Nehemi 6:12 - Bible en Guidar

¹² Nulak na, Maŋgəlva dəslən ɓa, kəleŋ məs agəɗ akawəŋ na, Tobiya də Sanballat dəfaɗnəni.

Nehemi 6:12 ပူးပေါင်းရင်းမြစ်များ

Nehemi 6:11

Yaŋ nəzlansən na: «Ɗəf va inəŋ na, kanzan sa? Ɗəf va in awani nazzan ətoŋ addəv gəla na Maŋgəlva kawsan madaran di? Naw nətoŋ na adak ɓa.»

Nehemi 6:13

Afaɗən vasna, vi nəgeslne'gəni, nəgəɗgən vaska, nəgəɗgən mbərayən. Wakkpaŋ azet ka iya mbərayən, karbaŋ səwən wili.

Isaya 56:11

Kirɗe məs memeyẽɗiŋgə awbaŋ ɓa. Məzuteɗeŋgeŋgə, ya zəga tay asənaŋ ɓa, naway pak əzban tive nani. Naway pak tay əkayan ərəh nan kaka'ə.

Yeremiya 14:14

Yawe azlan suwək na: Məskəleŋɗe wən adawaŋ də iya nawa. Nəslin ɓa, wən tay məs nəɗi sit naɗɗa ɓa. Nəpel sit ɓa. Wən ɗar adawlaŋgə, əpel mekeleŋgi, mekret dədawmbəɗet nawgəɗ sukum kəleŋ!

Yeremiya 23:16

An Yawe Məzuɓappak anah yaŋka: Kədaprəmən əpel net məskəleŋɗe ɓa en məzupeleŋ sukumən va məskəleŋɗeŋ na əza adawzokumuni, əɗɗum na mekret adawpeleŋgi səmaw in Yawe yi ɓa.

Yeremiya 23:25

Nəprəmək an məskəleŋɗe anahaŋgə. Məzupeleŋ va məskəleŋɗe də iya naw də uwawən dawnəh na: Nissinik na, nissinik na!

Yeremiya 28:15

Yaŋ məskəleŋ Yeremiya anah sən məskəleŋ Hananiya na, aprəm kana Hananiya, Yawe dəslənuk ɓa, yaŋ nok kəɗɗa ka ɗiyəŋ dəɗiyəŋgən əɗɗum net aka uwawəna.

Ezekiyel 13:19

Mənokum ərnokowən abet ɗiy nawa. Ammba kawrəh hay vokum zloŋ gəm way pəɗaw mənokum əbey ɗiy naw en nawbayəŋ ɓa, əppetin en nappaŋ ɓa, uwaŋ wən sit ɗiy naw dəŋglaŋ əprəm uwa wəna.

Ezekiyel 13:22

Vi mənokum tat əmtanən makra ɗəf an təstəs dit tepelkeɗi, dəka naw nəŋgəl sən tatwãh ɓa, yaŋ kədasɓanən məsdaraw vi adappan ədaw nan mbərayən ka kawmbəlgən ɓa.

Ezekiyel 13:7

Ula nawmbəɗ kulaŋ ɓa sa? Helik na hĩyãw kəskaŋgə, kənahaŋ na: Əpel na Yawe yi, ya naw nəpel ɓa.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Wəza net Masləŋɗe 20:33

Nəsim təbəz babara, meleŋge, awaniɓa lukut na ɗəf ɓa.

1Korintus 12:10

Sən ɗəf maɓɓani, tay əpsən əɓap naɗɗa sekeneɗi, sən ɗəf maɓɓani, əɓap naɗɗa kleŋ. Sən ɗəf maɓɓani, əpsən uɗakan Əmpəs na Maŋgəlva də əmpəs an ɗarə. Sən ɗəf maɓɓani, əpel də ma məs məsəni ɓa, sən ɗəf maɓɓani, əman ma məs məpelin.

1Korintus 2:15

Ɗəf də Əmpəs na Maŋgəlva, wakoson zəga pakə, ya nan ɗəf tay nawkoson an nazan ɓa.

1Timote 3:3

Adawsan ɗəf məs dəppan ki zən sən mbazla ɓa, adawsan məŋgəl əgay ɓa, dəsan makran zayə, adawsan məkaymama ɓa, awaniɓa məŋgəl deleɗ diyɗa diyɗa ɓa.

Titus 1:7

Vi aslək məzutaɗa net məkristuɗe dəsangən məza də wən akan ɓa, vi ndəni məzudawgən wəza na Maŋgəlva. Adawsan ɗəf məzukaɓ ɓa, mədəgədəv ɓa, dəppan kiyən sən mbazla ɓa, məŋgəl əgay ɓa, məs mamayã na ərəh net wil ɓa.

1Piyer 5:2

Mətaɗ ngaɓa na Maŋgəlva məs apəl sukum, də əzga sləma akani məza addəv gagay ɓa də əŋgla na mokrokum va Maŋgəlva aŋgələ; məza də mamayã narəh deleɗ ɓa, ya də əppan sən kizukum.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Hənhən 18:13

Gəm honogo gəm sitaɗe nenekɗe, mẽl nappaya, tursan na mirra gəm tursan na gaŋgəlya, mbazla net wəleŋɗe gəm mẽlẽ, gəpa kukuɗo gəm haykəmari, wasliɗe gəm timeŋgiɗi, pilseŋge gəm mawteɗ net pilseŋge, belemɗe gəm ɗiy mərmeti.