Roma 7:4 - Bible en Guidar

⁴ Vaski munokumu'e milmiŋgiɗwa, kəmtaŋgək sə kəlaza mahenziŋ də əsap də gəɓa zə Kristu vi kakkpaŋ sən ɗəf mbərni, məs dəsil səret ɗiy mimtiti, ka məgəɗgən an nawtər sən Maŋgəlva.

Nouveau Testament en Guidar

⁴ Vaski bo də munokum milmiŋgiɗwa, kəmtaŋgək də Krestu. Vaski məmtukum kənanaŋ klaza ma henziŋ. Kakaŋ na, na ɗəf mbərən kənanaŋ ɓa, ɗəf məs dəsil səkəti əmta kənanaŋ. Kakaŋ na wakəɓapaŋ wətər wəray sən Maŋgəlva də wəza nokum.

Bible en Guidar

⁴ Vaski munokumu'e milmiŋgiɗwa, kəmtaŋgək sə kəlaza mahenziŋ də əsap də gəɓa zə Kristu vi kakkpaŋ sən ɗəf mbərni, məs dəsil səret ɗiy mimtiti, ka məgəɗgən an nawtər sən Maŋgəlva.

Roma 7:4 ပူးပေါင်းရင်းမြစ်များ

Isaya 54:5

Vi məs dəɗɗuk ndəni zilko, Yawe Məzuɓappaki iya nani. Məzukõhguko, ndəni Salala na Israyel, dawyanən na Maŋgəlva na dələv pakə.

Isaya 62:5

Va gawla adawɓel waŋ ŋgbuɓɓo, vas kirtuk adawgəmnən dələv noko; va waŋ məɓelit tədannekən zə zilta, vaski kədannekən zə Maŋgəlva noko.

Matiye 26:26

Gala adawzəmaŋ, Yesu agəmək mepteke, agəɗək soko sən Maŋgəlva, arɗanka, apsit gewleɗ nan dawnəh na: Məgəma, məzəma, gəɓa zuwi.

Markus 4:20

En məzlget aka təki moggoni, ndəɗaŋgə en dəprəmen əpel na Maŋgəlva, dətafnəni, dəpokoŋgu, mbərən kaklaw hoku, mbərən kaklaw sləre, mbərən səkatə.

Yohanna 15:8

Addəv aŋki adawgagdakanən Əbba, an mənokum tat uwa diyɗa gəm an kəkkpaŋgək gewleɗ nawa.

Yohanna 3:29

Ɗəf məs dəɓel gulku, ndəni zilta. Ya bayna na məs dəɓeli, tay ziwwe əprəmən də ənneke, tay zən nek də wəla məs dəɓeli. Vaski kan ənnek naw gərakə.

Yohanna 6:51

Naw intə mepteke madarani, məs dəprik sə disiŋ. An ɗəf azəmək mepteke nani, wasan madaran faɗə. Mepteke məs nədapsən ɗəfa, gəɓa zuwi. Nəpsən na vi dələv dəsangən madaran.

Roma 6:11

Vaski yi'e nokum, mula zukum va məmtukum sə kəlaza mambray gəm modorokum sən Maŋgəlva addəv əsap nokum də Yesu Kristu.

Roma 6:14

Mambray azəm na məlĩ akokum əmpa ɓa, vi ammba gagadak na mahenziŋ kənanən ɓa, ya ammba mbəlembəle yi.

Roma 6:2

Agəɗ na vas ɓa! Mbari mənam məs məsam məmtən sə kəlaza mambray mədawsam əmpa addəv mambray di?

Roma 6:22

Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.

Roma 7:3

Vini kan an təgəmək zil mbərən aka zələt tay madarani, kawyəti na, məkuh a gizbe. Ya an zələt amtəka, na kiyəttə səza mahenziŋ: Kawyəti na, məkuh a gizbe an təgəmək zil maɓɓan ɓa.

