Nehemi 8:16 - Bible en Guidar

¹⁶ Yas kan ɗiy addoŋgu, akiyaŋgə; azeɓnin guɗukɗe net naway pak aka an nan a daŋgla ananda, may a daŋgla na Gəla na Maŋgəlva, may a təki naba metive net Iŋkile, may a təki naba metive na Efrayim.

Nehemi 8:16 ပူးပေါင်းရင်းမြစ်များ

2Samiyel 11:2

Də moskoyo, Davit asilik səka zəga nawvoŋ nani, tay əbbal aka təgbalka na məlyã. Ndən təm guluk səka gəla tat əslslaya. Guluk vat Lalawəktə diyɗa.

2Milyeŋge 14:13

Yo'as, məlĩ na Israyel, ampanək Amatsiya məlĩ na Yuda, wətən Yohakaz, dəhən Akaziya, a fərsəna a Betsemes, ndən pay a Yerusalem, aɓliw zlava na Yerusalem gap ammba metir səkat sula, təŋ səza maddamba na Efrayim hã mgbusl aza maddamba nawdoɗo.

2Alabaraɗe Də Mabərkiziti 20:5

Yosafat asanək dit ɗiy na Yuda gəm na Yerusalem addəv gəla na Yawe haran sek aka daŋgla meleketen na gəla vani,

2Alabaraɗe Də Mabərkiziti 33:5

Arkək matuyaɗe sit məzəlpaŋ na disiŋ a daŋglaɗe sulegit na gəla na Yawe.

Nehemi 12:37

Əgap net a maddamba net iŋkile miyma na, ndəɗaŋ heret sek əpeŋ wəlaŋ maha na walaŋgəla na Daviti; azbanən dəka ki zlava vani, də təki asan zollo day ki gəla na Davit, addoŋ hã a maddamba net iŋkile, dəmmba pay nampum na walaŋgəla.

Nehemi 12:39

mətoŋguk dəka maddamba na Efrayim, dəka maddamba na Yesana gəm dəka maddamba net kilfi; gəm dəka gəla məɓayən na Hananeyel gəm dəka gəla məɓayən adawyaŋ na, gəla net səkatɗe, mənam toŋ ki maddamba net timeŋgiɗ muguluŋgiti, miziw a maddamba nawga.

Nehemi 3:26

məɗɗaŋ wəzeɗe meɗmeɗ naddəv gəla na Maŋgəlva dəsoŋ a Ofel dəzaɓanən hã gap aza metive net Iŋkile dəmmba pay nampum aba gəla məɓayən məs dəgil zollo.

Nehemi 8:1

Ɗiy pak akkalaŋgək va ɗəf təttaka a təki naba metive net iŋkile, anəhaŋ sənən məzuver Ezra dəki ɗerewel na mahenziŋ na Moyis, məs Yawe aɗi wən nan sən Israyel.

Nehemi 8:3

Aŋɗanək ɗerewel van aba təki na metive net Iŋkile, təŋ də mompumo hã gap tətaŋ pay abet zeli, gili, gəm en nawɓap əprəmaŋgə. Sləmet ɗiy pak asanək pakpak ammba əŋɗa na ɗerewel na mahenziŋ.

Yeremiya 19:13

Gəleɗe na Yerusalem, gəleɗe net milyeŋge na Yuda wassoŋ mərnokit va Tofet gəm gəleɗe məs azlaŋ tursan sit məzəlpaŋ na disiŋ a təki məs afloŋgun mbazla nawpesl net sit meŋgilveɗ meɓɓet pakə.

Yeremiya 32:29

Mə Kaldiyeɗ watoŋgoŋ əlpa də walaŋgəla-metiŋginiŋka, waɗisənən offo, wazlətin gəleɗe məggbo'o məs adawzlaŋ tursan aket sən ba'al, aggbo'oŋguk mbazla kawpesl meŋgilveɗ meɓɓet vi kawdan su gədəvwa.

Əmsak aka Mahenziŋ 22:8

An is tat ərka gəla meleketeni, kərkəgən təki zeŋzeŋ amani, vi an ɗəf abətək səkan na, mbel nan adakkpaŋgaŋ akok ɓa.