Nahum 1:2 - Bible en Guidar

² Maŋgəlva məskotoroki, Yawe ampəl kini. Yawe ampəl kini; ədagədəv nan gədaki yi. Yawe tay əmpəl kiyən aket məzuseɓɗe nani; herɗe nan addəɗ səket məzuzelɗe nani.

Nahum 1:2 ပူးပေါင်းရင်းမြစ်များ

Ɗerewel na Yob 20:23

Aka azgətək əknəh gədəvni Maŋgəlva wazgan ədagədəv nan akani. Wazi akan va buna.

Gəlyaɗe 94:1

Yawe, Maŋgəlva məmpəlkiya! Arban zuko Maŋgəlva məmpəlkiya!

Əgilye 20:5

Kədappu' abet ɓa, kədawgəɗ sit wəza ɓa, vi intə Yawe Maŋgəlva noko, Maŋgəlva məskotorok məzəŋɗan mambray net efiŋgiɗit kirin en dəzelnən aket kirtit gap sayit hoku də poɗo

Əgilye 34:14

Kədappu' sən maŋgəlva maɓɓan ɓa, vi Yawe Maŋgəlva məskotoroki, tay də kotoroku.

Əgilye 34:7

Tay ərma moggon nan azet sayit ɗiy gabalɗe, də əɓəs heslepe, əɓoŋgo gəm mambraya, appan na məs dəraygən wən ɓa hara wazək sləma aka heslepe net afiŋgiɗit kirin aket kirtiti, gəm aket kirtit kirtiti, aza sayit mahoko'o də mapoɗo'o.

Isaya 42:13

Yawe agilik va gambara; tay ədaw də makra va məzəlpa. Aŋgəslək vaŋvəl nalpa aŋgəslək vaŋvəl aket məzuzelɗe nani, tay ərban gbogboŋ nani.

Isaya 51:17

Afɗahə, afɗahə asili Yerusalem. Kəɓəsək tatwãh məs Yawe addəv ədagədəv nan aki akok hã gərakə, hã kiyuk dəwələwələ.

Isaya 51:20

Kirtuk askotoŋko, tahəŋ məvoŋgit aket tiveɗ va musa aka mazzaɗə, attəmanənək ədagədəv na Yawe əhãy na Maŋgəlva noko.

Isaya 66:15

Vi Yawe yaŋ əzzan addəv offo, mawteŋɗe net pilseŋge nan tahəŋ va barkataŋɗe. Waki gagay na ədagədəv nani kawhãy addəv hərzlum offo.

Yeremiya 25:15

Vi aŋki an Yawe Maŋgəlva na Israyel anah suwa: Atafət huloŋguk na mbazla na ədagədəvəŋ sə vawa. Kəzlər sitgin ɗiy məs nəslənuk azetiŋ pakə.

Yeremiya 28:8

Məskəleŋɗe məs dəssoŋ far daabəŋ kiwa gəm daabəŋ kiko, ya aɗɗaŋgək kəleŋ aket dəlveŋge diyɗa gəm aket milyeŋge gugriɗe. Apeleŋ aka wən nawgaya, əraya gəm gəbaymərma.

Yeremiya 3:5

Wakərma ədagədəv nok akaw faɗ sa? Wakərmu a mokrok sa?» Vas kədawpele, ya kəzbanək əɗɗa mambrayə!

Yeremiya 36:7

Kuzuŋ əkkam net wagap aba Yawe, wamulyoŋ ɗəf pak səka tive nan mbərayni. Vi ədagədəv metiŋgin dit herɗe məs dərbə gala Yawe apel aka wən net ɗiyiŋki.

Yeremiya 4:4

Məssoŋ məskəlkum awra vi Yawe. Məzargən gayã na mokrokum, ɗiy na Yuda dit en na Yerusalem. Vi ədagədəv naw adawgilyen va offo nzilimnzilimi, məza ɗəf namtan tay ɓa, sən zəga naɗɗa nokum na daraw.

Yeremiya 50:15

Məŋgəsl vaŋvəl akan tərwəslə. Aslanək vani dədəkeɗ nan abzlaŋka, zlavaɗe nan abzlaŋka. Yawe dədampəlkiya, məmpəlgən kiya akani məgəɗ sən va agəɗə.

Əɓuhma 4:11

Ma ədagədəv nan gbeŋ Yawe eŋgbeŋge, aggbo'uk offo na ədagədəv nani. Asɗak offo a Siyon azəmək gabban məs aziw akani.

Ezekiyel 36:6

Vini agəɗ kəleŋ aka dələv na Israyel, kənah sitgin mossorgoɗe gugriɗ dit mossorgoɗe, sit lõlõhẽɗ dit walaŋɗe na: An Daya Yawe anah yaŋka: In yakəŋ əpel na kotorok gəm net herɗe, vi ərba wil ɗiy-ɗar arbaŋ sukuməni.