Roma 7:6

Ya kakaŋ na məbitmi səza mahenziŋ, vi məmtəm mənan səza an dədarməm ka belemɗe, vi məgəɗ wəza də tive meleketen na Zeŋgile Salala məza də mahenziŋ məzvan məverin ɓa.

Roma 8:2

Vi mahenziŋ na Əmpəs məzuki zeŋgile addəv əsap də Yesu Kristu apəlmək səddəv mahenziŋ na mambray gəm səddəv əmta.

1Korintus 10:16

Huloŋguk na əzaɓ mədagəɗ sən soko sən Maŋgəlva vitəŋ na əsap dit mbel na Kristu tə ɓa sa? Məpteke məs mədarɗanəŋ na əsap də gəba zə Kristuwi ɓa sa?

2Korintus 11:2

Nəknahək də kotorok nokum a makraw va Maŋgəlva asan də kotoroku. Vi nədahkumuk sən ɗəf təttaka, ana Kristu, kawkukum sən va waŋ ŋgbuɓɓo salala.

Galatiyen 3:13

Kristu abitmək səza mefɗeke na mahenziŋ, adan akkpaŋ zəga na mefɗeke vimə, vi məverni na: Məs məlawən aka wəlaŋga pak məraygəni.

Galatiyen 5:18

Ya an Əmpəs dədawdawgukum, asna, ammba təl mahenziŋ kənanaŋ ɓa.

Efesus 2:15

Azanək mahenziŋ sap dit mahenziŋɗe gəm əzbaɗe neti, vi kawsapet ɗiy sulegit addəvən ka ɗəf meleketeti taka, də əɗi zazaya.

Filipi 1:11

məknahən də zəga an təstəsə, məs dəde səza Yesu Kristu, vi gagdak na Maŋgəlva də əɗi kini.

Filipi 4:17

Əvəl nədawkayan ɓa, ya arya məs dədawɓay ka ərəh nokum nədawkayani.

Kolosi 1:10

Asna wakəɓap ədawaŋ va Daya aŋgələ, də əkayan an nannek zən addəv wəza moggon nawtərwəraya gəm əɓay addəv əsən Maŋgəlva.

Kolosi 1:22

Ya kakaŋ na, aslerekumək də zək nan addəv gəɓa zə Wətəni, də əmta nani, vi karbokum salala məza heslepe ɓa gəm məza nawrəh əpel akokum ɓa abani,

Kolosi 1:6

məs dəgap anokumda; tay ənzləra gəm əɓay ammba dələv pakə, vaski yi'e anokumda, təŋ səza pay məs kəprəmnən gəm kəsənnən mbəlembəle na Maŋgəlva addəv gesiŋ nani.

Kolosi 2:14

Aŋgarək ɗerewel na dəmən məzuzəm kiyəm naka, yaŋ azan də əkkpa'ən aka məzliwrihe.

Kolosi 2:20

Adan kəmtaŋgək də Kristu, faraɗa kənanaŋ dit zəgeɗ negge, vimi kədanziyaŋ va ɗiy negge kədawɓe'eŋ sitin əsərəkɗe zeŋvit eskis əmpa di?

Ibriɗe 10:10

Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

1Piyer 2:24

Ndən zək nan məs dəslet mambrayɗe nam addəv gəɓa zən aka wəlaŋga məzliwrihe vi məsamgən məmtəm kəlaza mambraya, məsamgən madaram dəza əɗɗa təstəsə. Vi huweɗ nani kərəhaŋ ənzaɗa.

Hənhən 19:7

Mənneken səm zəmə, məbabyak səmə, məgagdakan səmə, vi pay nawɓel nat Ndargayãk agapka. Mədaha nawɓel nan təzaɓanək zəta.

Hənhən 21:9

Ɗəf taka sə waleŋgit maslayɗe buhul nek məs də makasli na bonoy buhul avet neki, an dirɓegeti ma buhulet nak ade nah su na: Ade nərbat sukut akən məs ndargayãk na Maŋgəlva adaŋgla wəɓel nakə.