Roma 4:6 - Bible en Guidar

⁶ Vaski yi'e Davit anah aka ənneke na ɗəf məs Maŋgəlva aŋɗan ka ɗəf təstəs məza wəza ɓa, amna:

Nouveau Testament en Guidar

⁶ Ndəni Davit bo, anah pay məs apel wənna wəneken zə ɗəf məs Maŋgəlva aɗi ka ɗəf təstəs məza wəza ɓa. Amna:

Bible en Guidar

⁶ Vaski yi'e Davit anah aka ənneke na ɗəf məs Maŋgəlva aŋɗan ka ɗəf təstəs məza wəza ɓa, amna:

Roma 4:6 ပူးပေါင်းရင်းမြစ်များ

Gəlyaɗe 112:1

Məɗi ki Yawe. Wəzaɓ aka ɗəf məgeslne' sən Yawe mənneken zən diyɗa dit mahenziŋɗe nani.

Isaya 54:17

Zəga məzaɓən nawgay də is pak ahhar na ɓa. Wakəslbe məkaŋ dolgoy akok pakə. Hara ərəh net məɗɗaŋ wəza na Yawe yaska, ndeni təstəs net məs dəsil səzawa Yawe aɗiymani.

Yeremiya 22:6

Vi an Yawe anah aka gəla na məlĩ na Yuda yaŋka: Law kənan azaw va Galad va ki Liban, wanəkkpaŋgok kapta-muyã walaŋgəla-metiŋ məs ɗiy nan tahəŋ akan ɓa.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Matiye 25:19

Ənziya diyɗa dərɓagan, daya net belemɗe vetis payə, assohotik əŋɗa net deleɗ nani.

Roma 1:17

Vi təstəs na Maŋgəlva tay ərba addəvən də ətafa gəm sən ətafa, va məverin na: Ɗəf təstəs wasan madaran də ətafa.

Roma 3:27

Ya ŋgay ənnek kan di? Tay ɓa. Də tive na mahenziŋ awandi? Net wəzeɗe sa? Vaski ɓa, də tive na mahenziŋ na ətafi.

Roma 4:11

Dərɓagani arah əskəlawra ka zəga narban təstəs na ətafa, aka asan dəɓəl əskəl awra ɓa. Ndəni efit ɗiy en dətafaŋ pakə, məs dəskəlaŋ awra ɓa vi kaŋɗan sit ka təstəs tamə.

Roma 4:24

Ya səmi'e adaŋɗa, mənam məs mətaf Maŋgəlva məs dəsilgən Yesu Daya nam səret ɗiy mimtiti,

Roma 4:5

Ya ɗəf məs dəgəɗ wəza ɓa, dətaf Maŋgəlva məkkpaŋgan məs mambray ka ɗəf təstəs, ətaf nan dədaŋɗa ka təstəsə.

Roma 4:7

Əzaɓ azet ɗiyen məvvuyon sit mambray neti, en məsərət ki mambray net pakə.

Roma 4:9

Əzaɓ nan viyit məs dəskəlaŋawraŋ kaka tay vi məs dəskəlaŋ awra ɓa sa? Vi mənahək na: Ətaf na Abraham məŋɗa ka təstəs nani.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Galatiyen 3:14

Agəɗ vasna vi əzaɓ na Abraham dəgapgən azet ɗiy-ɗar də Yesu Kristu, vi mərahgən Əmpəs də tive na ətafa, ndəni an miynani.

Galatiyen 4:15

Ŋgay ənnek nokum nak kan di? Vi aka moggon nokum nədawpele. Va wagəɗ na wakəkdəhən horokum kapsu kəta.

Efesus 1:3

Soko sən Maŋgəlva Afən Daya nam Yesu Kristu. Ndəni dəzaɓam də əzaɓ na əmpəs tutu' sə disiŋ addəv Kristu.

Əmsak aka Mahenziŋ 33:29

Mə Ibriɗe istə Israyel! Naway dəslə də mənokum, məs Yawe atərkuməŋ di? Baray nawturki yi, masalam na gbogboŋ noki yi. Məzuzelɗe nok warakokəni, ya wakəndapeti.

Filipi 3:9

Vi nədawsaw aban də təstəs na kiyu məs dəde səza mahenziŋ ɓa, abbər an dəde səza ətaf Kristu, təstəs dəde səza Maŋgəlva dəziw aka ətafa.

2Timote 1:9

Ndən məs dəkõhgəmə, dəyəm də iya salala məza aza wəza nam ɓa, ya aza an aynə gəm mbəlembəle nani. Mbəlembəle məs məpsəm addəv Kristu Yesu far na sete,

Yakob 2:18

Ya an ɗəf anahək na: Atafək Maŋgəlva, naw tam in tat də wəza. Wanəzlan sən na: Arban su wətaf nok məza wəza nan ɓaŋka, naw tam wanərban suk wətaf naw də wəza nawa.

2Piyer 1:1

Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.