Roma 12:3 - Bible en Guidar

³ Də mbəlembəle məs məvaya, in tat ənah sən ɗəf səmmbokum pak na: Kədaɗɗumoŋ aka gagdak na zukum dayki an dəslə sukum ɓa, ya məɗɗum əɗɗum an salala, naway pak va əsla na ətaf məs Maŋgəlva apsəni.

Nouveau Testament en Guidar

³ Vi wənna zəga məs Maŋgəlva avay də mogon nani, ndəni nədawnah sukum pakə: Kəda ɗumoŋ aka gakdak na zukum dayki zukum ha dayki an dəslə sukum ɓa, amma ko naway dula ki zən va an dəslə aza wətaf nan məs Maŋgəlva apsəni.

Bible en Guidar

³ Də mbəlembəle məs məvaya, in tat ənah sən ɗəf səmmbokum pak na: Kədaɗɗumoŋ aka gagdak na zukum dayki an dəslə sukum ɓa, ya məɗɗum əɗɗum an salala, naway pak va əsla na ətaf məs Maŋgəlva apsəni.

Roma 12:3 ပူးပေါင်းရင်းမြစ်များ

Wənməkkpaŋga 25:27

Moggoni əzəm amama diyɗa ɓa, may əkay gagdak aka gagdak ɓa.

Wənməkkpaŋga 26:12

Kəwələk ɗəf məzula zən va məsmaɗɗula sa? Səza dərwa kədawrəh nawtəruk day ki səzani.

Məsmaɗula 7:16

Kədassok təstəs day ɓa, kədassok məs maɗɗula sawɓa ɓa'a: Vimi kəŋgəl kawzan kiyuk di?

Mika 6:8

Mənah suki an dəslə is ɗəfa, an Yawe adawkayan azok na: zəga mbərni balsən wəɗɗa təstəsə əŋgla moggoni əsla zuk ədaw də Maŋgəlva noko.

Luka 18:11

Mə Farisa aziwke, akkamək də makran vaska: Aw Maŋgəlva nəgəɗ sukuk əsoko vi in tat va ɗiy meɓɓet ɓa, va mehelɗe, məɗɗaŋ mbərayən, məkuwaŋ a gizbe, awaniɓa va məkkal nzalakaŋ ɓa.

Yohanna 3:34

Vi ɗəf an Maŋgəlva aslənə, əpel na Maŋgəlva adawpele vi apsənək Əmpəs nan meza meŋge ɓa.

Roma 1:5

Dəndəni məray mbəlembəle gəm wəza nawsləna, vi kawsilgin ətaf a walaŋgit ɗiy-ɗar pakə, dəɓe'eŋ sənəgən iya nani.

Roma 11:20

Gesiŋ, ya məlotən na, vi dətafaŋ ɓa yi. Noko, mətipuk na, vi kətafi, vi vaski kədawkaɓ ɓa, ageslne' dərəŋgə.

Roma 11:25

Vi maw tay aka kəssoŋgən məza əsən mahaɗamaŋ ɓa milmiŋgiɗwa, vi kədawɗinən kikum va məsmaɗɗulet ɓa: kiɓəɓəl net mə israyelɗe meɓɓet wasan hã gap an ɗiy-ɗar pak atoŋgoŋko.

Roma 12:16

Məssoŋ məslerkum a walaŋ zukum, kədawkayaŋ gagdak ɓa, dəɗah mətaf wəza an məs tay də gagdak ɓa, kədawɗiyən ki zukum na va kəsənənək zəga pakə ɓa.

1Korintus 15:10

Də mbəlembəle na Maŋgəlva yi nəsaw va nəsawəŋka, mbəlembəle nan viyu dəsan ɗar ɓa. Nəgəɗək wəza daykiyit pak dərəŋgə, in nəɗɗa ɓa, mbəlembəle na Maŋgəlva məs dəsan də iyni.

1Korintus 3:10

Va aza mbəlembəle məs Maŋgəlva avayə, nəɗiyək gabban va məsən-ərkagəla məsmaɗɗula, ɗəf maɓɓan ərka akani. Ya naway pak dəsla zən aza va adarkani.

1Korintus 7:17

Naway pak dədaw va Daya apsəni va aka asan pay Maŋgəlva aya. Aski nədawɗi wən nan sit ɗiy na Maŋgəlva pakə.

2Korintus 10:13

Nam məɗi na ki zəm daykiyit meŋge ɓa, ya an mədaɗɗa wəza dəndən na, tivenanziya məs Maŋgəlva aɗi səm nawgapgəm hã azokumi.

