Nehemi 10:36 - Bible en Guidar

³⁶ Gəm əmpa kawki zəga na mabardaw məs dəsəɓ daabəŋ sə guli namə, gəm uwa na wəlaŋga awandi pak dəsəɓ daabəŋ aza wəzva addəv Gəla na Yawe.

Nehemi 10:36 ပူးပေါင်းရင်းမြစ်များ

2Alabaraɗe Də Mabərkiziti 31:5

Səza əpel van atəh təkiya, mə Israyelɗe ləŋ akinən zəga an dəɓəl daabəŋ, təki pakə: haykəmari, mbazla na meketepe, mẽlẽ, amama, gəm zəgeɗ na mabardaw. Gəm akiyaŋgək makəlaw net zəgeɗ temtem təki pakə.

Nehemi 12:44

Pay dəpas na, məɗiyi zel nawga gəleɗe məs məzi zəgeɗ addəvit va: əvəl an məgəm na zəga an dəsɓaŋ daabəŋ pakə, may makəlawan na zəga na mabardaw. Adaki ɗiyis adakkalanən hara zəga na mabardaw məs mahenziŋ aŋgəɗ napsit məsdəlveŋge dit mə leviɗe. Zəgeɗ vetis en mərəh səddəvit gulyeŋge məs dəterwəslnin walaŋgəleɗe gugriɗiŋgə. Ɗiy na Yuda beymet annekeŋgək də wəza net məsdəlveŋge dit mə leviɗe,

Nehemi 13:5

yaŋ appansən gədəv gəla taka metiŋgin məs adakkalan zəga lahəŋ addəvən va: əvəl də zəga na mabardaw, tursan, may hiŋgiɗ naɗɗa wəza addəv gəla na Maŋgəlva, makəlawan na haykəmari, mbazla na meketepe, gəm mẽlẽ, məs məɗiywən nan napsit mə leviɗe, may sit məyaŋ gəlya dit məgaŋ metiveɗi gəm an məsdəlveŋge adawgəmaŋgə.

Əgilye 13:2

«Aɗi su ta' uwa maddaabəŋ pakə, uwa mizilin na məlviya na Israyelɗe, net ɗiyi də an na zəga mamayã. Nan nawi.»

Əgilye 23:19

Kəkiygən zəgeɗ na mabardaw na guli nok en maddaabəŋ pak addəv gəla na Yawe, Maŋgəlva noko. Kədawda wət hãw də moŋvo na man ɓa.

Əgilye 34:19

Uwa maddaabəŋ pak nawi yi, səddəv gazlaŋ nok pak zəga naɗɗumon noki, uwa na bəlata də an na zagara gəm na ɓaɓlama pakə.

Malakiya 3:10

Məki makəlaw zəga nokum pak addəv gəla nawzaɓa. Zəga nawzəm dəsangən addəv gəla nawa. Əŋga məslu kan aka wənəska, Yawe Məzuɓappak anahə, kulanəŋgən an kpak nəkol ma disiŋ vikum də wəɗɗa zazay akokum diyɗa ɓa.

Əŋɗa 3:13

Tizi pak nawiyi: vi aka pay nəbey tiziɗe naka dələv na Eziptə beymet na, nəwelik tiziɗe na Israyel pak ka nawa, na ɗəf titire dit en na zəga mamayã pakə: net nawəŋgə. Intə Yawe.»

Galatiyen 6:6

Ɗəf məzuyak zəga duɗakan zəga moggon nan pak də ɗəf məzərban səni.

Əmsak aka Mahenziŋ 12:6

Adaki kədawkiynən əvəl nawzla kurmbuɗuk nokum, əzaɓ-Maŋgəlva nawzi mbeli, makəlaw net zəgeɗ nokumu, əvəl an kiynanən mokum, an də mokrokum paparə, may əvəl an vi zə ɗəf anneki, uwa net bəleteɗe, zagareɗ dit ɓaɓlameɗ nokum.