Nehemi 3:1 - Bible en Guidar

¹ Daya net məsdələv Eliyasib asilik sap dit hilfiŋgiɗin en məsdəlveŋge, arkanən ma Gazlaŋ net gilewi, apeslnəni, ampenin maddambeɗe nani, apeslnən kan hã aza gəla adawyaŋ gəla məɓayən na Səkat hã gap gəla adawyaŋ gəla məɓayən na Hananeyel.

Nehemi 3:1 ပူးပေါင်းရင်းမြစ်များ

Nehemi 12:10

Yosuwa dəwa Yoyakim, Yoyakim dəwa Eliyasib, Eliyasib tam Yoyada,

Nehemi 12:30

Məsdəlveŋge dit mə leviɗe dətəŋnən əbbur ziti. Siske abburin ɗiy pakə, səɓɓan kan apeslnin maddambeɗe də zlava naka walaŋgəla vani.

Nehemi 12:39

mətoŋguk dəka maddamba na Efrayim, dəka maddamba na Yesana gəm dəka maddamba net kilfi; gəm dəka gəla məɓayən na Hananeyel gəm dəka gəla məɓayən adawyaŋ na, gəla net səkatɗe, mənam toŋ ki maddamba net timeŋgiɗ muguluŋgiti, miziw a maddamba nawga.

Nehemi 13:28

Taka səret kirtin Yoyada wətən daya net məsdəlveŋge Eliyasib, zələt wətən Sanballat mə Horon. Nan nərɓahan faraɗa səzawa.

Nehemi 13:4

Lahəŋ na, məsdələv Eliyasib məwel dəzgəgən sləma aket gəleɗe nakkalan zəga naddəv gəla na Maŋgəlva namə, həlfən Tobiya na gugo,

Nehemi 3:20

Səban nanəska, Baruk wətən Zakkay, dəzaɓ bərzləŋ masula'ən zən soksok təŋ səka ədoɗ nan hã gap a meŋgle na Eliyasib daya net məsdəlveŋge.

Nehemi 3:21

Balsən əmpa, Meremot wətən Uriya wət Hakkos dəzaɓan bərzləŋ nan masula'ən təŋ sə meŋgle na Eliyasib hã a metteɓ ma gəla nani.

Nehemi 3:32

Awalaŋ giziŋ gəla məzarŋgasla, naka əŋzla na zlava də metive net Gilewi, Məhə̃saŋ meleŋge dit məmanən vet dəzaɓanəni.

Nehemi 6:1

Səza Sanballat, Tobiya, Gesem mə Arab dit madambirgit məzuzelɗe nam aprəmnən na nərkak zlava, tay dəmbər foŋgo azan ɓa, aka dəpas na nimpe maddembeɗe a met metiveɗ tagay ɓa:

Nehemi 7:1

Səza zlava avãhə̃, nimpe maddambeɗe, ndəni məwel məgaŋ maddambeɗe, məyaŋ gəlya gəm mə leviɗe aka wəza.

Gəlyaɗe 30:1

Gəlya nawkol ma gəla: Gəlyanalva na Davit.

Gəlyaɗe 48:12

Mossorgo metiŋ na Siyon tay ənneken zəni, walaŋgəleɗe gugriɗ na Yuda, tahəŋ əɗɗəlaŋ vi wətawwən nok temtemi!

Wənməkkpaŋga 3:6

Tive an kəgəm pak, asən na tay, nan wakkpeŋget tiveɗ nok sarara.

Wənməkkpaŋga 3:9

Aɗi ki Yawe də zəga voko, də zəga an daabəŋ na zev ərəh nok pakə.

Yeremiya 31:38

Pay tay əzzani, Yawe aɗiymani, karkani walaŋgəla-metiŋ sən Yawe təŋ səza gəla məzargasla na Hananeyel hã gap aza metive na bezler.

Daniyel 9:25

Asən kana, aprəm gabbani: Səza əpel agil nawmilye vi karkan Yerusalem hã gap aza wəzza na mesiya na, wəzva buhul təl buhul wagəɗə. Dərɓaga wəzva buhul təl kaklaw sləre kiyən sula na, karkani walaŋgəla-metiŋ də zlava nani, ya pay nan watoŋ də tatwãh diyɗa.

Zakarya 14:10

Dələv pak wakkpaŋ mukuro, təŋ sə Geba hã gap a Rimmon, a dohoŋ na Yerusalem. Yerusalem wasili, ɗiy wassoŋ də gəla a gəleti, təŋ sə maddamba na Benyamin hã gap a maddamba məzvani, gap aza maddamba na bezler, təŋ səza gəla na zəray na Hananeyel gap aza təki nawɗot megezlembirkeɗ na məlyã.

Yohanna 5:2

A Yerusalem adak vani, bobok tay məɗɗa məs adawyaŋ də ma Ibri na Betzata tay go'o də maddamba net timiŋgiɗi, mətərwəsl kiyən dit genzekɗe sle'i.

Əmsak aka Mahenziŋ 20:5

Məzuvereŋ dəpeleŋ sitin ɗiy dənahaŋ na: «Ɗəf tay dərkə gəla meleketen sərokum dəkol man tagay ɓa sa? Dəmndan ananda, vi adamta ama wəgay ɗar ɗəf maɓɓan kawgəm gəla van ɓa.