Nahum 2:9 - Bible en Guidar

⁹ Va boboki Niniwe asan farə, iŋkile papa'papa'ə. Yaŋ na tay əɓahaŋgə! Miziwi, miziw məmpa təlkum! Ya ɗəf tay dədawman haran ɓa!

Nahum 2:9 ပူးပေါင်းရင်းမြစ်များ

2Alabaraɗe Də Mabərkiziti 36:10

Də manzi na, məlĩ Nabukodonozor ɗiy ammban slən kawkiyəŋ a Babilon dit zəgeɗ na sləma naddəv gəla na Yawe, aɗi Sedekiya məlmən ka məlĩ aka Yuda gəm Yerusalem.

Isaya 33:1

Əray wasan suko, is məzan zəga pakə məza nan məzani ɓa məzəm kiyit ɗiyi məza məzəmni kiyən ɗah ɓa! An kəgrakək əraygən zəga na, kawrayguki tamə. An kəgrakək əzəm kiya, kawzəmni kiyuk tamə.

Isaya 33:4

Kawndani ərah na ma wəgay nokum va adawndaŋ zaray. Kaɗɗay popoho aka zəga nawrəh səma əgaya va rəpək-rəpək net heyɗeŋɗe.

Yeremiya 25:34

Mətəŋ əɓuh mokum məzuteɗeŋɗe, məŋgəsl vaŋvəla, Məputkul afuŋ mənokum migil gazlaŋɗe, vi pay nokum agapək nawtaw wəlokum! Wakəskotoŋ kawtəray daɗaɗ va məsteɓe na sləma.

Yeremiya 46:5

Mi dəgəɗ nule slərslər əmndoŋ dirɓe di? Məbey məzəlpaŋ guromɗe neti, ənzo adanzoŋgu akkpaŋganən heret ɓa geslne tay kiyit tərwəslə, Yawe aɗiymani.

Yeremiya 51:56

Vi məraygən təki tay əzzan akani aka Babilon, mərmeti guromɗe nani gəm məŋzleti bəleɗe neti. Vi Yawe Maŋgəlva yi məzufaɗ va aza an məɗɗani əmndak adamndagani.

Ezekiyel 26:12

Wandanən arya nok ka ərəh nama əgaya, wappohetin zəgeɗ noko, wabzlunin zlavaɗe noko gəm wabzliwnin gəleɗe na sləma noko; wazgetin gərmeŋge, wəleŋɗe də dələv na gəla nok aret iŋkile.

Daniyel 11:8

Zəgeɗkameŋgilvet net məhəsit na təbza, zəgeɗ na sləma net na təbəz babara gəm na meleŋge wake a Eziptə ka zəga nawrəh səma əgaya. Wasan faraɗa səza məlĩ na kəla disiŋ wəzva ɓaɓay.

Nahum 3:17

Məzugaŋ nok tahəŋ va zaray, məzəlpaŋ nok tahəŋ va ərka na amama! Əzza wəsan gala səmyã adawda addəvit mambareɗi; an pay arəmka, əveŋgeŋ pakə. Təki addoŋ na, aŋgay di seɗiŋ?

Hənhən 18:12

Meleŋge, təbəz net deleɗi, gərmeŋge na sləma, averzleɗ na sləma, ngərayã dit lukutɗe pepreŋɗe, gabagaɗe na gaɗmay net tentiwilgeɗi gəm gabagaɗe məzuwiɗeŋgi, dit wəleŋɗe məzaɓet temtemi, dit zəgeɗ na gozlobekne gəm wəleŋɗe na sləma də təbəz pepreŋge, gəm təbəz titire awaniɓa ɗama.

Hənhən 18:16

wanahaŋ na: Əraya! Əraya! Walaŋgəla-metiŋ də lukut na ngərayã azan naka, də lukut pepreŋ gəm lukut məzuwiɗ naka. Azaɓanək zən də meleŋge gəm gərmeŋge na sləma dit averzleɗi.