Nehemi 1:9 - Bible en Guidar

⁹ ya an kəmilyoŋguk azawa, kərmanənək wən an nəɗiyə, kəɗɗaŋgək wəza dəndən, asna kəta en mətreyet nokum dəssoŋ akki dələv abayman zlaŋ, wanəkkelet sədaka. Wanəmilgit a təki nəwel ka iya naw dəsangən adak naka.

Nehemi 1:9 ပူးပေါင်းရင်းမြစ်များ

1Milyeŋge 8:48

An səka dələv net məzuzelɗe net en dəkenin adaka akkomokunək də mekret taka gəm də megenegenet pak heret sek aka dələv net an kəpsit efiŋgiɗti, heret sek aka walaŋgəla-metiŋ an kəweli, gəm aka Gəla an nərkə aka iya noko,

1Milyeŋge 9:3

Yawe aɓsən na: «Nəprəmək əkkam nok də wəppu' an kəppu' suwa: gəla kərkəŋ nətafək vi iya naw dəsangən adak faɗə; haraw də makraw pak tay akan ɗayɗayə.

1Alabaraɗe Də Mabərkiziti 16:35

Mənah na: akõhgəmə, Maŋgəlva əkõh namə, akkalamə, abitəm səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Ezra 6:12

Kəta Maŋgəlva məs dəɗi iya nan adakəŋ, dəzga' sən məlĩ an dəɗɗumu awaniɓa ɗiy en dəɗɗumoŋ naggar ki wən an nəpeləŋ, kaɓzlu Gəla na Maŋgəlva na Yerusalem əŋka. In Dariyus, nəɗi wən nan dəgəɗgən va nənahəŋ təstəsə!

Gəlyaɗe 106:47

Akõhgəmə, Yawe Maŋgəlva namə: akkalam səret ɗiy-ɗarə. Vasna waməɗi ki iya nok salala, waməgagdakan zəm də wəɗi kiyko.

Gəlyaɗe 107:3

en məs akkelet hã səket dəlveŋge, nammba pay nampum gəm na moskoyo, səkəla disiŋ gəm sə dohoŋ.

Gəlyaɗe 147:2

Yawe məs dərkan Yerusalem, wakkelet en məsimgit sə Israyel!

Isaya 11:12

Waslan gabaga narban dəlva wakkelet en mərɓehit sə Israyel gəm kakkelet en mətrayet na Yuda wakkelet sə tapaslay poɗogən na dələv pakə.

Isaya 27:12

Pay dəpaska, Yawe warga hay nani, təŋ sə ma məlpa metiŋ hã gap a lolohõ na Eziptə. Ya waŋgbukum takataka, mənokum, mə Israyelɗe.

Isaya 56:8

Daya Yawe, məzəkkelet ɗiy mərɓehet na Israyel aɗiymani: nəkkeletik səkayə, wanəkkelet meɓirit əmpa.

Yeremiya 12:15

Sədərɓaga an niptiwik na, wanəmsak ula sasẽhti, wanəmndegeti, ɗəf pak aka va nani, ɗəf pak aka dələv nani.

Yeremiya 3:14

Məmili, kirin kiyɓəɓəlɗe, Yawe aɗiymani, vi intə afukum! Wanəgəm taka səmbokum sə walaŋgəla-metiŋ pakə, sula səddəv mahəlfa, wanəkikum a Siyon.

Yeremiya 31:10

Ɗiyi, məprəm əpel na Yawe, məprəman aket mətuwəraɗe en faraɗa. Mənah na: Ndən məs dətreygit mə Israyelɗe, dədakkelet gəm dədawget va məzutaɗa də gazlaŋ nani.

Yeremiya 32:37

In yakəŋ əkkelet səket dəlveŋge məs nətreyet adak pak də ədagədəv nawa gəm dit herɗe nawa, də makraw fuyõfuyõ. Wanəmndeget a təkiyəŋka, wanəɗɗa dəssoŋgən kiyit foŋgo.

Yeremiya 6:22

Vaŋ Yawe anahə: Awle ɗiy tahəŋ əzzoŋ səka dələv na kəla disiŋ; vanday net ɗiy-ɗar gədakə tay əzzan hã sə təki dələv abaymani.

Ezekiyel 14:6

Vini kana, anah sit mə Israyelɗe na: Vaŋ Daya Yawe anahə: Mide mimil səzet meŋgilveɗ nokumu; məkkpaŋgan horokum səzet zəgeɗ daryawɗe naɗɗa nokum.

Ezekiyel 36:24

Wanəgəmkum səret ɗiy-ɗarə, wanəkkolokum səket dəlveŋge pakə, wanəkiykum aka dələv nokumu.

Məsdəlveŋge 26:3

An mənokum tat ədaw aket mahenziŋɗe nawa, an kərmanənək əpel na ənziya, kəɗɗaŋgək wəza dənɗaŋ,

Zakarya 8:7

Vaŋ Yawe Məzuɓappak anahə: In yakəŋ əkõhgit ɗiy naw səka dələv nammba pay nampum gəm na moskoyo.

Matiye 24:31

Waslin maslayɗe nan də gozloro metiŋgini, wakkeletin məweleɗe nan səmmba tapaslay pay poɗo pak təŋ sə meteɓ ma dəlva hã a met təɓ man mbərən.

Əmsak aka Mahenziŋ 12:21

An təki məs Yawe Maŋgəlva nokum awel nawɗi iya nan dəsangən adakəŋ faraɗa yi səzokum, asna kətawgən wəla wasli noko, time də hãw nok an Yawe Maŋgəlva nok adapsuko, va nəɗi suk wən nani, kəzəmgən a walaŋgəleɗe gugriɗ nok gap va kəŋgələ.

Əmsak aka Mahenziŋ 12:5

kəddoŋgən əɗi kiyən a təki məs Yawe Maŋgəlva nokum adawwel səret mahəlfaɗe nokum kaka'ə, vi kawɗi iya nan adaka dəsangən adaka.

Əmsak aka Mahenziŋ 30:1

An wəzaɓ də wəray nəɗi abokəŋ pak ateheŋgik akoko, asna sə weleŋgit ɗiy-ɗar məs Yawe Maŋgəlva nok adawkuk adaka, wakəɗɗumeti,