Mika 7:8 - Bible en Guidar

⁸ Məzuzelwa, kənnek aka an dərəhu ɓa! Nəskot zlaŋ na wanəsili! Nəsaw arah guzli zlaŋgə, Yawe yi əkeɗeɗe nawa!

Mika 7:8 ပူးပေါင်းရင်းမြစ်များ

Ɗerewel na Yob 31:29

Nənneken zu aka əray na məzuzelu may nərgak vaw vi tatwãh arah ɓa.

Gəlyaɗe 112:4

Əkekeɓe akekeɓe'ək ara guzli viyit ɗiy en təstəsə. Məgəɗ moggoni, muwəl sasãhĩ, təstəsi yi.

Gəlyaɗe 143:3

Vi məzuzel naw arɓahawəka, aslbuka, andapawka; aɗiywək də gəla ara guzliyo, va ɗiy mimtit na sete.

Gəlyaɗe 20:8

Meɓɓet aket mawteɗ nawgay appanən ziti, meɓɓet tamə, aket pilseŋge, ya nam na, aka iya na Yawe Maŋgəlva nami: anan mədawya.

Gəlyaɗe 27:1

Səza Davit. Yawe yi əkeɗeɗe nawa gəm əkõh nawa, sən nawa nədawgeslne' sən di? Yawe korgu na zeŋgilewi yi, geslne sən nawa adarmu di?

Gəlyaɗe 35:19

Kəta məzuzelwən ɗar adannekenin zit akaw ɓa; məzuseɓwən ɗar adawmbəslən heret akaw ɓa!

Gəlyaɗe 37:21

Məsdaraw wagəm dəmna, ya afaɗna ɓa, ɗəf an təstəs wawəl sasahã, wavələ.

Gəlyaɗe 37:24

An ataŋgbayək na, askot na ɓa, vi Yawe tay ərma vani.

Gəlyaɗe 38:16

Vi akoki əga nawa Yawe, Daya Maŋgəlva nawa, wakəzlani.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Gəlyaɗe 97:11

Əkeɗeɗe tay əkekeɓe' vi ɗəf təstəsə; ənnek tay viyit ɗiy en mekret barə.

Isaya 2:5

Ɗiy na Yakob, məndamə mədawsəm addəv əkeɗeɗe na Yawe.

Isaya 49:9

Kawnah sit məfərsəneɗ na migili gəm sit məs dəssoŋ ara guzli na: mide ara əkeɗeɗe'e. Wataɗaŋ aket tiveɗi, kiyit mossorgoɗe pak təki nawtaɗ neti.

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 9:2

Kənzlərgitik ɗiyi Daya kəɓaygənək ənnek net metiŋgini. Tahəŋ ənnek abok va ənnek pay na mawala, va adannekeŋ də ənzla vaŋvəl də uɗak zəga mərahən səddəv əgaya.

Yeremiya 48:27

Ya Israyeli zəga nawmas nok ɓa sa? Aret məhelɗeŋge mərəhən ka addəv əpel nok akan pak na is əɓlan kiyuk sa?

Yeremiya 50:11

Ah, wakəɓap ənnekeŋgi, wakəbabyakaŋgə, mənokum məppohonən dələv nawa! Wakəzlahaŋ va bəlata a kevile gəm wakəhəmaŋ va pilseŋge na zeŋve!

Yeremiya 8:4

Kənah sitgin na, aŋki məs Yawe anahə: An ɗəf askotko, asil na ɓa sa? An ɗəf azək ki tive, amilyen aka təlni aka təlni ɓa sa?

Ezekiyel 25:6

Vi vaŋ Daya Yawe anahə: Vi kərgak voko, kəpepɗekke, kənnekenək zuk də ezelen dələv na Israyel dərwadərwa.

Ezekiyel 35:15

adan kədanneken zuk vi məraygən dələv na Israyel, vas nədakkpaŋgoko, mərayguk kədassoko mossorgo metiŋ na Se'ir gəm Edom dəwənnani. Asna wasənən na, intə Yawe.»

Ezekiyel 36:5

Vini, an Daya Yawe anah yaŋka: Sessel də kotorok naw vakvak nədawpel aket dəlveŋge na guw meɓɓeti, gəm aka Edom dəwənnani, vi atakənək dələv nawa. Də ənnek a mekreti gəm əzel sə mekret gərakə, vi kappohon təki nawtaɗ nani.

Amos 9:11

«Pay dəpas na: wanəsilgin guɗuk na Davit. An dəɓəsl na, wanəsuko, an diɓlu gəm an dəray na wanəsilgini, wanərkan va aka pay asan lahəŋka.

Obadya 1:12

Kədannek dula pay na tatwãh na məlmuk ɓa pay na sãhã nan ɓa, kədanneken zuk aka əza net ɗiy na Yuda ɓa, kədawmas akan aka pay na tatwãh nan ɓa.

Mika 4:10

Ahəm sən tatwãha va guluk məɓay uwa Siyon! Vi kakaŋ na wakəgil sə walaŋgəla-metiŋ kadda əsok awra gəm kawmbat hã a Babilon. Adaka kawkõhguki, Yawe wabituk səmmba vet məzuzelɗe noko.

Mika 7:10

Məzuzelu wawla wil wadanəni, ndən mənah su wən nak na: Aŋgay Yawe Maŋgəlva nok di? Haraw wawla kawndapani kakaŋ ammba təl ɗəf va ndərɓa aka tive.

Zakarya 12:8

Pay nan dəpas Yawe wazeŋ aret ɗiy na Yerusalem: ɗəf məhuyukhuyuk naret dəpas na, wasan va Davit, gəla na Davit tam va Maŋgəlva, va maslay na Yawe abeti.

Matiye 4:16

ɗiy dəssoŋ ara guzliyo awlanənək əkeɗeɗe metiŋgini. Ya en dəssoŋ aka kivadələv addəv guzli na əmta, əkeɗeɗe wakekeɓe aketi.

Yohanna 16:20

Gesiŋ gesiŋ nədawnah sukum: Wakəhəmaŋgə wakəɓuhun mokum, ya mamba dələv wanneken zəni. Wakəssahanən zukum ya wəssahan zukuməs wakkpaŋ ənneke.

Yohanna 8:12

Yesu apel sitik əmpa, amna: Naw intə əkeɗeɗe na dəlva. Ɗəf dəzbawa, sessel adawna arah guzli ɓa, ya warah əkeɗeɗe na zeŋgile.

Wəza net Masləŋɗe 26:18

Vi kawkol sit hereti, kakkpeŋget səra guzli ara əkeɗeɗe'e, gəm səddəv gagdak na Satan aza Maŋgəlva, vi dərahaŋgən əvvu net mambrayɗe, gəm dərahaŋgən haran net a walaŋgit ɗiy salala də ətafwa.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

2Korintus 4:9

Mərɓahami, ya mərufmi ɓa, məzlbəmi ya məzami ɓa.

Hənhən 21:23

Wəray tay na paya awaniɓa na təla ɓa, vi dəkasakgən a walaŋgəla nan ɓa, ndargayã na Maŋgəlva yi lalam na walaŋgəla nani.

Hənhən 22:5

Dəfəɗ tay adak ɓa, wəray tay na lalam adak ɓa, awaniɓa na pay ɓa, vi Daya Maŋgəlva sən kiyən wasan əkeɗeɗe neti. Wazəmaŋ məlĩ hã dudan.