Nehemi 7:70 - Bible en Guidar

⁷⁰ Migil gəla aɗiyaŋgək koɓeɗ na meleŋge gabal kaklaw sula 20 000 gəm təbəz babar gabal sula də səkat sula 2 200,

Nehemi 7:70 ပူးပေါင်းရင်းမြစ်များ

1Milyeŋge 7:45

Ŋgefleŋɗe, ziginɗe gəm kasliɗe, naksu' mbeli. Zəgeɗ Huram agəɗ sən məlĩ Salomoŋ addəv Gəla na Yawe pakə, na təbəz pepreŋ məkkẽhtin.

1Alabaraɗe Də Mabərkiziti 28:17

Təbzeŋge mayorkokɗe nawzəma, hiŋgiɗ naksu' zəga, hiŋgiɗ na meleŋge saksak va gagdak na hĩlĩw asan pakə, net hingiɗ na təbəz babara, va gagdak na hĩlĩw asani:

2Alabaraɗe Də Mabərkiziti 4:11

Huram agrakək əzeɓ mesteɓeɗi, ziginɗe nawnda moŋglo may hiliŋgiɗ nakso' zəga, yas agrakək wəza net zəgeɗ nawgəɗ sən məlĩ Salomoŋ addəv Gəla na Maŋgəlva:

2Alabaraɗe Də Mabərkiziti 4:8

Azaɓək tabəlɗe kəlawə, aɗi addəv Gəla na Maŋgəlva, sle' dəka dəzəŋ, sle' dəka zlaɓay. Azaɓək hiliŋgiɗ na meleŋge səkatə.

Nehemi 10:1

Vi an dəgəɗəs pak kan na, məslerik də əziwgin mam taŋtaŋ nawver wən nan dəveri. Milyeŋge namə, mə Leviɗe namə dit məsdəlveŋge namə, aɗiyənək vet aka ɗerewel məverin vanəska.

Nehemi 7:65

Daya nakki vadələv aɓsit na, adawzəmaŋ zəgeɗ en salala ɓa, məsdələv dədegən tagayɗa ətawanwən nan də Urim gəm Tummim.

Nehemi 7:69

Migil gəla tahəŋ məs dəɗiyaŋ əvəl net vi narka gəla na Maŋgəlva. Daya nakki vadələv aɗiyək koɓeɗ na meleŋge gabal 1 000, hiliŋgiɗ na mahenziŋ kaklaw sle' 50, lukutɗe net məsdəlveŋge səkat sle' də kaklaw hoku 530.

Nehemi 7:71

Madambirgit mə Israyelɗe aɗiyaŋgək koɓeɗ na meleŋge gabal kaklaw sula 20 000, kilo na təbəz bəbar gabal sula 2 000 gəm lukutɗe net məsdəlveŋge kaklaw sləre kiyit buhul 67.

Nehemi 8:9

Yaŋ daya nakki vadələv adawyaŋ Nehemi, Ezra məsdələv məzuvere gəm mə leviɗe məzərbaŋ-zəga sit ɗiy nek apeleŋ sit ɗiy pak na: «Wəsɓəta dəpaŋkəŋ sən Yawe Maŋgəlva nokum arbə. Kədassoŋ na gəlabay ɓa, kədawhəmaŋ ɓa, vi ɗiy pak tahəŋ əhəmaŋ daprəm əpel temtem na mahenziŋ naka!»

Əgilye 12:22

Kəgəməngən Isop minan ndiɗi, kəyopnəngən aret mbel naddəv kasliya, kəppay sənəngən ki maddamba gəm wəleŋɗe na maddamba maŋgava dahãdahã, ya nokum na ɗəf adawgilyen siŋgil ananda ɓa, hã təki dadaŋgə.

Əgilye 24:6

Moyis agəmək wəɗak net mbeli, azi addəvit hiliŋgiɗ nawsa zəga; madembirgit mbel na, aksu' sənək matuya.

Yeremiya 52:19

Daya net məzugaŋ nak andek məzaŋzaŋɗe, masərgeɗ dit hiŋgiɗ naksu' zəga dənɗaŋ, ngefleŋ, zəgeɗ nawɗi lalam aketi, maɗiyeɗi, margeɗi zəgeɗ dəssoŋ na meleŋge may na təbəz babara pak daya net məzugaŋ nak andeke.