2Korintus 12:13

Mi kərahaŋ gəs səza an net məzutafaŋ meɓɓet, abbər naw na, naw nəppətkum ɓay di? Məvvuyon su mbərayən vanəska.

2Korintus 12:7

Sekeneɗ vet naggət aketi sawɓa, vini, ka nədawkaɓ ɓa na, məndirɗi wəlaŋga addəv gəɓa zuwa, maslən na Satan, vi dəvərugən a tapaslaywa, vi nədawkaɓ ɓa.

Galatiyen 6:3

An ɗəf tay əɗɗum na agapka, dəgap zəga ɓa, dərwa na zən adawmbəɗani.

Efesus 3:2

An kəprəmənək wən na mbəlembəle məs Maŋgəlva avay vi kaɗɗa an məs aynan vikum,

Efesus 3:4

an kaŋɗanən na, wakəɓap əsənən zev əsən naw aka wən məɗama na Kristu.

Efesus 4:16

Dəndəni gəɓa zə ɗəf dəwən nan, asan slersler moggon gəm asap aza zən də met sleŋsleŋɗe va an dəsle azani, va hara wəza na naway pak aza əɓap nani, zən əɓay əmbat abe abe addəv əŋgla.

Filipi 2:13

Vi Maŋgəlva yi dədaɗɗan addəvkum, tay əpsukum əŋgla gəm əɗɗa wəza va an aziwgini.

Kolosi 1:29

Vini nədawzəm sahã əgay əɗɗa wəza də gbogboŋ nan məs dədaɗɗa wəza də in a makrawa.

Kolosi 2:13

Lahəŋka məmtukum kənanən viyit heslepeɗe nokum gəm gayã na gəɓa zukum, Maŋgəlva apsukumək zeŋgile dəndəni, avviyet sukumək heslepeɗe nokum pakə.

1Timote 1:14

Ya mbəlembəle na Daya nam azlərək akawa, avayək ətafa də əŋgla addəv əsap də Yesu Kristu.

1Timote 2:15

Ya watəkõh də tive na uwa kirni, an tat addəv ətafa, əŋgla gəm əssa salala də maɗɗula.

1Timote 2:9

Gil tamə, dəguloŋ lukut məs dəslə, də maɗɗuleti, dit wili. Adawzaɓanən zit də wətroɗ kiya na sləma, də meleŋge awaniɓa dit everzleɗ na sləma mãy lukut na arya ɓa.

Titus 2:12

Tay əyagam vi məppangən ədaw mbərayən gəm əsim zəga negge, məsamgən də maɗɗula də təstəsə gəm də geslne na Maŋgəlva addəv ənziya an kakaŋka,

Titus 2:2

mezeɗ dəslanən ziti, dəssoŋ məɗiyaŋ kiya, məpeleŋ naprəma, dəziwweŋ addəv ətaf an salala, addəv əŋgla gəm addəv əsok zə ɗəfa.

Titus 2:4

vi dəziwginingən maɗɗulet gil en kirin kirin dəŋgluningin zilŋgiɗti dit kirtiti,

Titus 2:6

Vaski anah sit gewleɗi dəssoŋgən də maɗɗulet

Yakob 4:6

Ya gbogboŋ məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗiy məzəgakdakanən ziti, ya tay əpsit gagdak sit ɗiy məzuɓe'gənən ziti.

1Piyer 1:13

Vi vaski məzaɓan əɗɗum nokum naɗɗa wəza! Məzi zukum lewlew də əɗi əɗɗum nokum pak aka mbəlembəle məs dədazan sukum pay Yesu Kristu adarban zəni.

1Piyer 4:11

An ɗəf wapeli, dəpel wən na Maŋgəlva; an ɗəf tay əɗɗa wəza, dəɗɗa də gbəgboŋ an Maŋgəlva apsəni, vi addəv zəga pak Maŋgəlva dərahgən gagdak də Yesu Kristu məs gagdak də əɓap pak asan nan hã faɗə. Amin!

1Piyer 4:7

Wəgrak na zəga pak go'oy. Vasna, məssoŋ də maɗɗula ɗeŋge vi kəɓapaŋgən əkkama.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

1Piyer 5:8

Məzi zukum, məga, vi məzuzel nokum Satan, tay va ɓoolu adawhay dawkay zəga nawzəm nani.

3Yohanna 1:9

Nəverik wən duɗukko sən əsap net məzutafaŋgə, ya Diyotrefes məs dəŋgəl əsan daya net dətafəm ɓa.