Roma 1:3 - Bible en Guidar

³ aka an dəwəl sən Wətəni məs dəde səza mazlalwã Davit,

Nouveau Testament en Guidar

^3-4 Kakaŋ na aɗɗak wəkoh nak də Wətəni, ndəni Zezu Krestu Ɗəfdaya namə. Muwani Zezu Krestu adəv ma əlfa na məlĩ Davitti. Amma Əmpəs Salala* na Maŋgəlva arbanək wənnan appaka ta'ə, ndəni Wətən Maŋgəlva*, daga pay asil gən suweleŋgit ɗii mimtit də sembe nani.

Bible en Guidar

³ aka an dəwəl sən Wətəni məs dəde səza mazlalwã Davit,

Roma 1:3 ပူးပေါင်းရင်းမြစ်များ

Va'Atəŋ 3:15

Wanəɗiy əseɓ a waloŋguk dət ɗakə, a weleŋgit kirtuk dit kirtita. Waklopnən kiyko, wakəbəl motokpotokpo tilti.»

Gəlyaɗe 2:7

Wanərban əsərəkɗe na Yawe: Aɓsu na: «Istə wətuwa; naw, dəpaŋki nəwuko.

Yeremiya 33:26

asna wanəndol zev Yakub də Davit gawla nawa, məza əgəm ɗiy nassoŋ aka mahəlfa na Abraham, na Isak gəm yakob səddəv mahəlfa nan ɓa sa? Vi wanəzaɓan wən neti, wanəwəl sahã aketi.

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Matiye 1:1

Iya net dihigiɗin Yesu Kristu, wətən Davit, wətən Abraham:

Matiye 1:16

Yakob duwa Yosef zələt Miryam, məs tuwa Yesu, məs adawyaŋ na Kristu.

Matiye 1:6

Yesse duwa məlĩ Davit. Davit duwa Salmoŋ, dət guluk na Uriya,

Matiye 12:23

Ɗiy pak aggətaŋka, aɓɗaŋ na: Ɗəfəŋ wətən Davit ɓa sa?

Matiye 15:22

Guluk mə Kananakə naka dələv vanəs, pay aza Yesu, təŋgəzlək vaŋvəl dawnəh na: Daya, wətən Davit, awəl sahã akawa. Wətu tat məs tuya adawzəmgət sahã dərwadərwa.

Matiye 26:63

Ya Yesu asanək ɓatɓatə. Yaŋ daya net məsdəlveŋge aɓsən na: In tat əssohok də iya na Maŋgəlva madarani, vi kənah səmgəni an nok istə Kristu Wətən Maŋgəlva.

Matiye 27:43

Appanək zən fendeŋ aka Maŋgəlva, ya dəkõhgən kakaŋ kana, an aŋgluwəka. Vi anahək: «Wətən Maŋgəlva nənani!»

Matiye 3:17

Yaŋ əpel ade sə disiŋ amna: Aŋki wətu an nəŋgələ, in tat ənneken zu dəndən sawɓa.

Matiye 9:27

Aka Yesu adaddan sədaka. Deŋgerɗe sula azbanənək də əŋzla vaŋvəl na: Aw awəl sahã akamə wətən Davit.

Luka 1:35

Maslay azlani, aɓsət na: Zeŋgile Salala wade akoko, əɓap na Məsəɗəɗə wade əsərətuk də zeŋgile nani. Vi vaski wiyən məs kədawa wasan Salala, kawyani na Wətən Maŋgəlva.

Luka 1:69

Agilgənək Məzukõhgəm gagdak səddəv gəla na Davit gawla nani.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 1:34

Ya naw nulaka nərbanək na, ndəni Wətən Maŋgəlva.

Yohanna 1:49

Yaŋ Natanayel azlan sən na: Mərbəzəga, istə Wətən Maŋgəlva, istə məlĩ na Israyel.

Yohanna 10:30

In də Afəni taka mənani.

Yohanna 10:36

Ɗəf an Maŋgəlva aweli, aslən aka dəlva. Nokum, mənokum tat ənahaŋ na, is tat əpel mbərayən aka Maŋgəlva, vi nənah na Wətən Maŋgəlva nənani sa?

Yohanna 20:28

Tomas azlanka, aɓsən na: Daya nawa, Maŋgəlva nawa.

Yohanna 20:31

Məverit eŋ vet na vi kətafəngən na Yesu iyi Kristu Wətən Maŋgəlva, gəm vi kərəhaŋgən zeŋgile addəv iya nan də ətaf vani.

Yohanna 5:25

Gesiŋ gesiŋ nədawnah sukum: Pay tay əzzani, agəɗək kakaŋ səkay, pay ɗiy mimtit adaprəmən wəla Wətən Maŋgəlva, ɗiy en dəprəməni, wassoŋ medereti.

