Nahum 1:4 - Bible en Guidar

⁴ An ahãyanək pehe, pehe sa'ãtə; məlpeŋge pak tay əkkpe'ti. Dələv na Basan gəm na Karmel wamtaŋgə; gaslembeɗ na Liban aɓətaŋka.

Nahum 1:4 ပူးပေါင်းရင်းမြစ်များ

Va'Atəŋ 8:1

Maŋgəlva aɗɗumuk aka Nuwe, zəgeɗ memeyẽɗ neŋgil dit en nawra naddəv bəlay azaniŋki; afu'uk səmyã aka dəlvafuŋ, iŋkile atəŋgaŋgək əsõ'õtoŋgu.

2Samiyel 22:16

Iŋkile na pehe arslaŋka, gabba dələv arbək də wəhãy na Yawe də əmpəs dəgil sə məŋkənni.

Ɗerewel na Yob 38:11

Ya nənahək na: hã aŋ kədazzok əbay moko, kəkkaɗ na ɓa; aŋki gagay net vovulumɗe nok adawziwe.

Gəlyaɗe 104:7

Vi wəhãy noki yi anzoŋgu, sən wəhãy na buwən noki agəmən ziti,

Gəlyaɗe 106:9

Ahãyãnək pehe net vəlarɗe, ndən sa'ãtə; atoŋgit dəddak məlpa va də kapta-muyã.

Gəlyaɗe 114:3

Pehe təm ulani, ndən ɓakə, Yurden buryok dirɓe,

Gəlyaɗe 114:5

Pehe, vimi kədanzok di? Yurden, vimi kəpilmis dərɓe di?

Gəlyaɗe 18:16

Də wəhãy noko, Yawe, də səmyã nampəs noko, iŋkile arslaŋka, gabba dələv arbəka.

Gəlyaɗe 74:15

Istə kəso' heret iŋkile dit lolohẽɗi, is kəkkpe' məlpeŋge məza akkpa'aŋ ɓa.

Isaya 33:9

Dələv tay addəv əhəma, tay əŋkəla; Liban arbək wili, wəleŋɗe nan aɓətaŋka Saron tay va miktik na Araba, wəleŋɗe naka Basan də naka karmel tay əyyonən veti.

Isaya 42:15

Wanəburkuɗ mossorgoɗe gugriɗe dit kiyit mossorgoɗe, wanəŋkəlu zəga məddəkan naket pakə, wanəkkpeŋget məlpeŋge ka mətəwəraɗe wanəkkpe' iŋkile məs po'o.

Isaya 44:27

Ndən dənah sən pehe kpukpum na: Akkpa'ə, wanəkkpe' məlpeŋge noko.

Isaya 51:10

Istə kəkkpe' iŋkile sə pehe gəm iŋkile kpukpumɗe məsuzliyə, dəkkpaŋgan gədəv pehe ka tive, vi ɗiy en məpilit dəkaɗaŋgən ɓa sa?

Ezekiyel 30:12

Wanəŋkəlu məslereɗe na Nil, wanəvəl dələv sit məsdarawɗe, də vet molhõyẽɗ nədawraygən dələv də zəga an dəknəha. In Yawe tə nəpeli.

Ezekiyel 38:20

Kilfeŋge na pehe dit biŋgeɗ na disiŋ, zəgeɗ nawra, mədawaŋ də gədəvit dit ɗiy tuturɗe pak wakkereŋ abawa; mossorgoɗe gugriɗ waɓzlaŋgə, mossorgoɗe dit zlavaɗe waɓzlaŋ afuŋgu.

Amos 1:2

Amna: «Yawe ahãyək sə Siyon va ɓoolu, sə Yerusalem wəlan adaprəma. Səɓɓan na, əzəmsahãyi kan, a təki nawtaɗ net məzuteɗeŋge, ki gərəm na Karmel waŋkələ.»

Amos 5:8

Ndən dəɗɗe ŋgay net ŋgərzleɗi, gəm duŋgusu. Akkpaŋgan dəfəɗ tikiɗim ka təki məddaŋgən; dədakkpaŋgan kapay ka dəfɗa. Ndən məzuye iŋkile sə pehe əfloŋgit aka dəlvafuŋ. Iya nan na Yawe.

Matiye 8:26

Yaŋ aɓsit na: Vimi kədawgeslne'eŋ di? Munokum məs ətaf nokum siɗikke. Yaŋ asili, ahayẽt barkataŋɗe də pehe, təki agəɗ sləɓəkə.

Yosuwa 3:16

Yas iŋkile en dədawpurkoŋ kəla dohoŋ aziweŋgi, aɓayaŋ mərma zit faraɗa hã gap a Adama walaŋgəla-metiŋ məs dəsan a maŋgava Sartan. En məzudawaŋ əmbat də pehe na Araba, ama pehe na bətuwa, net arslaŋgək ɗe'i, ɗiy aggaraŋ dakadaka də Yeriko.