Nahum 1:7 - Bible en Guidar

⁷ Yawe moggoni; təki nawɗam pay na tatwãhĩ. Asinik en dəɗamaŋ azani,

Nahum 1:7 ပူးပေါင်းရင်းမြစ်များ

1Alabaraɗe Də Mabərkiziti 16:34

Məɗi ki Yawe, vi moggoni, vi moggon nan tay hã faɗə.

1Alabaraɗe Də Mabərkiziti 5:20

Arahaŋgək wəbbaha, mə Hagriɗe abətaŋgək ammba veti, dit en dənɗaŋ pakə, vi pay əgayəs na, akkamanənək Maŋgəlva, aprəm sitike, vi aɗiyənən əɗɗum net akani.

2Alabaraɗe Də Mabərkiziti 13:18

Pay dəpas na, mə Israyelɗe arbaŋgək wili, ɗiy na Yuda tam, askaŋgək wəla, vi ageseŋ aza Yawe, Maŋgəlva net efiŋgiɗti.

2Alabaraɗe Də Mabərkiziti 32:11

Kaŋ Hizkiya adawnəh na: Maŋgəlva nam wakõhgəm səva məlĩ na Asiri əŋ na” əkkən adakkənkum ka kəmtaŋgən sən may dit meme ɓa kana?

2Alabaraɗe Də Mabərkiziti 32:21

Yawe aslən maslay abey məzəlpaŋ en guromɗe gəm deyeɗe dit ɗiy gugriɗ na dibirgidik na məlĩ na Asiri baymeti. Amndan aka dələv nan wil aran pa'ə. Adan atoŋ addəv gəla na maŋgəlva nani, kirtin na uwa nan tusso dəbaynən də masalam.

2Alabaraɗe Də Mabərkiziti 32:8

An dəsan dəndən na gbogboŋ na ɗəf titiri yi, ya dəndəm na, Yawe Maŋgəlva nam narma vamə gəm nawgay addəv wəlpa nam temtemi.» Əpel Hizkiya məlĩ na Yuda apel temteməs asɓetik ɗiyi.

Ezra 3:11

«Də wəɗi ki Maŋgəlva, də wəfet aka Yawe, ndəɗaŋ əddəɗanən əpel vaŋka: Lewi, vi moggon nan tay aka Israyel faɗə. Ɗiy pak aŋzlaŋgək vaŋvəl nawɗi ki Yawe vi gabba Gəla na Yawe məɗiyəni.»

Gəlyaɗe 1:6

Vi Yawe asənək ədaw net ɗiy en təstəsə, ya tive net məsdarawɗe na əzay yi.

Gəlyaɗe 100:5

Vi Yawe moggoni: vi moggon nan tay hã faɗə, moggon nan tay va sayit ɗiy amə' pakə.

Gəlyaɗe 20:1

Səza daya net məyaŋgəlya. Gəlyanalva na Davit.

Gəlyaɗe 25:8

Yawe moggoni, təstəsi yi. Vini adawyagan sit tive nan sit məs mambrayɗe.

Gəlyaɗe 27:5

Vi waɗamaw a təki nawɗam zəga nan pay nawraya; waɗamaw a təki huzluguɗɗo na gizlirke nani, waziwgu aka milɓe.

Gəlyaɗe 37:39

Əkõh net ɗiy təstəs səza Yawe adazzani, təki nawɗam neti yi pay na tatwahã.

Gəlyaɗe 37:40

Yawe wabbah siti, wabite, wabit səvet məsdarawɗe, wakõhgiti, vi azan adawɗamaŋgə.

Gəlyaɗe 46:2

Maŋgəlva təki nawɗam gəm gbogboŋ na miyi, əbbah pay na tatwãh paki yi.

Gəlyaɗe 50:15

Ayuwa an tatwãh aruhkuko, wanəkõhguko, wakəgagdakawa.

