Roma 1:7 - Bible en Guidar

⁷ In tat əver sukum mənokum ɗiy na Rom məs Maŋgəlva aŋgəl pakə, məs ayə kəssoŋgən salala; mbəlembəle gəm zazay na afəm Maŋgəlva gəm səza Daya Yesu Kristu dəsan akokum.

Nouveau Testament en Guidar

⁷ Nəsɗo kumko munokum ɗii na Maŋgəlva a Roma pakə, ayukumko ka kəsoŋ gən ɗii nani. Maŋgəlva Affəmə də Ɗəfdaya namə də Ɗəfdaya nam Zezu Krestu dəpsukumən mbəlembəle də zam neti.

Bible en Guidar

⁷ In tat əver sukum mənokum ɗiy na Rom məs Maŋgəlva aŋgəl pakə, məs ayə kəssoŋgən salala; mbəlembəle gəm zazay na afəm Maŋgəlva gəm səza Daya Yesu Kristu dəsan akokum.

Roma 1:7 ပူးပေါင်းရင်းမြစ်များ

Gəlyaɗe 60:5

Kərban sitik zəga tatwãh sit ɗiy noko, kəzlərsəmək mbazla məbay ɗəfa.

Gəlya net Gəlyaɗe 5:1

In tat əzzaw a guli net wəleŋɗe nawa, məlmuwa, gərawa; In tat əttəɗ telembe gəm əttəɗ telembe na wəlaŋga məffok nek nawa; In tat əzəm seɓe na amama nawa in tat wəsa mbazla naw də moŋvo nawa! «Məzəmə, gəreŋgiɗwa məsə, əŋgla dəbaykum gəreŋgiɗu na makrawa!»

Əŋɗa 6:25

Kəta hara Yawe dəkekeɓekum, dupsukum mbəlembəle!

Matiye 5:16

Əkasak nokum dəwiɓ vas abet ɗiyi, vi duletingin wəzeɗe mogget nokum dəgagdakanəngən Afukum an na disiŋ.

Yohanna 20:17

Yesu aɓsət na: Kədawrəŋgu ɓa, vi nəpeŋ aza Afən tagay ɓa, ya dok azet milmiŋgiɗwa, anah sit na, in tat əpeŋ aza Əbba məs dəsan Afukum, aza Maŋgəlva nawa məs dəsan Maŋgəlva nokum.

Wəza net Masləŋɗe 15:23

Səza averini, apsitinik aveti: Mənam milmiŋgiɗkum maslənɗe dit ɗiy məsɓeti, azet məzutafaŋ naret ɗiy-ɗar na Antiyos, na Siri gəm na Silisi, məsɗokumko.

Wəza net Masləŋɗe 9:13

Ananiyas azlanəka: Daya, nəprəmək əpel diyɗa səmet ɗiy aka wən na ɗəfəska, mbərayən agəɗ sit ɗiy salala nok gbaŋ a Yerusalem əŋka.

Roma 1:6

Nokum pak a walaŋgit ɗiy məs Yesu Kristu ayə kənanaŋgə.

Roma 5:1

Adan mərah əssa təstəs də ətaf kan na, gəgaŋ na, mənam tat zay də Maŋgəlva dəza Daya nam Yesu Kristu.

Roma 5:5

Əga nawrəh zəga arbəsəm na wil ɓa, vi əŋgla na Maŋgəlva məpsəm dəza Zeŋgile Salala tay a makramə.

Roma 8:28

Məsənək na, Maŋgəlva tay əɗɗa zəga pak vi moggon net ɗiy en dəngluwəni, viyit ɗiy en ayə va aza an aziwgini.

Roma 8:39

gagdak na disiŋ, gagdak nammba dəlvafuŋ, zəga məzəməɗən maɓɓan, tay an məs nawɓap uɗakam də əŋgla na Maŋgəlva məs dərbə də Yesu Kristu Daya nam ɓa.

Roma 9:25

Va anah addəv Hose'a na: Ɗiy en nawəŋ ɓa na, wanəye ɗiy nawa. Məs nəŋgliw ɓa tam na, məs nəŋgələ.

