Nehemi 13:12 - Bible en Guidar

¹² Mə Yudeɗ kan atəŋgən əki makəlawan na haykəmari, mbazla na meketepe gəm mẽl addivit gəleɗe nawzaɓ zəgeɗi.

Nehemi 13:12 ပူးပေါင်းရင်းမြစ်များ

2Alabaraɗe Də Mabərkiziti 31:4

Yaŋ anah sit ɗiy na Yerusalem dəpsitingən zəga nawrəh net məsdəlveŋge dit mə leviɗe, vi dərəhaŋgən əppan kiyzit gərak sən mahenziŋ na Yawe.

2Alabaraɗe Də Mabərkiziti 31:5

Səza əpel van atəh təkiya, mə Israyelɗe ləŋ akinən zəga an dəɓəl daabəŋ, təki pakə: haykəmari, mbazla na meketepe, mẽlẽ, amama, gəm zəgeɗ na mabardaw. Gəm akiyaŋgək makəlaw net zəgeɗ temtem təki pakə.

Nehemi 12:44

Pay dəpas na, məɗiyi zel nawga gəleɗe məs məzi zəgeɗ addəvit va: əvəl an məgəm na zəga an dəsɓaŋ daabəŋ pakə, may makəlawan na zəga na mabardaw. Adaki ɗiyis adakkalanən hara zəga na mabardaw məs mahenziŋ aŋgəɗ napsit məsdəlveŋge dit mə leviɗe. Zəgeɗ vetis en mərəh səddəvit gulyeŋge məs dəterwəslnin walaŋgəleɗe gugriɗiŋgə. Ɗiy na Yuda beymet annekeŋgək də wəza net məsdəlveŋge dit mə leviɗe,

Məsdəlveŋge 27:30

Taka səddəv kəlaw məgəmən səka zəga nawzəm naka dəlva awaniɓa səka uwa net wəleŋɗe sən Yawe; zəga məwelin sən Yawe yi.

Malakiya 3:10

Məki makəlaw zəga nokum pak addəv gəla nawzaɓa. Zəga nawzəm dəsangən addəv gəla nawa. Əŋga məslu kan aka wənəska, Yawe Məzuɓappak anahə, kulanəŋgən an kpak nəkol ma disiŋ vikum də wəɗɗa zazay akokum diyɗa ɓa.

Malakiya 3:8

Ɗəf waɓap əmakan Maŋgəlva sa? Ya mənokum tat əmbəɗawəni! Mənokum ənahaŋ na: «Dəɗɗa miy məbəɗɗok di?» Də taka səddəv kəlaw gəm an mətawən nawfaɗ pakə.

Əmsak aka Mahenziŋ 14:22

Ama əzva pak məgəm məkəlawan na zəga na mabardaw nokum pakə.