Nehemi 8:6 - Bible en Guidar

⁶ Yaŋ Ezra asokon Yawe, Maŋgəlva Metiŋ. Ɗiy pak azlanən na: «Dəsan vaska! Dəsan vaska!» Də əslan vet a disiŋ, aɓe'eŋgi, agdukoŋ aba Yawe hã miŋkinit ne' afuŋ.

Nehemi 8:6 ပူးပေါင်းရင်းမြစ်များ

Va'Atəŋ 14:22

Abram azlan sən məlĩ na Sodom na: «In tat əslan vaw kəlaza Yawe, Maŋgəlva Məsəɗəɗə məs dəzəməɗ disiŋ də dəlvafuŋ;

Va'Atəŋ 24:26

Ɗəf nak agduku, apu' aba Yawe

1Alabaraɗe Də Mabərkiziti 16:36

Soko sən Yawe dəsan Maŋgəlva na Israyel, far lahəŋka hã faɗə. Ɗiy pak dənahaŋgən na: «Dəsan vaska gəm məɗi ki Yawe!»

1Alabaraɗe Də Mabərkiziti 29:10

Davit agagdakanək Yawe daret ɗiy məkkeltiŋ pakə, amna: «Gagdak azoko, Yawe Maŋgəlva na Israyel, afəm an lahəŋka hã faɗə.

1Alabaraɗe Də Mabərkiziti 29:20

Yaŋ Davit anah sit ɗiy dəkkalaŋ pak na: «Məgagdakan Yawe Maŋgəlva nokum haya.» Ɗiy pak agagdakanənək Yawe Maŋgəlva net efiŋgiɗti. Aɓe'eŋke, appu'oŋguk aba Yawe gəm aba məlyã.

2Alabaraɗe Də Mabərkiziti 20:18

Yosafat gbuduk hã məŋkənən afuŋ ne'i, ɗiy na Yuda baymet dit məs dəssoŋ a Yerusalem azbəraŋ afuŋ kapu' aba Yawe;

2Alabaraɗe Də Mabərkiziti 29:10

Gəgaŋ na, maw aka inan wənmiyna də Yawe Maŋgəlva na Israyel, vi henzil offo nawda gədəv nan dəkkpaŋgən səkamə.

2Alabaraɗe Də Mabərkiziti 29:30

Yaŋ məlĩ Hizkiya dit ɗiy gugriɗ anəhaŋ sitin mə leviɗe dəgagdakanən Yawe, də əpel na Davit gəm na məwəl helik Asaf. Agagdakanən də wənneke gəm agdukoŋ appu'oŋgu.

2Alabaraɗe Də Mabərkiziti 6:4

Amna: «In tat əgəɗ sən soko sən Yawe, Maŋgəlva na Israyel məs dəpel də man sən afu Davit, yaŋ aknahan an apeli.

Nehemi 5:13

Nəttu' gabba lukut nawa, yaŋ nəmna: «Vaŋki Maŋgəlva adattu' ɗəf məs dəzban əpeləŋ ɓa səddəv gəla nani, faraɗa səza arya nani; vas adattu'ən mbagən bartata!» Wəkkal dəwənnan pak azlan na: «Dəsan vaska! Aɗinənək ki Yawe!» Ɗiy aɗɗanənək va əpeləska.

Nehemi 8:7

Mə leviɗe Yosuwa, Bani, Serebiya, Yamin, Akkub, Sabtay, Hodiya, Maseya, Kelita, Azariya, Yozabad, Hanan gəm Pelaya dədaprəman sitin mahenziŋ sit ɗiyi. Ɗiy pak a gəlet ziwziwi.

Gəlyaɗe 134:2

Məslan vokum dəza gəla na Maŋgəlva, məfet aka Yawe.

Gəlyaɗe 141:2

Wəkkam naw dəsan abok va tursan, vaw an nəsilgəni, agilik va əvəl na moskoyo.

Gəlyaɗe 28:2

Aprəm wəlaw nakkama pay nədawhəm suko, pay nədawslan vaw dəmmba təki addəv gəla noko.

Gəlyaɗe 41:13

Vi təstəs naw gəraki kədawziwguwa, kəɗiwək abok hã ka faɗə.

Gəlyaɗe 63:4

Vi moggon nok adayək ki zeŋgile, metteɓ maw walvoko,

Gəlyaɗe 95:3

Vi Yawe Maŋgəlva metiŋgini, məlĩ metiŋgin aket meŋgilveɗ pakə.

Əgilye 12:27

Kənahaŋgən na: Əzaɓ-Maŋgəlva na Pak sən Yawe məs dətoŋ dəka kigəla net mə Israyelɗe a Eziptə, gala abey ɗiy na Eziptə, akõhgit gəleɗe nam yi.» Yaŋ ɗiy aɓe'en appu'oŋgu.

Əgilye 4:31

Ɗiy atafənək wən nani. Aprəmənək na Yawe akək wən ammbet mə Israyelɗe, awlak ərba wil neti. Ndəni agdukoŋ appu'oŋgu.

Yeremiya 28:6

Dəsan vaska, kəta Yawe dəɗɗa vaska, kəta Yawe dəknahan əpel nok məs kəgəɗ kəleŋ akan nawmilgit zəgeɗ naddəv gəla na Yawe gəm ɗiy məsimgit a Babilon hã a təkiyəŋka, məskəleŋ Yeremiya anahə.

Əɓuhma 3:41

Məkkam də makram pak də ətəl vam sulagən sən Maŋgəlva na disiŋ.

Məsdəlveŋge 9:24

Offo agilik səba Yawe azlak əvəl nawzla kurmbuɗuku gəm səlhã naka matuya. Ɗiy pak awlanənka; aŋzlaŋgək vaŋvəl sən ənneke yas appu'oŋ afuŋ də ma gidifti.

Matiye 26:39

Ndən mbat abe siɗikke, ndən ŋgom də magədəvən aka dəlvafuŋ əkkama, yaŋ amna: Afuwa, va wagəɗ na, azargət huloŋguk na əzəm sahã kəŋ səzawa. Də as pak na, adaɗɗa va nəŋgəl ɓa, dəgəɗ va an kəŋgələ.

Matiye 6:13

Akõhgəm səddəv əraka. Ya agilgəm səddəv mbərayən. Vi məlĩ noki də gbogboŋgo də gagdaka, hã faɗə. Amen.

1Korintus 14:16

Ya an is tat əfet aka Maŋgəlva də əmpəsa, ɗəf an ɗar na waloŋkum dəpas mbar adawzlan Amin ammba əfet nok di? Adan dəsən an kədawpel ɓa di?

Efesus 1:3

Soko sən Maŋgəlva Afən Daya nam Yesu Kristu. Ndəni dəzaɓam də əzaɓ na əmpəs tutu' sə disiŋ addəv Kristu.

1Timote 2:8

Nəŋgəl kan na, a təki pak ɗiy mezeŋleket dəkkamaŋ də əslan vet salala a disiŋ, məza də ədagədəv ɓa, məza də əgay ɓa.

1Piyer 1:3

Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,

Hənhən 7:11

Maslayɗe dəssoŋ ziwziw tərwəsl ki mazaŋga na məlĩ dit ɗiy gugriɗe gəm zəgeɗ memeyẽɗ poɗo nek azbəraŋgək aba mazaŋga na məlĩ mirbizit afuŋ ne', agagdakanənək Maŋgəlva.