1Korintus 1:24

Ya azet məs Maŋgəlva ayə, mə Yudeɗi gəm Gərekɗe, Kristu wi əɓap na Maŋgəlva gəm maɗɗula na Maŋgəlva.

1Korintus 16:23

Mbəlembəle na Daya Yesu dəsan də munokum.

Galatiyen 6:18

Mbəlembəle na Daya nam Yesu Kristu dəsan də əmpəs munokum milmiŋgiɗwa. Amin.

Efesus 1:2

Mbəlembəle gəm zazay na Maŋgəlva Afəmə gəm na Daya nam Yesu Kristu dəsan də mənokum.

Efesus 6:23

Kəta Maŋgəlva Afəni gəm Daya Yesu Kristu, dəpsit zazaya gəm əŋgla də ətaf sit milmiŋgiɗmə.

Əmsak aka Mahenziŋ 33:12

Aket mə Benyaminɗe, amna: «Mahəlfa na makra Yawe, tay əffet zeŋgleŋge pay pak addəv va məzuzeŋ nani, tay ŋgbiŋge a weleŋti.»

Filipi 1:2

Mbəlembəle də zazay na Maŋgəlva Afəmə də Yesu Kristu Daya nam dəssoŋ də mənokum.

Filipi 4:13

Də gbogboŋ nan addəv zəga pak vi Kristu tay əvay əɓapa.

Filipi 4:20

Gagdak na Maŋgəlva Afəmə hã faɗə. Amin.

Filipi 4:23

Mbəlembəle na Daya nam Yesu Kristu dəsan də munokum pakə.

Kolosi 1:2

Sit ɗiy salala na Kolosi, milmiŋgiɗəm en dəssoŋ təstəs addəv Kristu. Mbəlembəle də zazay na Maŋgəlva Afəm dəsan də mənokum.

Kolosi 3:12

Vas na, adan Maŋgəlva awelkumuk kəssoŋgən salala gəm məŋglukum, mugul ulasahã, əɗɗa moggoni, əɓe'gən kiya, məza ki ɓəɓəl ɓa, gəm əɓəsa.

Kolosi 3:15

Zazay na Kristu dəzəm məlĩ a mokrokum, məs məyukum akan kəssoŋgən gəɓa zukum taka. Məgəɗ sən soko.

1Tesaloniki 1:1

Səzet mãy Pol də Silas gəm Timote, sən əsap net məzutafaŋ Maŋgəlva Afən Daya nam Yesu Kristu a Tesaloniki. Mbəlembəle də zazay dəsan akokum.

1Tesaloniki 1:3

Mənam tat əɗɗumon wəza nawtaf nokum aba Maŋgəlva Afəmə, də əŋgla nokum də əsok zukum əga məs dəde səm səza Daya nam Yesu Kristu.

1Tesaloniki 1:4

Məsənək na milmiŋgiɗwa, Maŋgəlva aŋglukumko, awelkumko.

1Tesaloniki 4:7

Vi Maŋgəlva dəyəm məsamgən addəv haramba ɓa, ya məsamgən salala iyi.

1Tesaloniki 5:28

Mbəlembəle na Daya nam Yesu Kristu dəsan də munokum.

2Tesaloniki 1:2

Mbəlembəle gem zazay na Maŋgəlva Afəmə gəm na Daya Yesu Kristu dəsan akokum.

2Tesaloniki 3:16

Daya Afən zazay zək nan dəpsukum zazay pay pakə, də tive temtem pakə. Daya dəsan də munokum pakə.

2Tesaloniki 3:18

Mbəlembəle na Daya nam Yesu Kristu dəsan dəndukum pakə.

1Timote 1:2

Sən Timote wətu məs də gegesiŋ addəv ətafa. Mbəlembəle, ulasahã gəm zazay səza Maŋgəlva Afən də Daya nam Yesu Kristu dəsan akoko.

