Nehemi 9:13 - Bible en Guidar

¹³ Yaŋ Kəpirik aka mossorgo metiŋ na Sinay, kəpel dənɗaŋ hã sə disiŋ; kipsit tivenanziya an sarara gəm mahenziŋɗe na gegesiŋ, tiveɗnanziya kəɗiyə gəm an kəɗi moggon temtem naɗɗa.

Nehemi 9:13 ပူးပေါင်းရင်းမြစ်များ

2Milyeŋge 17:37

An aziwgin naɗɗa, dit tiveɗnanziya, mahenziŋ gəm an aɗi naɗɗa, aver vikum kərmeningin pay pakə; kədawgeslne'eŋ sitin meŋgilveɗ meɓɓet ɓa.

Ezra 7:6

Ezra van sə Babilon ade. Məzuver məs dəsən mahenziŋ na Moyis lewlew məs Yawe, Maŋgəlva na Israyel apsəni. Məlĩ apsənək an assohõn pakə, vi va Yawe Maŋgəlva nan tay akani.

Gəlyaɗe 119:137

Yawe, təstəs kənani, wətawwən nok də tiveni.

Gəlyaɗe 119:160

Ki wən nawpel nok gegesiŋgi yi; ətawwən nok pak təstəsi hã faɗə.

Gəlyaɗe 119:4

Istə kəɗi wəsəɓɗe noko vi karmet lewlewi.

Əgilye 16:23

Anah sitik na: «Aski an Yawe anah aka əffete, pay salala naffet na Yawe yi. Mazayni məda an nawda dəde; an nawya duya'ə, muya'a; an nakani, məɗi ka pummo.»

Əgilye 19:11

dəzaɓanəngən zit ammba pay mahoko'o, vi aka pay mahoko'o Yawe waprik aka mossorgo metiŋ na Sinay a maheret ɗiy pakə.

Əgilye 20:1

Maŋgəlva apelik wənəs pak də wənah na:

Əgilye 20:22

Yawe anah sən Moyis: «An kədawnah sit mə Israyelɗe yaŋka: Mənokum sən kiykum kulanənək va nəpel sukum sə disiŋ.

Isaya 64:1

Va offo adawzla maɓəra, va offo adawgəbiɗ iŋkile. Wakərban iya nok azet məzuzelɗe nok vaska. Ɗiy-ɗar wakkereŋ səboko,

Isaya 64:3

Məprəmni ɗah ɓa sləma ɗəf dəprəm ɗah ɓa hara ɗəf dula ɗah na maŋgəlva maɓɓan mə bal suk tay dəgəɗ vas sit məs dəɗiyənən əɗɗum net akan ɓa.

Habakuk 3:3

Maŋgəlva tay əzzan sə Teman, Salala səka mossorgo metiŋ na Paran. Məlĩ nan aknəhək disiŋ, əɗi kiya nan tay əknəh dəlvafuŋ.

Roma 7:16

Ya an, an nəŋgəl nədaɗɗa ɓa, asna nəsənək na mahenziŋ moggoni.

Əmsak aka Mahenziŋ 33:2

Amna: Yawe adek sə Sinay, «va pay səkəla Se'ir, hã səka gərəm na Paran, akekeɓe' ɗiy nani; Adek azet dit maslayɗe diyɗa. Armak mahenziŋ də van dəzəŋ va offo kerkeri.

Əmsak aka Mahenziŋ 4:33

Ɗiy tahəŋ dəprəmaŋ wəla maŋgəlva ɗah dawpel səddak offo va nok kəprəma, ndəɗaŋ ɗew mederet sa?

Əmsak aka Mahenziŋ 4:36

Sə disiŋgi aprəman suk wəlani vi kawyogoko; arban sukuk offo nan metiŋgin aka dəlvafuŋ, səddəv offo kəprəm əpel nani.

Əmsak aka Mahenziŋ 4:8

Ɗiy na dələv metiŋ məwetiŋ məs də mahenziŋɗe gəm dit tiveɗnanziya təstəs, va mahenziŋ nədawyogokuməŋ dəpaŋkəŋ di?

Əmsak aka Mahenziŋ 5:4

Man də mokum Yawe apel sukum aka gərəm səddəv offo;