Nehemi 6:1 - Bible en Guidar

¹ Səza Sanballat, Tobiya, Gesem mə Arab dit madambirgit məzuzelɗe nam aprəmnən na nərkak zlava, tay dəmbər foŋgo azan ɓa, aka dəpas na nimpe maddembeɗe a met metiveɗ tagay ɓa:

Nehemi 6:1 ပူးပေါင်းရင်းမြစ်များ

Nehemi 13:4

Lahəŋ na, məsdələv Eliyasib məwel dəzgəgən sləma aket gəleɗe nakkalan zəga naddəv gəla na Maŋgəlva namə, həlfən Tobiya na gugo,

Nehemi 2:10

Sanballat mə Horon gəm Tobiya mə Ammon dəsan daya na wəza aprəmənka, ya dəlsit nek ta'sa ka ɗəf dəɗɗumgən ammba moggon sit mə Israyelɗe ɓa.

Nehemi 2:19

Adan may Sanballat mə Horon, də Tobiya mə Ammon ɗəf naka wəza gəm mə Arab adawyaŋ Gesem aprəmən na, yaŋ amasaŋ akamə; adawlaŋ azam də əzelemə, yaŋ aɓɗaŋ na: «Mə zəga miy aŋ kədaɗɗaŋgəŋ di? Aka məlĩ kədawɓoŋgoŋ sa?»

Nehemi 3:1

Daya net məsdələv Eliyasib asilik sap dit hilfiŋgiɗin en məsdəlveŋge, arkanən ma Gazlaŋ net gilewi, apeslnəni, ampenin maddambeɗe nani, apeslnən kan hã aza gəla adawyaŋ gəla məɓayən na Səkat hã gap gəla adawyaŋ gəla məɓayən na Hananeyel.

Nehemi 3:3

Metive net kilfeŋge na, ɗiy na Ha-Sena'a dərkanəni; ndəɗaŋ dəkkpa'nəni, ampenin maddembeɗe nan dit zəgeɗ nawkəɗəslən gəm nawslakatən.

Nehemi 3:6

Yoyada wətən Pase'ah gəm Mesulam wətən Besodiya dəzaɓanən Metive məzvan. Ndəɗaŋ dəkkpa'nəni, ampenin maddambeɗe nani gəm zəgeɗ nawkəɗəslən dit en nawslakatən.

Nehemi 4:1

Adan may Sanballat, Tobiya, Arabɗe, mə Ammonɗe dit mə Asdodɗe aprəmnən na ərka na zlava na Yerusalem tay əɓaya, may an viŋviŋ tay ətəŋ əsuko na, herɗe aɗɗennik diyɗa.

Nehemi 7:1

Səza zlava avãhə̃, nimpe maddambeɗe, ndəni məwel məgaŋ maddambeɗe, məyaŋ gəlya gəm mə leviɗe aka wəza.

Daniyel 9:25

Asən kana, aprəm gabbani: Səza əpel agil nawmilye vi karkan Yerusalem hã gap aza wəzza na mesiya na, wəzva buhul təl buhul wagəɗə. Dərɓaga wəzva buhul təl kaklaw sləre kiyən sula na, karkani walaŋgəla-metiŋ də zlava nani, ya pay nan watoŋ də tatwãh diyɗa.