Nehemi 1:6 - Bible en Guidar

⁶ Kamə, sləmok dəsan pakka, horok dəsan kollo, naprəm əkkam naw in gawla nok məzəkkam abok pay dəpaŋ dəfəɗ də kapay ammbet mə Israyelɗe məɗɗaŋ wəza noko; in tat əɗi marava aka wən net mambrayɗe net mə Israyelɗe məs dətoŋgəmən əɗɗa mambray azokuŋka. In də gəla na əbba məgəɗək mambraya.

Nehemi 1:6 ပူးပေါင်းရင်းမြစ်များ

1Milyeŋge 8:30

Kəprəmgən wəɓuh ma na balam nok dit ɗiy nok mə Israyelɗe dədakkamaŋ a təkiyəŋka! Nok kəprəmgən sə təki kəsok a disiŋ; kəprəmgəni, kəvvuyon səmgən mambray namə.

1Milyeŋge 8:47

an aɗɗumonənək a mekreti aka dələv adassoŋ belemɗe adaka, an aɗiyaŋgək marava, amndoŋguk appu'oŋ sukunək aka dələv net ɗiy dəndenən aka balam, də ənəh na: Məgəɗək mambraya, məgəɗək heslepe, məraygənka na.

2Alabaraɗe Də Mabərkiziti 28:10

Yaŋ əmpa kədawpeleŋ wən nakkpeŋget kirtin Yuda də Yerusalem vetis mezeŋgleket dit muguluŋgit pak ka belemɗe! Vasna, mənokum vat kpak də mambray kənanaŋ aba Yawe Maŋgəlva nokum ɓa sa?

2Alabaraɗe Də Mabərkiziti 29:6

Vi efiŋgiɗəm aggbakaŋgək ma, aɗɗaŋgək zəga mbərayən ama hara Yawe Maŋgəlva namə, azganənka, akkpaŋganənək heret səka gəla na Yawe aktohunək gəɓet səni;

2Alabaraɗe Də Mabərkiziti 6:40

Kakaŋ na, Maŋgəlva nawa, horok dəsan kollo gəm sləmok pakka ammba əkkam na təkiyəŋka.

Ezra 10:1

Adan Ezra adakkam mbiriɓɓe, wərbet mambrayɗe nan wəhəm aba Gəla na Maŋgəlva, mə Israyelɗe məkkelit vəŋkət vəŋkətə, zeli, gili, gəm kirni, akkalaŋgək azani, vi ɗiy tay əhəmaŋ sin zletzleti.

Ezra 10:11

Kakaŋ na, mərban mambray nokum aba Yawe, Maŋgəlva net efiŋgiɗkum, məɗɗa əŋgla nani: məgoh səzet ɗiy naka dəlvəŋ dit gil molhõyẽɗi.»

Nehemi 1:11

Kamə Daya, apak sləmok ammba əkkam na gawla nok ɗah gəm ammba əkkam net gewleɗ nok en məs dəŋglaŋ nawgeslne' sən iya noko.» Kamə aɗɗa kəta wən dədaw ammba gawla nok pay dəpaŋka, aɗɗa kəta dərahgən ulasahã səza dəfəŋka. Intə məpsən zəga nawsa sən məlĩ daska.

Gəlyaɗe 102:17

Pay Yawe adarkan Siyon, warban zən addəv gagdak nani,

Gəlyaɗe 106:6

Məgəɗək mambray va net efiŋgiɗmə, məmzlahka, məraygənəka.

Gəlyaɗe 130:2

Aprəm wəlawa Daya; apak sləmok ammba əɓuhma nawa!

Gəlyaɗe 32:5

Nərban sukuk mambray nawa, nəsərət ki heslepe naw ɓa. Nəmna: «Wanərban an nəraygən sən Yawe», yaŋ nok kəzgan heslepe naw də mambray naw səkawa. Əziwe

Gəlyaɗe 34:15

Aɓaŋga' sən mbərayni, agəɗ moggoni, akayan zazaya, azbani!

