Nahum 3:6 - Bible en Guidar

⁶ Wanəndol gadərgiya akoko, wanəkkpoŋgok ngalyã, wanəkkpoŋgok ka nawmas akoko.

Nahum 3:6 ပူးပေါင်းရင်းမြစ်များ

Ɗerewel na Yob 30:19

Azgawək ara ndərɓa; məstaka nan va burɗuk gəm va moŋglo.

Ɗerewel na Yob 30:8

Gebbet ɗiy mərbaŋ wiliŋgə, kirtit ɗiy məs aŋɗaŋ aret ɗiy ɓaŋgə, tay əɓɓehtin səka dələv də zleŋge.

Ɗerewel na Yob 9:31

ara ndərɓa kədagulwa, asna lukutɗe naw kassoŋ daryawɗe ɗarə.

Yeremiya 51:37

Babilon wakkpaŋ va kiməskiya, təki nassa net wawayɗe, walaŋgəla məraygən nawɗi fofyoko akani gəm məza ɗiy addəvən ɓa.

Əɓuhma 3:16

Anzləwək slayu dit gərmeŋge, gəm andəkwək ammba burɗuku.

Ezekiyel 16:37

Vini, in yakəŋ əkkelet gəreŋgiɗuk pak məs kəppan mayũk aketi, en kəŋgəl pakə sap azet en kəzel pakə; wanəkkelet akok sə təki pakə, wanərban sit gobbok mekeleŋ; wawlanən zuk dandawayə.

Nahum 1:14

Yawe aɗiyək wən nan akoko: Wətuk naddəvuk asan na nawka iya nok abe əmpa ɓa; wanəzan zəgakamaŋgəlva noko may məhəsit; səddəv gəla net meŋgilveɗ noko wanəso' magamas noko vi kəgap zəga ɓa.

Habakuk 2:16

Dit wili yi kəbə day ki də gagdaka! Asə tam ɗa, kəppangən gaŋyã nok appaka: məɗawak na va dəzəŋ na Yawe watəkkpaŋ akok gəm ərba wil aka gagdak noko!

Sefanya 2:15

Vaski walaŋgəla-metiŋ mənneken zən dəsan də gəla fendeŋgi, an dədawnəh a makran na: «Ina, intə kaka'ə!» Mbar akkpaŋ dələv məzan əmpa, ka bətəŋ net zəgeɗ nawra di? Məzutoŋ pak wafyoku, waɗɗa van weleki.

Malakiya 2:2

An kaprəmaŋ ɓa, an karmanən wən nagagdakan iya naw təstəs a mokrokum ɓa, wanəki əray akokum gəm əraygən əzaɓ nokum Yawe Məzuɓappak anahə. Gesiŋ, nəraygit na vi ɗəf tay məzərma zəga a makran səmbokum ɓa.

Malakiya 2:3

In yakəŋkə wanəka ədagədəv naw aka uwa nokum. Wanədol sense arokum, sense net zəgeɗ net wəzləreɗ nokum; kawndəkumi sap dənɗaŋ pakə.

Malakiya 2:9

Naw tamə wanəkkpaŋgokum ka nawzel ɗar a maheret ɗiyi, vi kazbanən tive naw ɓa gəm mənokum tat ərban uɗak awalaŋkum.

1Korintus 4:13

an tay əpeleŋ mbərayən akamə, mənam əzlan də wəlam neki, məkkpaŋgək va haslaɓ məkkporən nammba dəlva, zəga nazga net ɗiy pakə, hã kakaŋka.

1Korintus 4:9

In tat ulan na, Maŋgəlva aɗimək mənam maslənɗe a dərɓe, va ɗiy mətawwən namta aketi, mərbesəmi wil egge, a maheret maslayɗe də a maheret ɗiy pakə.

Ibriɗe 10:33

Mərokumi gəm məsəri mokum a ma heret ɗiyi; ya də as pak kəbbahaŋ sitinik ɗiy məzuzəmaŋ sãhã va nokum.

Zuda 1:7

Va mãy Sodom də Gomorra gəm walaŋgəleɗe gugriɗ en tuwəɗ kiyit akuhwaŋ a gizbe, azbetinik maslayɗe, assoŋguk va zəga narban əzga də offo məs amta ɓa.