Ezekiyel 38:18

Is Gog, pay kədawgul dələv na Israyel na, makraw wasil diyɗa. Daya Yawe aɗiymani.

Ezekiyel 38:19

Addəv kotorok nawa, addəv offo net herɗe nawa, nənah dəpas na, sessel, dəlvafuŋ waɓəl aka dələv na Israyel.

Ezekiyel 39:25

Vini yi, an Daya Yawe anah yaŋka: Kakaŋ wanəzaɓan wən na Yakob, wanəwəl sãhã aket mə Israyelɗe baymeti, wanərban kotorok vi iya naw salala.

Ezekiyel 5:13

Ədagədəv naw wambat ŋgbu'u, wanəfəh herɗe naw aketi, wanəmpəl kiywa, wasənnən na intə Yawe nəpel addəv kotorok naw pay nədawka herɗe naw aket ŋgbu'u.

Ezekiyel 6:12

Ɗəf an faraɗa də gəbaymərma adamta, an go'o tam ama masalam adaskoto, ɗəf an dədambra mərəhi əbayən ɓa, sən may adamta, wanəka herɗe naw aket hã ŋgbu'u.

Ezekiyel 8:18

Ya naw pak wanəɗɗa dit herɗe; nəwəl na sãhã ɓa, ɗəf tay nədappa ɓa; waŋzlaŋ vaŋvəl iyu də wəlet dayadaya, nəprəm sit na ɓa.»

Yo'el 2:18

Yawe aŋgluwək dələv nan day, awlak sasẽhit ɗiy nani.

Məsdəlveŋge 26:28

in zək naw wanəsil akokum addəv ədagədəva, wanəzgasukum təl buhul vi mambray nokum.

Mika 7:18

Maŋgəlva tay va is ɓa, məvvuyon mambraya, məppan əɓoŋ net ɗiy nan en dəppaŋ medereti. Ədagədəv nan awsan faɗ ɓa, vi zən neki dəɗɗa moggoni.

Zakarya 1:14

Maslay dədawpel də in nak aɓsu na: «Aslan wəloko, anah na: Vaŋ Yawe Məzuɓappak anahə: Sələh tay əɗɗəm ammba Yerusalem də Siyon. Sələh an dərwadərwa.

Zakarya 8:2

Vaŋ Yawe Məzuɓappak anahə: Sələh na wəŋgla na Siyon tay a makraw diyɗa, in tat əttəman wəŋgla nan tay əzlu a makrawa.

Əŋɗa 25:11

«Məsdələv Pinhas, wətən Ele'azar, wətən Aron, affetetik herɗe naw səket kirtin Israyel, adan arban kotorok a gəlaw aweleŋtiŋka. Vini, də herɗe aɗɗuwən pak na, nəzet kirtin Israyel ɓaŋka.

Roma 12:19

Bayneŋgiɗwa, kədamndaganən harat huloŋguk dəvokum ɓa, məppan təki sən ədagədəv na Maŋgəlva, vi məverni na: Naw wanəmpəlkiya, intə nawfaɗ səni, Daya anahə.

Roma 13:4

Vi məgəɗ wəza na Maŋgəlva yi vi moggon noko. Ya an mbərayən kəɗɗa na, ageslne'i, vi ɗari alaw masalam ɓa, məgəɗ wəza na Maŋgəlva yi kagrakan ədagədəv nan aka məgəɗ mbərayən.

Əmsak aka Mahenziŋ 4:24

Vi Yawe Maŋgəlva nok, offo məzuzlay yi, Maŋgəlva məskotoroki yi.

Əmsak aka Mahenziŋ 7:10

ya hara na, alya əmpəlkiya aka məzuzelən ɓa, tay əzani, anziya dampəlkiya aka məzuzel nan ɓa, tay əmndan sən go'u.

Ibriɗe 10:30

Vi məsənək ɗəf məs dənah na: Naw wanəmpəlkiya, intə nawfaɗ səni. Gəm əmpa na: Daya watawwən aket ɗiy nani.

Yosuwa 24:19

Yosuwa aɓsit ɗiy kan na: «Wakəɓapən əɗɗa wəza sən Yawe ɓa. Maŋgəlva an salala yi, Maŋgəlva məskotoroki yi, məs aɓəs na kiɓəɓəl nokum dit mambrayɗe nokum ɓa.

2Piyer 2:9

Daya asənək va adawkõhgit ɗiy təstəs səma əzəmsahã, ya tay əppet məɗɗaŋ mambray vi pay nawtaw wəna.