Gəlyaɗe 55:17

Naw Maŋgəlva nədawhəm səni, Yawe wakõhguwa.

Gəlyaɗe 88:1

Gəlya, gəlyanalva net kirtin Kore. Səza daya net məyaŋgəlya, də pozloro nawslan wəla gəlyanalva. Əpel-məmyã'ən na Heman zev Ezrah.

Isaya 6:5

Yaŋ nənah na, əray akawa! Nəzəka vi ɗəf məs man məpel daryaw nani, in tat aweleŋgit ɗiy məs met adawpel daryawə. Vi haraw awlak Yawe Məzuɓappakə.

Əɓuhma 5:7

Efiŋgiɗim aɗɗaŋgək mambraya, net tahəŋ əmpa ɓa. Gagdak na mambray net akami yi.

Daniyel 9:15

Kakaŋ na Daya Maŋgəlva namə, kigilgitik ɗiy nok də va gbogboŋ nok səka dələv na Eziptə, kəɗɗak sləmok agilik va pay dəpaŋka. Məgəɗək mambraya, məraygənəka.

Daniyel 9:20

Nəzbanək əpel də əkkam gəm ərban mambray naw də an net ɗiy naw mə Israyelɗe, gəm əppu' aba Yawe Maŋgəlva nawa, aka wən na mossorgo salala noko.

Daniyel 9:4

Nəkkamanək Yawe Maŋgəlva nawa. Nənahək na: Kamə Daya Maŋgəlva matuŋguk kənani, nawgeslne' suk kənani. Kakkpaŋgan mok səka wənmiyna nok ɓa, is tat ərban əŋgla nok pay pak viyit ɗiy məzəɗɗaŋ wəŋgla noko gəm məzuɓe'en sənən an kəziwgini.

Daniyel 9:5

Məgəɗək mambray, məgəɗək an dəslə ɓa. Məs mambray gəm məɓoŋgəm mənani, məzban an kəziwgin gəm tivenanziya nok ɓa.

Daniyel 9:8

Yawe, wil akamə, aket milyeŋge namə, deyeɗe namə gəm efiŋgiɗmə vi məgəɗək mambray azoko.

Luka 18:7

Sessel vasna Maŋgəlva agəɗ na təstəs sit ɗiy məs awel məzuhəmaŋ sənən dəfəɗ də kapay pak ɓa, wappet əlyaŋ sa?

Luka 2:37

təsatək də gəlata; təgəɗək əzva kaklaw dodopoɗo kiyən poɗo. Tawzar səddəv gəla na Maŋgəlva ɓa. Ndət əgagdakan Maŋgəlva dəfəɗ də kapaya, də əɗɗa meme gəm əkkama.

Efesus 2:3

Nam pak aret mənan lahəŋka, mədawək lahəŋ va aza əsim zəga na gəɓa zəmə, də əɗɗa əŋgla na gəɓa zəmə gəm na maɗulamə. Addəv əssa nam lahəŋ na, kirtin ədagədəv mənanə'e va ɗiy meɓɓeti.

1Timote 5:5

Akən gagəbay gesiŋ, təsat də gəlata, məs təɗi əɗɗum nat pak aka Maŋgəlva, dəfəf də kapay pak, tat əsok zət əssõh gəm əkkama.

2Timote 1:3

In tat əɗɗa soko sən Maŋgəlva məs nədawɗi kiyən va net dəhiŋgiɗu də makraw barə, an in tat ətoŋguk addəv əkkam naw dəfəɗ də kapay pak məza əbew ɓa.

1Yohanna 1:9

An məsənək mambray namə, nan moggoni, təstəsi navviyan səm mambraɗe namə, gəm nabbur mbərayən awandi pak səzamə.

1Samiyel 15:11

«Maw nzoki də wəɗi Sawlu aka məlyã, awla aktohuk gəɓan səzawa, dəzban əpel naw ɓa.» Gədəv Samiyel adəka, ndən kim əkkaman Yawe.