Gəlyaɗe 59:16

Ndəɗaŋ əbbalaŋ əkay əzəma, an dəbaŋ ɓa na, asna ndəɗaŋ kim ənɗəsaŋgə.

Gəlyaɗe 71:3

Asok milɓe nawa, təki nawɗam naw pay pakə: Kəɗiyək wən nawkõhguwa. Vi milɓe nawkõh naw gəm gəla nawɗam naw kənani.

Gəlyaɗe 86:7

Pay na tatwãh nawa, in tat iyuko, vi is tat əzlan suwa.

Gəlyaɗe 9:10

Yawe dəsan təki nawɗam na məsərmani, təki nawɗam pay nawzəm sahã!

Gəlyaɗe 91:15

Wayuwa, wanəzlan səni, wanəsaw dəndən addəv tatwãhã; wanəbite, wanəgagdakani;

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Isaya 25:4

Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 32:2

Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 17:17

Kədassok su zəga nawgeslne sən ɓa, istə təki nawɗam naw aka pay na tatwãha.

Yeremiya 24:5

An Yawe Maŋgəlva na Israyel anah yaŋka: Va sokoyeɗ mogget sawɓeŋki, vaski nədawle mə Yudeɗ məs nəslən aka balam aka dələv net mə Kaldiyeɗ də ula sasãhti.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Əɓuhma 3:25

Yawe moggoni aza ɗəf dəɗi əɗɗum nan akani, məzukayani.

Daniyel 3:28

Məlĩ Nabukodonozor anahək na: Gagdak aza Maŋgəlva na Sadrak, Mesak gəm na Abed-Nego, aslənək maslay nan wəkõhgit məɗɗaŋ wəza nani vi aɗiyənək wəɗɗum net akani. Dəɓe'eŋ sənən əpel na məlĩ ɓa, atafənək əvəl kiziti, appu'oŋ na aba maŋgəlva maɓɓan an neti ɓa ɓa.

Daniyel 6:23

Maŋgəlva naw aslənək maslay nani, amsanək met Ɓooliɗi, dəɗɗaŋ suwən zəga ɓa, vi naw də mazlibezlibe na maw nani, gəm abok is məlĩ dayday na, mbərayən tay nəgəɗ ɓa.»

Sefanya 3:12

Wanəɗi ɗiy məssehẽŋɗe məddekit addəvko; wakayaŋ təki nawɗam addəv iya na Yawe.

Matiye 27:43

Appanək zən fendeŋ aka Maŋgəlva, ya dəkõhgən kakaŋ kana, an aŋgluwəka. Vi anahək: «Wətən Maŋgəlva nənani!»

Matiye 7:23

Asna wanəzlan sit na: Nəsənkum ɗah ɓa, məzar səzaw faraɗa, mənokum məɗɗaŋ wəza mbərayən.

Yohanna 10:14

Naw intə məzutaɗa an moggoni, nəsənik timeŋgiɗ nawa, timeŋgiɗ naw asənwənka

Yohanna 10:27

Timeŋgiɗ naw aprəmən wəlawa, naw nəsinike, azbawəni.

Roma 11:22

Azlək sləma aka moggon gəm daraw na Maŋgəlva, daraw nan aket en məlotti, moggon nan akoko an kəsokuk addəv moggon vani, an vaski ɓa na, nok pak kawlotki yi.

Galatiyen 4:9

Adan kakaŋ kəsənənək Maŋgəlva, awaniɓa na, Maŋgəlva asənkumko, mbari əmpa kədawmilyoŋ azet maŋgəlveɗ məddekit məs məvvirtiŋ di? Mokum aka əkkpaŋ balam net əmpa sa?

2Timote 2:19

Də as pak gabban məs Maŋgəlva aɗi tay ziw ɓəlɓələ, məver əpeləŋ akani: Daya asinik ɗiy nani. Gəm əmpa na: Məzuya iya na Daya pak dəzar səza mambraya.