Nehemi 2:3 - Bible en Guidar

³ Yaŋ nəɓsən məlĩ na: «Kəta məlyoffo dəsan egge hã faɗə! Nəsawna so'or so'or ɓa mbar əmpa di? Walaŋgəla-metiŋ məs magamasɗe net efiŋgiɗu assoŋ adak tay əkkpaŋ kiməskiya, may maddembeɗe na man pak offo azimike!»

Nehemi 2:3 ပူးပေါင်းရင်းမြစ်များ

1Milyeŋge 1:31

Yaŋ Batseba təɓe'gən kiyət afuŋ, təppu' aba məlyã, təmna: «Daya naw məlĩ Davit, dəsan hã faɗə.»

2Milyeŋge 25:8

Aka təla masle'eni, də lumu taka na təla, də əzva makəlaw kiyən vaytak na Nabukodonozor aka məlĩ na Babilon, Nebuzaradan, daya net məzugaŋ məlĩ na Babilon, gawla na məlĩ na Babilon ade a Yerusalem.

2Alabaraɗe Də Mabərkiziti 21:20

Tay də wəzva kaklaw hoku kiyən sula gala akkpaŋ məlyã, azəm məlĩ wəzva dədopoɗo a Yerusalem. Ɗəf tay dəhəm ammban gala amtə ɓa, məndəkən a walaŋgəla-metiŋ na Davit məza a weleŋgit magamasɗe net milyeŋge ɓa.

2Alabaraɗe Də Mabərkiziti 28:27

Akaz azbetik efiŋgiɗni, andəknən a walaŋgəla-metiŋ na Yerusalem, mətoŋgəni addəvit magamasɗe net milyeŋge na Israyel ɓa hara. Hizkiya wətən dəgəm məlĩ a gəlani.

2Alabaraɗe Də Mabərkiziti 32:33

Hizkiya azbetik efiŋgiɗni, məndəkən aba tive məzupeŋ azet magamasɗe net kirtin Davit; Gala amtə na, Yuda dəwənnani gəm ɗiy na Yerusalem ahəmənək kiyən diyɗa. Manase wətən dəgəm məlĩ a gəlani.

2Alabaraɗe Də Mabərkiziti 36:19

Yaŋ azlanən gəla na Maŋgəlva, abzlunən zlava na Yerusalem, gəleɗe na məlĩ baymet pak azleninik də offo; zəgeɗ na sləma pak araygitinke.

Nehemi 1:3

Aɓsuwən na: «En dəppaŋ dəssoŋ akkiva adak vet tahəŋ addəv tatwãhã gəm ərba wil diyɗa. Zlava na Yerusalem foŋfoŋgi, offo azimik maddambeɗe nani.»

Nehemi 2:13

In vit də maddamba na Walaŋ də dəfɗa, haraw sek kəla met iŋkile na Dohõtuya nadda də maddamba na Ba'arə. Yaŋ kan nəsəŋgləkan zlava na Yerusalem; zən foŋfoŋ, offo azimik maddambeɗe nani.

Ester 8:6

Mbarmbar nədawɓəs nulagən əray dədawrih ɗiy naw di? Mbarmbar nədawɓəs nulagən əza na mahəlfa naw di?»

Gəlyaɗe 102:14

Nok wakəsili, wakula sasãh Siyon, vi pay agapək nawla sasãhni: vaski, pay agapka!

Gəlyaɗe 102:15

Vi gewleɗ nok tay ənnekeŋ dit gərmeŋge nani, tay ulanən sasãh burɗuk nani.

Gəlyaɗe 137:6

Asna hərzləmu dətip a geŋɗetwa an nəɗɗum akok ɓa, an nəɗi Yerusalem day ki zəga nannek naw pak ɓa.

Gəlyaɗe 38:7

In tat sumbutto, kuɗopkuɗop hã diyɗa, tukummo pay pakə.

Yeremiya 52:12

Aka wəzva na Nabukodonozor, makəlaw kiyən vaytak aka məlyã, də wəvoŋ kəlaw na təla məsle'eni, Nebuzaradan, daya net məzugaŋ məziwweŋ aba məlĩ na Babilon, poh a Yerusalem.

Əɓuhma 2:9

Maddambeɗe nan pak atoŋgoŋguk afuŋ, areygitik təbzeŋge nawkəɗəslit petepete. Məlĩ nani dit ɗiy gugriɗ nan pak tahəŋ ammba vet ɗiy ɗarə, mahenziŋ tay ɓa, məskəleŋɗe nan dayday awrəhaŋ ula məs dəde səza Yawe ɓa.

Daniyel 2:4

Mə Kaldiyeɗ azlan sənənək məlĩ də ma Aram na: Məlyã, ənziya nok dəsan zek ka faɗə! Anah əssine nok səm mənam məɗɗaŋ wəza noko, waməboton suk va aŋgəl kawnahã.

Daniyel 3:9

Agəmənək wəpel də wənah sən məlĩ Nabukodonozor na: «Məlyã! Ənziya nok dəsan hã faɗə!

Daniyel 5:10

Səza Ma'ãy, təprəm əpel na məlĩ gəm net məɗɗaŋ wəza nani, tətoŋguk addəv gəla na waynabaya, yas tənah na: «Asok hã faɗə məlyã! Əɗɗum nok attapok ɓa, zuk asan sirip ɓa.

Daniyel 6:21

Səza məlĩ adder ama vovu, ayak Daniyel də wəlan sahə amna: «Daniyel! Daniyel! Gawla na Maŋgəlva məs dəsan madarani! Maŋgəlva nok məs kədawgəɗ sən wəza də zuk soksokəŋ akõhgukuk səmet Ɓooliɗ sa?»

Daniyel 6:6

Yaŋ ɗiy nek anahaŋ na: «Heslepe tay mədawrah aza Daniyel ɓa, an dəza mahenziŋ na Maŋgəlva nani ɓa ɓa.»

Məsdəlveŋge 26:31

Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;