Nahum 2:11 - Bible en Guidar

¹¹ Məmõhõni pakə, məkkporni, məraygəni yi; mekret aɓohko, takpret sulagən gbuduku, zit pak korkoru, heret pak həmhəm pərreŋgi.

Nahum 2:11 ပူးပေါင်းရင်းမြစ်များ

Va'Atəŋ 49:9

Yuda wət ɓoolu kənani, aw! Sə təki əbaket sluɗe! Kəmili wətuwa Aktəmək takprani, avoŋguk va ɓoolu, va ɓoolu mugolun, naway nawsilgən di?

Isaya 13:7

Vini va ɗəf pak waddakə, mekret ɗiy pak wamtə.

Isaya 31:4

Aŋki an Yawe anah suwa: An ɓoolu awaniɓa wət ɓoolu tay əhay ammba zəga nampər nani, awgeslne sən vaŋvəl net məzuteɗeŋɗe məs dərɓəzlaŋ akan ɓa, appan zən sən ərga net ɓa. Vas Yawe Məzuɓappak adawpirken aka mossorgo metiŋ na Siyon gəm aka mossorgo kaɗɗa əgaya.

Isaya 5:29

Ɗəf əprəmən na va əhəm na ɓoolu, tay əhay va əhəm net kirtin ɓoolu mugolun aka zəga nazəm neti tay əkanəni, məza ɗəf ətafən ɓa.

Yeremiya 2:15

Bigawleɗ net ɓooliɗ tay əbayaŋ sənən gagay. Tay əbayaŋ gagay zit soksoku. Araygənək dələv nan kuɗupu. Məzleti walaŋgəleɗe gugriɗ nani, ɗiy tahəŋ addivit ɓa.

Yeremiya 4:7

Ɓoolu agilik səddivit geslembeɗi, məzet ɗiy tay aka tive, agilik səgəlani vi kawzan dələv noko. Kaɓzluti walaŋgəleɗe noko, ɗiy assoŋ na addəvit ɓa.

Yeremiya 50:17

Israyel na, time məzani ɓooliɗ arɓahnənka. Ɗəf dəmpər daabəŋ na, məlĩ na Asiri yi. Sisske na Nabukodonozor məlĩ na Babilon məs dəŋgrofet slesleŋɗe nani.

Yeremiya 50:44

In yakəŋ va ɓoolu məzugilyen səddəv kevile kpiŋ na Yurden əmbat də təki nawtaɗ ɗayɗayə. Vi in tat əgəm zuwa, in tat ərɓahan ɓa' sədaka. Naway məwelin nawɗi adak di? Naway va in nawnah su an naɗɗa di? Məlĩ mawani as van nawziw abaw di?

Ezekiyel 32:2

Wətən ɗəfa, agəm wəla gəlya na gəbay aka Farawən məlĩ na Eziptə, kənah səngən na: Məsluki va gawla ɓoolu naret ɗiy-ɗarə, kəsokuk va eŋzle addivit peheɗi, is tat əpislkiw məlpeŋge noko, is tat ətovoret iŋkile də tulko, is tat ədduɓet məlpeŋge.

Yo'el 2:6

Ɗiy tahəŋ kotkot abani, məɗɗa heret pak pirreŋgi.

Mika 5:6

Ɗiy na Yakob dənduwəɗaŋ a weleŋgit ɗiy-ɗar diyɗa wassoŋ va minɗe dəzzoŋ səza Yawe, va buwən maŋgalaw dəzi aka kevile, məza əɗɗum aka ɗəf ɓa məza əgan səmmba vet ɗiy ɓa.

Nahum 2:12

Aŋgay yi bətəŋ na ɓoolu di? Adak kirtin adawtafnən əzəm neti; an ɓoolu tay əmbat əkay əzəma, ɓoolu mugolun tay adaka, ɗəf tay nattepet kirtin ɓoolu ɓa.

Nahum 3:1

Haya əraya! Aka walaŋgəla-metiŋ məzi mbeli, məknəhən dəwənnan pak də uwawəna əhãl arsla ɓa!

Sefanya 3:3

Deyeɗe naddəvən tahəŋ va ɓooliɗ məzuhəmaŋgə; mətawaŋwən nan tahəŋ va kirɗemuyã də moskoyo, məs tahəŋ də zəga narras dəmpummo ɓa.

Əŋɗa 23:24

Ɗiy yeŋ məzusulyoŋ va ɓoolu məgolən, dədawziweŋ va ɓoolu mizilin. Awvoŋgoŋ tak dəmpərnən slu net məs armaŋ, may dəsenin mbel net zegeɗ məs abayaŋ ɓa ɓa.»