:2

Agəɗ na vas ɓa! Mbari mənam məs məsam məmtən sə kəlaza mambray mədawsam əmpa addəv mambray di?

Roma 6:22

Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.

Roma 6:4

Ɗə baptem mərah addəv əmta nani məndəkəmi dəndən, vi va Kristu asil səret ɗiy mimtiti, də gagdak na Afəni, vaski namə'e mənam tat ədaw addəv zeŋgile meleketeni.

Roma 7:1

Milmiŋgiɗwa, sit ɗiy məs dəsənnən mahenziŋ nədawpele. Kəsənnən mahenziŋ na, tay əzəm məlĩ aka ɗəf pay asan madaran kaka'ə ɓa sa?

Roma 7:2

Va guluk nammba zile, mahenziŋ aynatək aza zələt pay asan madarani. Ya an zələt amtəka, mahenziŋ diynat aza zələt apəlka.

Roma 7:4

Vaski munokumu'e milmiŋgiɗwa, kəmtaŋgək sə kəlaza mahenziŋ də əsap də gəɓa zə Kristu vi kakkpaŋ sən ɗəf mbərni, məs dəsil səret ɗiy mimtiti, ka məgəɗgən an nawtər sən Maŋgəlva.

2Korintus 3:6

Ndəni dəɗɗəm nawɓap əsam məɗɗaŋ wəza na wənmiyna meleketeni, məza səza an məverin dəveri ɓa, səza Əmpəsi, vi an məverin awbay ɗəfa, Əmpəs tam apsən zeŋgile sən ɗəfa.

2Korintus 5:17

An ɗəf tay addəv Kristu na, akkpaŋgək ɗəf meleketeni. Zəgeɗ məzvet pak atoŋgoŋko, zəgeɗ pak akkpaŋgək meleketeni.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Galatiyen 6:15

Vi əskəlawra də əssa gayã atəraŋ na wəray ɓa, abbər əkkpaŋ meleketeni.

Efesus 4:24

Mugul ɗəf meleketeni, məs məzəməɗən va Maŋgəlva aŋgəl addəv təstəsə gəm salala məs dəde səza gegesiŋ.

Filipi 3:3

Vi mənamtə migil əskəlawra, en məzuɗinən ki Maŋgəlva də Əmpəs nani gəm dəɗinən ənnek net addəv Yesu Kristu məza aka gəɓa zə ɗəf ɓa.

Kolosi 3:10

Kugulunək ɗəf meleketeni, məs dədawnduf kawgap aza əsən an gərrakə kawgilye va məs dəzəməɗa.