Roma 2:4 - Bible en Guidar

⁴ Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Nouveau Testament en Guidar

⁴ Walla munokum tatə zelin mogon nanəŋ metiŋginəŋ də an adaw ɓəsnəŋ sa? Kəsənən na, mogon na Maŋgəlva na, ndəni dəda kpaŋgokum kətubiyaŋ gəni kəmilyoŋ gən azan ɓa sa?

Bible en Guidar

⁴ Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Roma 2:4 ပူးပေါင်းရင်းမြစ်များ

Gəlyaɗe 10:11

Tay Ənah a makran na: «Maŋgəlva azgətka, aɗamanək harani, tay an adawla ɓa.»

Gəlyaɗe 104:24

Wəzaɗe nok diyɗaŋgə, Yawe! Də maɗɗulok kəɗɗe pakə, dəlvafuŋ aknahək dit zəgeɗ en kəzəməɗə.

Gəlyaɗe 31:19

Met muwaŋ wən dəmsə məpeleŋ wən nawku aka ɗəf təstəs də əɗi kiziti gəm də əzele!

Gəlyaɗe 78:38

Adan nan muwəl sasãhĩ yi, tay əvvuyon heslepe neti, awzet ɓa. Pay pak tay ərma makrani, awsilgin herɗe nan ɓa,

Gəlyaɗe 86:15

Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

Gəlyaɗe 86:5

Daya, vi istə moggoko, məvvuyon mambraya, moggon nok diyɗay aket məzuyukuni,

Əgilye 34:6

Yawe atoŋguk kəlabani, aya: Yawe, Yawe, Maŋgəlva muwəl-sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi.

Məsmaɗula 8:11

Vi ətawwən tay gu' aka wəza mbərayən ɓa yi mekret kirtin Adam aknah də əɗɗa mambraya.

Isaya 30:18

Vi vaski Yawe waga pay nawgəɗ sukum mbəlembəle, wasil vi kawla sãsãhkum. Vi Yawe Maŋgəlva təstəsi. Zazay azet ɗiy en məzuganən pakə.

Yeremiya 7:10

Yaŋ kədazzoŋ əziw abawa, addəv gəla nawa, yaŋ kədawnahaŋ na: Məkõhko! Vi kazban əɗɗa zəga ɗarə!

Ezekiyel 11:19

Wanəpsit mekret an təstəsə, əmpəs meleketen nədapsit addivti, wanəgdəh mekret na gərəm səzeti, wanəpsit mekret na sluwa,

Ezekiyel 16:63

Vi kəɗɗumongən an dətoŋgu, wil dədukungəni, mok adawkol ɓa sən ərba wil nok pay nədavvuyon suk an kəgəɗ pakə, Daya Yawe aɗiymani.»

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Yonas 4:2

Akkamanək Yawe, amna: «Ha'aw! Yawe aski nədawnah pay nəsaw aka dələv naw ɓa sa? Vini nəgəm zu nənzaw a Tarsis. Vi nəsənka Maŋgəlva məs mbəlembəle də moggon kənani, kada gədəv go' go' ɓa, moggon nok diyɗay sawɓa, ya məsla zuk kənan naffeten mokrok səka əɗɗa mbərayən.

Əŋɗa 14:18

“Intə Yawe, zay aza ədagədəva, məknəhu də moggon məza addəɗ ɓa, məzuɓəs heslepe gəm kiɓəɓəla, məza appa zəga ətoŋ ɓa hara kana, gəm məzbə heslepe net efiŋgiɗit ɗiy aket kirtit gap sayit hoku may poɗo,”

Roma 10:12

Vi uɗak tay a walaŋ mə Yuda də Gərek ɓa, baymet pak Daya net taka yi, moggon nan tay aket məzuyanən iya nan pakə.

Roma 11:22

Azlək sləma aka moggon gəm daraw na Maŋgəlva, daraw nan aket en məlotti, moggon nan akoko an kəsokuk addəv moggon vani, an vaski ɓa na, nok pak kawlotki yi.

Roma 11:33

Arya, maɗɗula gəm əsən na Maŋgəlva kpumi. Ətawwən nan gabban akkos ɓa. Gabbet tiveɗ nan awsən ɓa.