Yohanna 7:42

Ɗerewel dənah na səddəv mahəlfa na Davit gəm sə Bet-Lehem walaŋgəla sə təki Davit asan Kristu adazzan ɓa sa?

Wəza net Masləŋɗe 2:30

Məskəleŋgi asənək na Maŋgəlva aynanək də əsway ammban nawɗi mazlalwãn aka mazaŋga na məlĩ nani.

Wəza net Masləŋɗe 3:13

Maŋgəlva na Abraham, na Isak, na Yakob, Maŋgəlva net efiŋgiɗim agagdakanək gawla nan Yesu məs nokum kəppanəni, kəɓoŋgoŋ dawsənən aba Pilat, də aŋgəl nappan zlaŋ.

Wəza net Masləŋɗe 8:36

Adan adaddoŋ aka tive dəndən, agapaŋgək a təki net iŋkile, mətawkoyom nak amna: Iŋkile yeŋki, mi dədawtaku darəh baptem di? [

Wəza net Masləŋɗe 9:20

Ndən ləŋ mbat addəvit gəlaɗe nakkal net Yudeɗi, ətəlma na: Yesu əŋka Wətən Maŋgəlva yi.

Roma 1:9

Vi Maŋgəlva yi miziwe nawa, məs nadawɗi kiyən addəv əɗɗum naw də əpel alabara nenek na Wətəni, in tat əɗɗum akokum pay pakə.

Roma 4:1

Mbar mədawnah kan aka an dəhəm Abraham arah dəwəl sən gəɓa zə ɗəf di?

Roma 9:3

Wanətaf mahanay na Maŋgəlva kəta gəm uɗak də Kristu vi wən net milmiŋgiɗwa, həlfiŋgiɗu net mbeli.

Roma 9:5

ndəɗaŋgə dəha məkuturkutur, məs Kristu agil səzet dəwəl sit mbeli. Tay aka zəga pakə, soko sən Maŋgəlva hã faɗə. Amin!

1Korintus 1:9

Nawtafi wən na Maŋgəlva məs dəyukum addəv əsap də Wətəni, Yesu Kristu Daya namə.

1Korintus 10:18

Mula mə Israyelɗe: Nam na məzəmaŋ slu na əzaɓ-maŋgəlva sən tuya na asapaŋgək də matuya ɓa sa?

Galatiyen 4:4

Ya adan pay nan agapə, Maŋgəlva aslənək Wətəni, muwani dət gulku, dənzi də mahenziŋ.

1Tesaloniki 1:10

vi kawga Wətən sə disiŋ, ndəni Yesu məs asilgən səret ɗiy mimtiti, ndən dədawkõhgəm səma ədagədəv na Maŋgəlva məs dədazzani.

1Timote 2:5

Vi Maŋgəlva taka yi kaka'ə, metive pak taka yi kaka' a walaŋ Maŋgəlva dit ɗiyi, ɗəf adawyaŋ na, Yesu Kristu,

1Timote 3:16

An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

2Timote 2:8

Aɗɗumon wən na Yesu Kristu dəsil səret ɗiy mimtiti, səza mahəlfa na Davit iyi, va aza Alabara Nenek məs nədarba,

1Yohanna 1:3

An məs muwələ, məs məprəmə, anani mədawnah sukum tamə, vi nokum van kəsapaŋgən də mənamə, vi əsap nam dəsangən də Afəni gəm də Yesu Kristu Wətəni.

1Yohanna 3:23

Aŋki mahenziŋ nan vani: Mətaf səm iya na Yesu Kristu Wətəni gəm məŋglugən zəmə, vaski apsəm mahenziŋ nani.

1Yohanna 3:8

Məgəɗ mambray pak səza Diyabəl ade, vi far də ətəŋ nani Diyabəl tay əɗɗa mambraya. Sən aski Wətən Maŋgəlva ade vi dəɓzliwgin wəzeɗe na Diyabəl.

1Yohanna 4:15

Ɗəf dənah na Yesu Wətən Maŋgəlva yi, Maŋgəlva tay addəvən, tay addəv Maŋgəlva.

1Yohanna 5:1

Ɗəf məs dətaf na Yesu iyi Kristu pak, nan Maŋgəlva duwa. Ɗəf məs dəŋglu afən pak waŋglu wətəni.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.

1Yohanna 5:5

Naway məskə wəla ənziya egge an ɗəf dətaf na Yesu Wətən Maŋgəlva yi ɓa di?

2Yohanna 1:7

Vi muwaŋ tepelkeɗ tahəŋ aka dəlva. Dəŋgereŋ ətafən na Yesu Kristu adek də gəɓa zəni ɓa. Aski dədarban məwə tepelke gəm məzuzel na Kristu.

Hənhən 2:18

Aver sən maslay na gəla na Maŋgəlva na Tiyatira na: Aŋki an Wətən Maŋgəlva adawpele, ndən məs haran va hərzlum offo nzilimnzilimi, tələn va təbəz pepreŋ məzuwiɗe.