1Timote 6:2

En məs deyeɗe net məzutafaŋgə, adawzeletin vi assoŋ məlma ɓa. Dəsokən zit əgəɗ sit wəza day dərəŋgə, vi məzutafaŋgəŋgə gəm ɗiy məs Maŋgəlva aŋgələ dədawzəmən ma wəza moggon an adaɗɗaŋgə. Arban wənəska, asɓet ɗiy aka wən nani.

2Timote 1:2

Sən Timote wətu na makrawa. Mbəlembəle də ulasahã, də zazay na Maŋgəlva Afən Daya nam Yesu Kristu dəsan akoko.

2Timote 4:22

Daya dəsan də əmpəs noko, mbəlembəle na Maŋgəlva dəsan də munokum.

Titus 1:4

Sən Titus, wətu an gesiŋ addəv ətaf məs dəsapamə. Mbəlembəle də zazay na Maŋgəlva Afəni gəm na Kristu Yesu məzukõhgəmə dəssoŋ akoko.

Filemon 1:25

Mbəlembəle na Daya Yesu Kristu dəsan də munokum.

Filemon 1:3

Mbəlembəle də zəzay na Maŋgəlva Afəmə də Daya nam Yesu Kristu dəsan akokum.

Yakob 1:1

Ɗereweləŋka, in Yakob nəvere, intə məgəɗ wəza na Maŋgəlva də na Daya Yesu Kristu. Nəsɗetik mahəlfaɗe kəlaw kiyit sula məs dətrayaŋ ammba dələv pakə.

1Piyer 1:15

Ya, va məs dəyukum asan salala, nokum pak məssoŋ salala addəv ədaw nokum pakə.

1Yohanna 3:1

Mula əŋgla məs Afən apsəmə, vi kawyəm na Kirtin Maŋgəlva, ya vas mənani. Vini ənziya egge dəsənəm ɓa: vi dəsən Maŋgəlva ɓa.

2Yohanna 1:3

Mbəlembəle, ulasahã gəm zazay na Maŋgəlva Afəni gəm na Yesu Kristu Wətən Afən wassoŋ də mənam addəv gegesiŋ gəm əŋgla.

Hənhən 2:1

Aver sən maslay na gəla na Maŋgəlva na Efesus na: Aŋki məs dərme ngərzleɗ buhul aza van dəzəŋ, məs dədadaw a weleŋgit zəgeɗ nawɗi lalamɗe na meleŋge buhul adawpele:

Hənhən 2:12

Aver sən maslay na gəla na Maŋgəlva na Pergame: Aŋki məs dəptu masalam məs man sulagən hoɓhoɓ adawpele:

Hənhən 2:18

Aver sən maslay na gəla na Maŋgəlva na Tiyatira na: Aŋki an Wətən Maŋgəlva adawpele, ndən məs haran va hərzlum offo nzilimnzilimi, tələn va təbəz pepreŋ məzuwiɗe.

Hənhən 2:29

Ɗəf an məs də sləman, dəprəm an Əmpəs adawnah sit gəleɗe na Maŋgəlva.

Hənhən 2:8

Aver sən maslay na gəla na Maŋgəlva na Samirna na: Aŋki məs dəsan ətəŋga gəm əbayma zəga, məs dəmtə, dəsil səka əmta adawpele.

Hənhən 22:21

Mbəlembəle na Daya Yesu dəsan də naway pakə.

Hənhən 3:14

Aver sən maslay na gəla na Maŋgəlva na Lawdikiya: Aŋki an Amen adawpele, ndən Miziwe an təstəsə gəm an gərrakə, ndəni slalwãy zəga məs Maŋgəlva azəməɗə:

Hənhən 3:22

Ɗəf məs də sləman na, dəprəm an Əmpəs adawnah sit gəleɗe na Maŋgəlva.

Hənhən 3:7

Aver sən maslay na gəla na Maŋgəlva na Filadelfiya: Aŋki Ɗəf an Salala, an Gərrakə adawpele, ndən məs dərma lekile na Davit avani, an akoluko, ɗəf tay naɓap əmsan ɓa, an amsanəka ɗəf tay naɓap əkolən ɓa: