Nehemi 9:29 - Bible en Guidar

²⁹ Kəsəɓ sitike, vi dəmulyoŋgən aka mahenziŋ noko, yaŋ net adaɗɗaŋ zəga nawkaɓa, dəɓe'eŋ sitin mahenziŋɗe nok ɓa, may dəzbetin tiveɗnanziya nok məs ɗəf adazba ka dəsangən madaran viyit ɓa. Aɓəlanənək kiyti, aktuhunək gəɓeti, dəprəmaŋ ɓa.

Nehemi 9:29 ပူးပေါင်းရင်းမြစ်များ

2Milyeŋge 17:13

Yawe, akol sit slemet mə Israyelɗe dit mə Yudeɗ də met məskəleŋɗe gəm məzulaŋ pakgit, dawnəh na: «Məmil səka tive nokum mbəraynəŋka, mərme wəsəɓɗe nawa, wəzga'ɗe naw va mahenziŋ an nəɗi sit wən nan sit efiŋgiɗkum, gəm nəgapgən sukum də met məɗɗaŋ wəza naw məskəleŋɗe.»

2Milyeŋge 17:14

Ya dəprəmnən ɓa, aɓɓəlanənək kiyit va net efiŋgiɗit məs dətafnən Yawe Maŋgəlva net ɓeŋki.

2Alabaraɗe Də Mabərkiziti 24:19

Yaŋ Yawe aslən məskəleŋɗe a weleŋti, vi dəsəɓ sitingini, dəmə'aŋgən azani, ya dəprəmnən met ɓa.

2Alabaraɗe Də Mabərkiziti 33:10

Ndəni Yawe apel sən Manase dit ɗiy nani, ya dəɗɗaŋ maɗɗula ɓa.

2Alabaraɗe Də Mabərkiziti 36:15

Ya Yawe Maŋgəlva net efiŋgiɗit dəyə dawslən maslənɗe nan əsəɓ sit ɓa, vi ɗiy nan də təki nassa nan tahəŋ sãh arani.

Nehemi 13:15

Daska'e nule ɗiy naka dələv na Yuda, əndepetin kirtin megezlembirke a mozgoy nawɗotit gala pay naffete. Ɗiy meɓɓet əsak haykəmari, may əkyak iŋkile na megezlembirke, may uwa na megezlembirke, may uwa na sokoyo, may zəgeɗ temtem aket korɗe vi kawtoŋgit a Yerusalem aka pay naffete. Yaŋ nəhẽyẽt gala adawvəlnin zəgeɗ net veti.

Nehemi 9:10

Kəgəɗək zəga narba gəm sekeneɗ aka Farawən may aket gewleɗ nan beymeti gəm aket ɗiy naka dələv nan baymeti. Vi kəsənək na tahəŋ əɗɗa daraw aketi. Kəɗiyək ki iya nok va asan pay dəpaŋkəŋka.

Nehemi 9:16

Ya ndəɗaŋ dit efiŋgiɗim pak aɓoŋgoŋko, aɓɓəlanənək kiyti, dəzbanən mahenziŋ nok ɓa.

Nehemi 9:26

Yaŋ asulyoŋ də isi, aɓoŋgoŋ akoko; azganən mahenziŋ nok dərɓegeti, abeynin məskəleŋɗe noko, məs dədawsəɓaŋ sitin kawmilgit azoko; ndəni aɗɗaŋ mbərayən diyɗa.

Nehemi 9:30

Kəɓəsək wən net wəzva diyɗa. Kəssak sitik də əmpəs noko dəzet məskəleŋɗe, ya dəprəmaŋ ɓa. Yaŋ kəɗi ammba vet ɗiy-ɗar nammba dəlva.

Əgilye 10:3

May Moyis də Aron, atoŋgoŋgək aza Farawən, anahaŋ sənən na: «An Yawe, Maŋgəlva net mə Ibriɗe anah yaŋka: Gap pay gbəŋgbar kədawɓoŋ dawɓegən kiyuk abaw di? Appet ɗiy naw dəmbataŋ əgəɗ su wəza.

Yeremiya 17:23

Net dəprəmaŋ ɓa, dəpakən sləmet ɓa, aɓɓəlanənək kiyti, vi adaprəmnən ɓa, ka adawrahaŋ əzga' ɓa.