Roma 3:25

Ndəni məs Maŋgəlva aɗi ka navvuyon mambray dit mbel nan də tive na ətafa, vi karban təstəs nani; vi appanək mambray an məɗɗan lahəŋ məza ətawwən akan ɓa,

Roma 6:1

Mbar mədawnəh kandi? A məsam addəv mambray vi mbəlembəle dənzlərgən sa?

Roma 6:15

Mi kandi? Waməzban əɗɗa mambray vi mənam tat ammba gagdak na mahenziŋ ɓa məsam ammba mbəlembəle sa? Agəɗ na ɓa!

2Korintus 8:2

Də məslet dit tatwãhɗe temtem zlaŋ, ənnek net diyɗa də sahã net diyɗaŋ awanək arya na əvəl də makret taka.

Efesus 1:18

Dəkekeɓe hara mokrokum vi kəsənəngən va an nawga dəde səza iya nan asani, va arya na gagdak na əzəmgəla asan a walaŋgit ɗiy salala.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Efesus 2:4

Ya Maŋgəlva tay də ulasahã diyɗa, vi memetiŋ na əŋgla nan məs aŋglumə,

Efesus 2:7

vi karban arya na mbəlembəle nan məs dəday ki zəga pak addəv pay məs dədazzan də moggon nan viyəm addəv Yesu Kristu.

Efesus 3:16

Vi dəpsukumgən əɓap va aza arya na gagdak nani, kəssoŋgən gboŋgboŋ də Əmpəs nani, dəsangən ərəh na ɗəf na kəleŋgili.

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.

Filipi 4:19

Maŋgəlva naw dəknahan sukum wəray nokum pak də Yesu Kristu va aza gagdak nan metiŋgini.

Kolosi 1:27

Maŋgəlva aŋgələk ərban gagdak na wən məɗama nan metiŋgin məs azaɓan viyit ɗiy-ɗar pakə, ndəni Kristu məs na mokrokum, əga na gagdaka.

Kolosi 2:2

Vi kasɓan mekreti, dəssoŋgən məslerit addəv əŋgla, məknihit də ərəh na əsən an gegesiŋ, dəsənəngən wən məɗama na Maŋgəlva ana Kristu.

1Timote 1:16

ya sən aski Maŋgəlva awəl sahã akawa, vi Yesu Kristu dərbangən əɓəs nan diyɗa akaw daabəŋ, vi nəsawgən nawsla ki van azaw a waleŋgit ɗiy məs nawtafəni, məs dədawrəhaŋ zeŋgile nassa hã faɗə.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.

1Piyer 3:20

Ndəɗaŋgə ɗiy dəɓoŋgoŋ lahəŋ aka Maŋgəlva aɓəs aka pay Nuwe adawzaɓ bəlay. Ɗiy siɗikkeŋ kaka addəvən, ɗiy dədopoɗo dəkõhoŋ səret iŋkile.

2Piyer 1:11

Vi vaski tive nawtoŋ addəv məlĩ an faɗ na Daya nam gəm na Məzukõhgəm Yesu Kristu adawsan sukum viŋgi.

2Piyer 3:15

Məsən na əɓəs na Daya nam akol sukumək tive ka kəkõhoŋgəni, va məlməm na makram Pol aver sukum də maɗɗula məs Maŋgəlva apsəni.

2Piyer 3:3

Məsən tagay na, pay əgrak dəlva, ɗiy məmasaŋ aka ɗəf wazzoŋgu, wadawaŋ addəv əŋgla na gəɓa ziti.

2Piyer 3:9

Daya tay əlya də əknahan iynama nan va ɗiy meɓɓet adaɗɗumoŋ ɓa. Ya tay əɓəs sukum vi dəŋgəl ɗiy meɓɓet dəzaŋgən ɓa, kəta ɗiy pak dəgapaŋgən aza əɗi marava.

Hənhən 2:21

Nəpəl sətək tive təɗigən marava, ya təŋgəm kawɗi marava aka polkoyo nat ɓa.

Hənhən 3:20

Awla in tat ziwe a maddamba ərgani, an ɗəf aprəmək wəlawa, akoluk maddamba, wanətoŋ ananda, wanəzəm dəndən, wazəm də iyna.