Nehemi 10:39 - Bible en Guidar

³⁹ Məsdələv an zev Aron dəsangən dit mə leviɗe pay adawgəmnən makəlaw na zəga. Mə leviɗe dəgəmaŋgən makəlaw na makəlaw na zəga, dəɗiynəngən addəv gəla na Maŋgəlva namə, addivit tuzoŋɗe na gəla na arya.

Nehemi 10:39 ပူးပေါင်းရင်းမြစ်များ

2Milyeŋge 7:10

Azzoŋ eyenin məgaŋ maddamba na walaŋgəla-metiŋ, aprəman sitini, aɓɗaŋ na: «Mətoŋguk a dibirgidik net mə Aramɗe, ɗəf tay adak təttaka ɓa, ɓaɓəlma ɗəf tay ŋgbulu' adak ɓa; abbər ki pilseŋge dit korɗe miyneti, gəm gizlirkeɗe məppeti.»

2Alabaraɗe Də Mabərkiziti 31:11

Hizkiya aɗiyək wən nawzaɓ təki nakkalan addəv gəlaɗe na Yawe, yaŋ məzaɓ təki vani.

2Alabaraɗe Də Mabərkiziti 31:12

Akinən əvəla, makəlaw net zəgeɗi gəm zəgeɗ muwel sən Maŋgəlva məza vurum aran ɓa. Konaniya mə levi məpsən wən net zəgeɗ vet avani, Simey məlmən dəsan masula'ən.

Nehemi 12:47

Aka pay na Zorobabel də an na Nehemi pak na, aza wəsɓəta mə Israyelɗe adapsitin hara zəga nawrəh net məyaŋ gəlya dit məgaŋ maddamba pakə. Gəm sit mə leviɗe zlaŋ, apsitin əvəl an məɗɗa ammbeti, mə leviɗe vet tam əpsit haran net məsdəlveŋge en zev Aron.

Gəlyaɗe 122:9

Aka wən na gəla na Yawe Maŋgəlva namə, wanəkayan moggon viko.

Əŋɗa 18:26

«Kənahsitgin mə leviɗe na: pay kədawtafənən makəlaw zəga məs nəpsukum ka haran nokum səddəv əvəl navet mə Israyelɗe na, kəgəmaŋgən makəlaw nan an Yawe adazbokum.

Əŋɗa 18:30

Kənahsitgin əmpa na: paysən kədawgəmən zəga an moggon naran day pak na, tay məstaka viyit mə leviɗe, də zəga sə kelle may se ŋgefleŋ sə təki nawɗotən.

Əmsak aka Mahenziŋ 12:17

A təki kəsok də gəla pak na, kəɓap na kawzəm makəlaw na haykəmari nok ɓa, na mbazla nok ɓa, mẽl nok ɓa, uwa na bəlata, na zagara, na ɓaɓlama may əvəl an vi zə ɗəf anneki, an məkkalan də makra papar gəm an naknahan iynama.

Ibriɗe 10:25

Mədappan gabba wəkkal nam va ɗiy meɓɓet adaɗɗaŋ ɓa, ya məsɓan səm zəm dərəŋgə, adan mənokum tat ula pay na Daya tay əgapəŋ ɓa.