Mika 7:9 - Bible en Guidar

⁹ Wanəɓəs ədagədəv na Yawe, vi nəgəɗək mambray akani. Pay wade wawlu sãhə wagəɗ su təstəsə. Wagilgu ara təki babara, wanula təstəs nani.

Mika 7:9 ပူးပေါင်းရင်းမြစ်များ

2Samiyel 24:17

Davit apel sən Yawe, adan awla maslay məbey ɗiyi, Amna: «Intə nəgəɗ mambraya. Intə nəraygəni; ɗiy naw miy aɗɗaŋ di? Kamə azlawar nok dəsan akaw də gəla na əbba!»

Ɗerewel na Yob 23:10

Vi asənək tive an nawa, an asləwək va adawslaŋ meleŋge, wanəgil saksakə.

Ɗerewel na Yob 35:14

Yaŋ kənah nawray nok tam na, kula va ɗəf ɓa, ya wən nok abani, əga kədawga səvani!

Gəlyaɗe 119:154

Akə wən ammbawa, abitwa; aɗɗa nəsawgən madaraw va əpel nok anahə.

Gəlyaɗe 37:6

Warban təstəs nok pasakə, əɗɗa zəga də tiven nok va tataŋpaya.

Gəlyaɗe 43:1

Atawwən nawa Maŋgəlva, atəru səvet ɗiy mbəreytiŋki. Apəlu səvet muwaŋ wən dit məɗɗaŋ mbərayni.

Gəlyaɗe 7:6

asna məzuzel naw dərɓahaw dərmuwã, dəndapan zeŋgilew aka dəlvafuŋ, gəm dəbbuhon gagdak naw aka burɗuku! Əziwe

Gəlyaɗe 94:15

vi təstəs wamil akki ətawwən əmpa, məs mekret bar pak waddoŋ ammbani.

Isaya 42:16

Wanədawgit deŋgerɗe dəka tive məs dəsənnən ɓa gəm də tive gargar məs dəsənnən ɗah ɓa. Wanəkkpaŋgan guzli nabet ka əkeɗeɗe'e gəm kawziyan təki mə giɗikgiɗik dakadaka. Anan nədaɗɗa, nəppet na ɓa.

Isaya 42:7

Wakəkol heret deŋgerɗe, kawgilgit məfərsəneɗ sə fərsəna, kawpəl ɗiy nara guzli səka əzəmsahã neti.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 51:22

Vaŋki Daya nok Yawe, Maŋgəlva nok məzutər ɗiy nan anahə: Yaŋ na nətafək tatwãh məzəɗɗa kiykum viwwe səvoko, kəmsak na əzəmsahã sən ədagədəv naw əmpa ɓa.

Isaya 56:1

Vaŋki Yawe anahə: Mərma an dəslə, məgəɗ an təstəsə, vi wəkõh naw go'oy əzzani. Təstəs naw warbə.

Yeremiya 10:19

Haya iyna, məɗiysuwi vamviya! Uwwa naw anzaɗna ɓa. Naw nəmna: Aski əzəmsãhã naw kaka' wanəɓəs kəta.

Yeremiya 14:7

An heslepeɗe nam tahəŋ əkkpaŋ akamə Yawe abbah səm vi iya noko. Mərbə sukuk wil təl ɓaɓayə, məgəɗək mbərayən.

Yeremiya 51:10

Yawe arbanək təstəs nan vimə. Məndam a Siyon mərbangən an Yawe Maŋgəlva nam agəɗə.

Əɓuhma 1:18

Yawe yi aka təstəsə, vi nəggbakək man aka an aɗi naɗɗa. Ɗiy pakə, kamə məprəma, mula əzəmsahã nawã. Gorɗeŋge naw dit gewleɗ naw addoŋguk aka balam.

Məsdəlveŋge 26:41

Ndəni naw tam nərga makraw dənɗaŋ yaŋ nəke aka dələv net məzuzelɗe neti; asna pay mbərən wavoŋgənən kiɓəɓəl neti, watafən əzga' vi mambray neti.

Malakiya 3:18

As na wakulanən uɗak awalaŋ ɗəf an təstəsə də məsdaraw, awalaŋ ɗəf məgeɗ sən wəza sən Maŋgəlva gəm ɗəf an awgəɗ sən ɓa.

1Korintus 4:5

Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

2Timote 4:8

Kakaŋ na mətərkiya na təstəs tay zaɓɓa viwa, məs Daya mətawwən an təstəs adapsu pay nani, suwi kaka ɓa, sit ɗiy en məs dəŋglunən əzza nan pakə'e yi.

Hənhən 18:20

Disiŋ annek də əray na walaŋgəla-metiŋ nani. Munokum'e ɗiy na Maŋgəlva, maslənɗe gəm məskəleŋɗe vi Maŋgəlva akək wən ammbokum də ətawwən aka walaŋgəla-metiŋ vani.

1Samiyel 24:15

Ammba nawa məlĩ na Israyel adawka hẽllẽk di? Nawa kədarɓahan di? Ammba kəra məmtəni, ammbat dememesək ɗarə!

1Samiyel 25:39

Adan Davit aprəm əmta na Nabal, amna: «Nəsokonək Yawe, məs dəkə wən ambaw aka wəra na Nabal araw gbaŋkəŋka, dətak balam nan dəɗɗa mbərayni. Yawe amndaganək mambray na Nabal akani.» Sissiŋ Davit aslən azat Abigayel kawgəmət ka goni.

1Samiyel 26:10

Davit amna: Yawe madarani, sessel Yawe sən kiyən wabay an pay namta nan agapka, wamtə an ama wəgay yi, kawza adaka.

1Samiyel 3:18

Samiyel aboton sənək əpel nan pak dəɗaman sən ɓa. Amna: «Ndəni Yawe, dəɗɗa an moggon ama haran pakə.»