Nehemi 7:1 - Bible en Guidar

¹ Səza zlava avãhə̃, nimpe maddambeɗe, ndəni məwel məgaŋ maddambeɗe, məyaŋ gəlya gəm mə leviɗe aka wəza.

Nehemi 7:1 ပူးပေါင်းရင်းမြစ်များ

2Milyeŋge 7:10

Azzoŋ eyenin məgaŋ maddamba na walaŋgəla-metiŋ, aprəman sitini, aɓɗaŋ na: «Mətoŋguk a dibirgidik net mə Aramɗe, ɗəf tay adak təttaka ɓa, ɓaɓəlma ɗəf tay ŋgbulu' adak ɓa; abbər ki pilseŋge dit korɗe miyneti, gəm gizlirkeɗe məppeti.»

2Alabaraɗe Də Mabərkiziti 31:2

Hizkiya azaɓanək wəza na ŋgaɓa net məsdəlveŋge dit mə leviɗe, apsən wəza naɗɗa sən ɗəf pak addəv ŋgaɓa nani; məsdəlveŋge dit mə leviɗe dədazgaŋ sləma aka əvəl nawzla kurmbuɗuk gəm nawda ammba əslere, awaniɓa aka wəza naɗɗa aba Yawe dəwəlsən gəlya may əɗi kiyən a maddembeɗe net dibirgidikɗe na Yawe.

Ezra 3:8

Dukki na wəzva məs agapaŋ addəv Gəla na Maŋgəlva a Yerusalem, aka təla masulani, Zorobabel, wətən Salatiyel, də Yosuwa, wətən Yosadak, dit madembirgit milmiŋgiɗti, məsdəlveŋge, mə leviɗe, dit ɗiy dəmndoŋ a Yerusalem səka balam pak, atəŋ əɗinin mə leviɗe məs wəzva net kaklaw sula əmbat abe a gəlet vi nawdawgən wəza naddəv Gəla na Yawe.

Nehemi 10:39

Məsdələv an zev Aron dəsangən dit mə leviɗe pay adawgəmnən makəlaw na zəga. Mə leviɗe dəgəmaŋgən makəlaw na makəlaw na zəga, dəɗiynəngən addəv gəla na Maŋgəlva namə, addivit tuzoŋɗe na gəla na arya.

Nehemi 11:3

Deyeɗe na kivadələv en dəssoŋ də gəla a Yerusalem yeŋki. A walaŋgəleɗe gugriɗ na Yuda na: Assoŋguk də gəla naway pak aka təki nani, a walaŋgəla-metiŋ nani: Israyel, məsdəlveŋge, mə leviɗe, məɗɗaŋ wəzeɗe meɗmeɗ addəv gəla na Maŋgəlva gəm kirtit məɗɗaŋ wəza na Salomoŋ.

Nehemi 12:24

Deyeɗe net mə leviɗe, anet may Hasabiya, Serebiya gəm Yosuwa wətən Kadmiyel, assoŋguk amaheret mə leviɗe, vi karga veti, may kawgagdakan Maŋgəlva, an pay na wəza net agapka; adaɗɗaŋ vasna, kazban məs Davit ɗəf na Maŋgəlva arbani yi.

Nehemi 6:1

Səza Sanballat, Tobiya, Gesem mə Arab dit madambirgit məzuzelɗe nam aprəmnən na nərkak zlava, tay dəmbər foŋgo azan ɓa, aka dəpas na nimpe maddembeɗe a met metiveɗ tagay ɓa:

Nehemi 6:15

Zlava avãhə̃k də əvoŋ makaklaw sula kiyən sle'en na təla na Elul, agəɗək əvoŋ kaklaw sle' kiyən sula.

Nehemi 6:19

Gəm ndəɗaŋ əpeleŋ wən moggon akan abawa. Ndəɗaŋ əkasənən əpel nawa. Tobiya kan əslən ɗereweɗe nawgeslne' guwəni.