Nehemi 4:8 - Bible en Guidar

⁸ Səza nəsəŋgləketi, in le'i, nəɓsit ɗiy na məlĩ dit mətawaŋwəna gəm madambirgit ɗiy na: «Geslne adukum sit ɓa! Məɗɗumon Daya metiŋgin məs dədah nawgeslne' sən diyɗaŋka! Məgay ammbet milmiŋgiɗkum, kirtukum mezeŋgleket dit muguluŋgiti, gil nokum gəm gəleɗe nokum.»

Nehemi 4:8 ပူးပေါင်းရင်းမြစ်များ

2Samiyel 10:12

Ampa təlko, mərbəgən gboŋgboŋ ammbet ɗiy namə, viyit walaŋgəleɗe gugriɗ na Maŋgəlva namə. Yawe dəɗɗa an dəsan lew ama harani.»

2Alabaraɗe Də Mabərkiziti 32:7

«Məsok zukum, məmpa təlkum; kəgeslne'eŋ ɓa, mokrokum azlah ɓa, geslne' adukum sən məlĩ na Asiri də dula nammban ɓa. Vi an dəsan də mənam adayək ki an dəsan dəndəni:

Nehemi 1:5

nəmna: «Kamə, Yawe Maŋgəlva na disiŋ, Maŋgəlva metiŋ, məs dəgap nawgeslne' səni, məzərma wənmiyna də əɗɗa moggon azet ɗiy en dəŋglunəni gəm en dərmanən wən nan məs aɗiyə.

Nehemi 4:7

Yaŋ kan nəso' təki afuŋ dəɓɓa zlava appaka, nəziwgit ɗiy adak aza məlma na zit dit masalamɗe neti, tulhoŋge may bəleɗe neti.

Yeremiya 20:10

Vi in tat əprəm əpel mbərayən sə met ɗiy diyɗa; əyəwən na: «Geslne tərwəslə.» Məssak akani, waməssak akani. Bayneŋgiɗu pak tahəŋ heret ɗəhərra ammba əzlzlaɓ nawa, kuzuŋ wappan zən sən ərak soko, məskagən wəlani, məmpəlgən kiya.

Daniyel 9:25

Asən kana, aprəm gabbani: Səza əpel agil nawmilye vi karkan Yerusalem hã gap aza wəzza na mesiya na, wəzva buhul təl buhul wagəɗə. Dərɓaga wəzva buhul təl kaklaw sləre kiyən sula na, karkani walaŋgəla-metiŋ də zlava nani, ya pay nan watoŋ də tatwãh diyɗa.

Əmsak aka Mahenziŋ 1:29

Nənah sukum na: «Kədakkereŋ ɓa, kəgeslne'eŋ viyit ɓa!