Nehemi 9:10 - Bible en Guidar

¹⁰ Kəgəɗək zəga narba gəm sekeneɗ aka Farawən may aket gewleɗ nan beymeti gəm aket ɗiy naka dələv nan baymeti. Vi kəsənək na tahəŋ əɗɗa daraw aketi. Kəɗiyək ki iya nok va asan pay dəpaŋkəŋka.

Nehemi 9:10 ပူးပေါင်းရင်းမြစ်များ

Nehemi 9:16

Ya ndəɗaŋ dit efiŋgiɗim pak aɓoŋgoŋko, aɓɓəlanənək kiyti, dəzbanən mahenziŋ nok ɓa.

Nehemi 9:29

Kəsəɓ sitike, vi dəmulyoŋgən aka mahenziŋ noko, yaŋ net adaɗɗaŋ zəga nawkaɓa, dəɓe'eŋ sitin mahenziŋɗe nok ɓa, may dəzbetin tiveɗnanziya nok məs ɗəf adazba ka dəsangən madaran viyit ɓa. Aɓəlanənək kiyti, aktuhunək gəɓeti, dəprəmaŋ ɓa.

Gəlyaɗe 83:18

Wil dədenni, mekret dəzlahgən hã faɗə, dərbaŋgən wili, dəzaŋgə.

Əgilye 18:11

Nəsənək kakaŋ na, Yawe adayək kiyit meŋgilveɗi, arbanək aka mə Eziptiɗ asilyoŋ aket mə Israyelɗe.»

Əgilye 3:20

Vasna wanəslan vaw aka dələv na Eziptə, wanərga dit sekeneɗ temtem məs nədaɗɗa akani. Dərɓaga aska, wappokum kəmbataŋgəni.

Əgilye 5:2

Farawən amna: «Naway Yawe hara nəprəmgən man kappet mə Israyelɗe dəmbataŋgən di? Nəsən Yawe ɓa, ya lah na, nəppet na mə Israyelɗe dəmbataŋgən ɓa.»

Əgilye 7:1

Yaŋ Yawe anah sən Moyis na: «Awle, in tat əɗiyuk Maŋgəlva na Farawən, məlmuk, Aron wasan ka məskəleŋ noko.

Əgilye 9:16

Nəppok madorok hara na: vi karban suk gbogboŋ naw kulagəni, vi iya naw dəbbalgən aka dələv pakə.

Isaya 42:20

Kulaŋgək zəgeɗ diyɗa, kərmenin ɓa hara; sləmokum akolko, kəprəmaŋ ɓa hara.

Isaya 63:12

Ngay məs gagdak nan metiŋgin dəsan aka va dəzəŋ na Moyis nak di? Ngay məs dənter iŋkile səbet ɗiy nani, dəgəɗ iya an faɗ sən ki zən nak di?

Isaya 63:14

Va zəgeɗ memeyẽɗ dawpirkoŋ a walaŋ. Əmpəs na Yawe adapsit əffete. Vaski Yawe adawgit ɗiy nani agəɗ sən kiyən iya gagdaka!

Yeremiya 32:20

Kəɗɗek sekeneɗ dit sesergeɗe aka dələv na Eziptə hã gap va dəpaŋka; a Israyel də aweleŋgit ɗiy meɓɓeti, is tat ərban na nawa kənan di va pay dəpaŋkəŋka.

Ezekiyel 20:9

Nəɗɗa na, vi iya naw adawray ama haret ɗiy-ɗar məs assoŋ aret ɓa yi. Nərbanək zu azet dəsənwəngən ama haret ɗiy-ɗar dawgilgit səka dələv na Eziptə.

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 9:15

Kakaŋ na Daya Maŋgəlva namə, kigilgitik ɗiy nok də va gbogboŋ nok səka dələv na Eziptə, kəɗɗak sləmok agilik va pay dəpaŋka. Məgəɗək mambraya, məraygənəka.

Wəza net Masləŋɗe 7:36

Ndəni dəgilgit də əɗɗa sekeneɗ gəm zəgeɗ naggət aket aka dələv na Eziptə, aka pehe Pepreŋge gəm a kapta-muyã addəv əzva kaklaw poɗo.

Roma 9:17

Vi an Məverin tay ənah sən Farawən na: Nəɗikuk məlĩ nzeɗ vi karban əɓap naw dənduko gəm vi iya naw dəbbalgən aka dələv pakə.

Əmsak aka Mahenziŋ 4:34

Awaniɓa, maŋgəlva tay dəde əyagan igim ɗiy səka dələv net ɗiy meɓɓet ka nan də ula an nazet dit zəgeɗ narban wəna, dit sekeneɗi, də wəlpaɗe, də gbogboŋ na vani, van təlla, də wəgeslne'git ɗiyi, va Yawe Maŋgəlva nokum agəɗ a Eziptə vikum ama horokum sa?

Əmsak aka Mahenziŋ 7:19

Kulak də horok gəbayɗe gugriɗe, sekeneɗi gəm zəgeɗ naggət aketi may van gbogboŋ atəl gala Yawe Maŋgəlva nok agilguko; vaski Yawe Maŋgəlva nok adawgəɗ sit ɗiy en kədawgeslne' sit pakə.

1Piyer 5:5

Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.