Roma 13:4 - Bible en Guidar

⁴ Vi məgəɗ wəza na Maŋgəlva yi vi moggon noko. Ya an mbərayən kəɗɗa na, ageslne'i, vi ɗari alaw masalam ɓa, məgəɗ wəza na Maŋgəlva yi kagrakan ədagədəv nan aka məgəɗ mbərayən.

Nouveau Testament en Guidar

⁴ Vi məlĩ van na wəza na Maŋgəlva adaɗɗa, vi kabaah sukum də wəɗɗa wəza mogoni. Amma an kəɗɗaŋgək mambraya, dewle nokum wakəgeslne'eŋ sənəni. Vi tay də sembe nawtaw kita akokum, Maŋgəlva aɗiyək dəgrakan gən wəda gədəv nan aket ɗii məɗɗaŋ mambraya.

Bible en Guidar

⁴ Vi məgəɗ wəza na Maŋgəlva yi vi moggon noko. Ya an mbərayən kəɗɗa na, ageslne'i, vi ɗari alaw masalam ɓa, məgəɗ wəza na Maŋgəlva yi kagrakan ədagədəv nan aka məgəɗ mbərayən.

Roma 13:4 ပူးပေါင်းရင်းမြစ်များ

1Milyeŋge 10:9

Soko sən Yawe Maŋgəlva nok məs dənnek də is nawɗiyuk aka mazaŋga na məlĩ na Israyel; vi Yawe aŋgluwək Israyel hã faɗə, ndəni aɗiyuk ka məlĩ vi kaɗɗa zəga də tiven təstəsə.»

2Alabaraɗe Də Mabərkiziti 19:6

Aɓsit mətawaŋwən na: «Məɗi ki an kədaɗɗaŋgə, vi sən ɗəf kədawtawnən wən ɓa, sən Yawe məs dədawsan də mənokum addəv əpel na ətaw wəni yi.

Wənməkkpaŋga 16:14

Herɗe na məlĩ na, maslən na əmtaŋgə! Ya ɗəf məsmaɗɗula waffeteti.

Wənməkkpaŋga 20:2

Va əhəm na ɓoolu, vaski ədagədəv na məlyã; dədansən gədəvən na, mbərayən adaɗɗa aka zən tusso.

Wənməkkpaŋga 20:26

Məlĩ məsmaɗɗulan na, watəreyet ɗiy mbəreyti, wadawgən təl mawta dəketi.

Wənməkkpaŋga 20:8

An məlĩ asanək aka mazaŋga nawtaw wən na, wasən mbərayən də harani.

Isaya 1:17

Məyagan əɗɗa moggoni, məkayan təstəsə, mətak ma məppət ɗiyi, məgəɗ təstəs sən mitiwe, mətərət gagəbaya.

Yeremiya 5:28

mikirit lokoɗok lokoɗoku. Akkaɗaŋgək ki meŋge na mambraya. Aɗɗaŋ zəga təstəs ɓa, azgaŋ sləma aka mitiwe ɓa, tay əɓayaŋ addəv əraha. Abbahaŋ sənən məzuray ɓa.

Ezekiyel 22:27

Ɗiy gugriɗ naddəvən tahəŋ va kirɗemuyã məzupuwenin sluwa, əggbo'oŋ mbel kawzet ɗiyi vi kawnda arya neti.

Ezekiyel 25:14

Wanəpsit əmpəlkiya naw aka Edom avet ɗiy naw na Israyel; waɗɗaŋ sənən Edom va aza ədagədəv naw dit herɗe nawa; wasənnən əmpəlkiya nawa, Daya Yawe aɗiymani.

Mika 3:9

Kamə məprəma mənokum deyeɗe na Yakob, gəm mənokum mətawaŋwən na Israyel. Mənokum məzeleŋ təstəsə gəm məslokoron təstəsə.

Roma 12:19

Bayneŋgiɗwa, kədamndaganən harat huloŋguk dəvokum ɓa, məppan təki sən ədagədəv na Maŋgəlva, vi məverni na: Naw wanəmpəlkiya, intə nawfaɗ səni, Daya anahə.

Roma 13:6

Vi aski'e kədawfaɗaŋ nzalaka. Vi məzutafnən vet Maŋgəlva dəɗi dəɗɗanəngən wəza vanəs ɗayɗayə.

1Tesaloniki 4:6

Ɗəf adawgəɗ sən mbərayən sən məlmən aka wənəs də ətak an dəsan nan ɓa, vi Daya wataw wən aket ɗiy məɗɗaŋ zev mambray vaska, va mənah sukum lahəŋka, yaŋ mənah sukumək əmpa.

Yosuwa 20:5

An məmpəlki piɗe azbanək na, ɗiy na walaŋgəla vet adawgilgin sənən məbaygəbay van ɓa. Vi dəvan abay məlmən van ɓa, vi azelik lahəŋkay ɓa.

Yosuwa 20:9

Eskiŋ dəssoŋ walaŋgəleɗe gugriɗ məsler aket sit mə Israyelɗe beymeti, sən molhõyõ məs dəsan aweleŋgit də gəla, vi ɗəf məs dəbay ɗəf də mandara pak dənzangən adaka, məmpəlki piɗe adawbayən ɓa, hã gap ndən ziw aba sap net ɗiy pakə.

1Piyer 2:14

Mãy sit deyeɗe na kivadəlva va maslənɗe nan vi kazga' sit məɗɗaŋ mambray gəm vi kawgagdaket məɗɗaŋ moggoni.