Yeremiya 19:15

An Yawe Məzuɓappak Maŋgəlva net mə Israyelɗe anah yaŋka: In yakəŋ əki tatwãh aka walaŋgəla-metiŋgiŋ dit walaŋgəleɗe nan pak va nənahə. Vi aɓɓəlanənək kiyti ka adaprəmən əpel naw ɓa.

Yeremiya 42:19

Yawe apelik aka wən nokum mənokum məs dəppaŋ na Yuda, kədaddoŋ a Eziptə ɓa, məsən lewlew na, miziwe nawgay də mənokum nənan dəpaŋka.

Yeremiya 43:2

yaŋ Azariya wətən Hosaya, Yohanan wətən Kareya gəm ɗiy məɓaygənən kiyit pak anahaŋ sən Yeremiya na, wən kədawa, Yawe Maŋgəlva nam dəslənuk dawnəh na kədaddoŋ a Eziptə kadasso adak ɓa ɓa.

Yeremiya 44:10

Hã pay dəpaŋka, dəɗiyaŋ marava ɓa, ɗəf tay dəgeslne ɓa, ɗəf tay dədaw aka mahenziŋ ɓa, aka an məziwgin məs nəpsukum abokum gəm abet efiŋgiɗkum ɓa.

Yeremiya 7:26

Ya dəprəmwən ɓa, dəpakən sləmet ɓa, aɓɓəlanənək kiyti. Aɗɗaŋgək mbərayən day ki an net efiŋgiɗti.

Ezekiyel 20:11

Nəpsitik mahenziŋɗe nawa, nərban sitik tiveɗnanziya naw məs ɗəf adaɗɗa dəsangən madaran dənɗaŋ.

Daniyel 5:20

Səza aɓaygən kiynə, aɓɓəlan kiyən hã ndən əkaɓa, məzgani səka mazaŋga na məlĩ nani, məggbukni gagdak nani.

Hose'a 6:5

Vini yi nərge də met məskəleŋɗe, nəbey də əpel na mawa: wətawwən naw wagil pasakə.

Məsdəlveŋge 18:5

Məɓesən mahenziŋ nawa gəm wəyak naw pakə: də əɗɗa wəza dənɗaŋgi yi ɗəf adawsan madarani. Intə Yawe.

Matiye 19:17

Yaŋ Yesu azlan səna: Vimi kəssohow aka zəga moggon di? Takay moggon kaka'ə. An mok aka ətoŋ addəv zeŋgile na, arme mahenziŋɗe.

Luka 10:28

Yesu aɓsən na: Kəzlanək moggoni, aɗɗa vaska, wakəsok modoroko.

Roma 10:5

Vi an Moyis averik aka təstəs məs dəde səza mahenziŋ yaŋka: Ɗəf dəzban mahenziŋ na, wasan madaran dəndən.

Galatiyen 3:12

Mahenziŋ səza ətaf ade ɓa, ya ɗəf dədazbet zəgeɗ na mahenziŋ, wasan madaran dənɗaŋ.

Əmsak aka Mahenziŋ 31:21

pay əray diyɗa də wəzəmsahã tatwãh arəhe, gəlyas wakkpaŋ abet ka miziwe, vi kirtit azgətaŋ na ɗah dəsɗeken ɓa. Vi nəsənək əɗɗum naket dəpaŋka tak nəɓəl ətoŋgit aka dələv məs nəpsit də əswayəŋ ɓa.»

Əmsak aka Mahenziŋ 31:27

Vi nəsənək əɓoŋ nokum də kiyɓəɓəl nokum: gala in tat madaraw dəpaŋ a waloŋkum tagay, kəɓoŋgoŋguk aka Yawe, ya mbari an nəmtək kandi?

Əmsak aka Mahenziŋ 4:26

ya dəpaŋ na nəɗiyik disiŋ də dəlvafuŋ dəkiyaŋ suwəngən wən akokum: Ɓo' way ta' wakəzaŋ də kakara səka dələv kədaggaraŋ ki Yurden kawmõhən ka nokuməŋka, kənziyaŋ na diyɗa adak ɓa: kawzokumi kakãhə.

Mətawaŋwəna 6:10

Nənah sukumək na: intə Yawe, Maŋgəlva nokum, kədaw geslne'eŋ sit meŋgilveɗ net mə Amorɗe məs kəssoŋ aka dələv netiŋ ɓa! Ya kəprəmən maw ɓa.»