Nehemi 6:7 - Bible en Guidar

⁷ Əmpa na, kəɗiyək məskəleŋɗe a Yerusalem dəŋzlaŋgən vaŋvəl aka wən nok də ənəh na: Məlĩ tay a Yuda kana! Gəgaŋka məlĩ adaprəm va məpel temteməska. Yaŋkəŋ na, ade məzgəgən meŋ awalaŋmə.»

Nehemi 6:7 ပူးပေါင်းရင်းမြစ်များ

1Milyeŋge 1:18

Yaŋ kakaŋ na Adoniya akkpaŋgək məlyã, məza daya naw məlĩ əsənən akan ɓa!

1Milyeŋge 1:25

Vi aprikik dəpaŋ a En-Rogel ataw wəlet medgeɗgeɗe, kirit wasliɗe məkirit dit timeŋgiɗ diyɗa, ayek kirtin məlĩ pakə, deyeɗe net məzəlpaŋgə, gəm məsdələv Abiyatar; yaŋ tay əzəmaŋgə, tay əsaŋ abani, ənəhaŋ na: “Məlĩ Adoniya dəsan faɗə!”

1Milyeŋge 1:34

Adaki məsdələv Sadok də məskəleŋ Natan adappay sənən mẽl nawɗiyən aka məlĩ na Israyel, vasna, kəffonəngən gozloro, kəŋzlaŋgən vaŋvəl na: “Məlĩ Salomoŋ dəsan hã faɗə!”

1Milyeŋge 1:7

Adoniya van azəmək meŋ də Yo'ab, wətət Seruya, gəm məsdələv Abiyatar, yaŋ azzoŋ askaŋ sənəni.

Nehemi 6:6

Məverin addəvən na: «Ɗiy pak aprəmənka, Gasmu pak tay əpelin na: Isi dit mə Yudeɗ na, mənokum tat iynan nawɓoŋgo, ndəni kədarka zlavaŋka. Va əzban əpel vanəs na, istə kan kədakkpaŋ məlĩ neti.

Nehemi 6:8

Yaŋ nəslən sən də ənəh na: «Tay dəgil va əpel kədawpel pakəs ɓa, dəkiyuk kədawtawən.»

Wəza net Masləŋɗe 23:15

Kakaŋ kan na, munokum dit ɗiy gugriɗ net mə Yudeɗi, mənah sən daya net məzəlpaŋ gabal nak dəkigən Pol azokum, gəɗe va mokum aka əprəm wən nan əmpa. Ya nam tak adawgap na məslak zəm nawbayən.