Nehemi 9:25 - Bible en Guidar

²⁵ Aziminik walaŋgəleɗe gugriɗe mərka kiyti də dələv an moggoni; amõhinik gəleɗe məknəhit də zəga nawrəha may vovɗe net iŋkile, may megezlembirkeɗi, heremeɗi, may wəleŋɗe ɗiyɗa nawzəma; Azəmaŋka, abaŋka, akəraŋka, assoŋguk addəv ənnek diyɗa vi moggon nok ɗiyɗa naka.

Nehemi 9:25 ပူးပေါင်းရင်းမြစ်များ

1Milyeŋge 14:9

Kəgəɗək mbərayən daykiyit ɗiy en dəssoŋ daabəŋ kiyko: kəmbatək əvot meŋgilveɗ meɓɓet dit zəgeɗkameŋgilveɗi, de' ədan su gədəvwa; naw is firik əzgaw dərɓogoko.

1Milyeŋge 8:66

Aka pay madodopoɗoni Salomoŋ atəraygit ɗiyi. Asɗanənək məlyã, ambataŋgək a gizlirke anetda, zit paparə, də zit ənneke vi moggon an Yawe agəɗ sən Davit, balam nan dit mə Israyelɗe ɗiy nani.

Nehemi 9:35

Yaŋ net addəv əzəm məlĩ net də əba məs kəpsit aka dələv slopprok moggon məs kəɗi abet nak na, dəɗɗaŋ sukun wəza ɓa, dəkkpaŋgaŋ səka zəga naɗɗa net temtem mbəraynəŋ ɓa.

Gəlyaɗe 105:44

Apsitik dəlveŋge net ɗiy-ɗarə; agəmənək ətərwəray na wəza net ɗiy ka neti.

Gəlyaɗe 65:11

Is tat əlɓet barayɗe nani, də wəziyan təki an ɓorzloɓorzlo, is tat əlyuɓun də buna, is tat əzaɓan an dədawgilyeni.

Wənməkkpaŋga 30:9

vi nədawba ka in kawzelok də ənəh na: Naway Yawe di ɓa? Gəm nədakkpaŋ məssãhã in kawhala kawraygən iya na Maŋgəlva naw ɓa.

Isaya 6:10

Akkpaŋgan mekret ɗiyis difsiriki, asuk sləmeti, atip hereti; vi adawlaŋ də heret ɓa, sləmet adaprəm ɓa gəm mekret adawsən gabba zəga ɓa! Vas ɓa na waɗiyaŋ marava kamblaŋgə.

Isaya 63:7

Wanəɗɗumon moggon na Yawe wanəɗi ki Yawe vi an agəɗ səm pakə, agəɗək mbəlembəle diyɗa sit mə Israyelɗe, apsit addəv ulasahã nani, gəm addəv əɗɗa moggon nan diyɗa.

Yeremiya 2:7

Nəkikumuk aka dələv məs guli net wəleŋɗe məzuwaŋgə, kəzəməngən uwa neti də ətərwəray neti. Yaŋ kəzzoŋ kərnokonən dələv nawa, kəkkpaŋganənək dələv nawray naw zəga daryawə.

Yeremiya 31:14

Wanəbet məsdəlveŋge də səlhã, ɗiy naw wabaŋ də zəga vawa Yawe aɗiymani.

Yeremiya 32:23

Yas azzoŋ əmõhuni, ya dəprəmən mok ɓa, dədawaŋ aka mahenziŋ nok ɓa, məs kəɗi sit wən nan naɗɗa pak dəɗɗanən ɓa, yas kəki tatwãhəŋ pak aketi.

Ezekiyel 20:6

Pay dəpas na, nəslanək vawa, nəsway sit nawgilgit səka dələv na Eziptə, kəlaka dələv an nəkay siti, məzimu moŋvo də amama, dələv moggon daykiyit dəlveŋge pakə.

Daniyel 11:24

Aka pay ɗiy tahəŋ kiyit foŋgo, watoŋ addəv kivadələv məs də ba'arə, wagəɗ zəga an efiŋgiɗin dit efiŋgiɗit efiŋgiɗin dəɗɗaŋ ɗah ɓa: wamõhon dəlva, wawɗak zəga nawrəh səma wəgay sit ɗiy nani, wakay keket nawmbat aket walaŋgəleɗe na korgu, ali na an siɗikkeyi ɓa ɓa.

Hose'a 13:6

Əgap net a təki nawzəm ləŋgə, ndəɗaŋ kpe'i, adan abaŋgə, mekret ufkuku, vini azgətaŋ kiywa.

Hose'a 3:5

Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Əmsak aka Mahenziŋ 3:5

Es pak, walaŋgəleɗe gugriɗ məher kiyit də zlava məɓayən hã disiŋ dit maddambaɗe net yom sula də zəga nawsleketti, mbəksa walaŋgəleɗe diyɗa məza məŋɗet ɓa.

Əmsak aka Mahenziŋ 32:13

Aziyik aket gərmeŋge naka dəlva, vi dəzəmaŋgən zəga na mabardaw: azəmgitik amama na popor gərma, gəm də mẽl səddəv hilmisi.

Əmsak aka Mahenziŋ 32:14

Mẽl naka moŋvo net wasliɗe, moŋvo net gilewi, səlhã net timeŋgiɗi, net ndargeyẽɗ zeŋvit na Basan gəm net murgoŋɗe, də haykəmari adawzəmaŋgə; mbazla na megezlembirke adawsaŋgə.

Əmsak aka Mahenziŋ 32:15

Yakob abəka, azəmka; Yesurun asilik ɗoɗloy; akərka, aɗiyək səlhã, ɗiklik ɗikliki azganək Maŋgəlva məs dəzəməɗa, arbə sənək wil sən Milɓe, wəkõh nani.